ماهو افضل مشروع استثماري ناجح

اشتر مقاني واجلس بها بالديره المشاريع خساير

المشاريع كثيرة
مغسلة سيارات
مطعم
محل ملابس
وارشح مغسلة السيارات وارى انها مناسية لراس مالك
لكن عليك بالتميز في الخدمه
ولك تحياتي

آلمشآريع آلمربحه كثـيرهـ
مغآسل ملآبس ، مطعم بحي جديد الخ ,,
 آلتجآره بآلحلآل ((آلآغنآم)) ,, آشوف آنهآ جدآ مربحه ولك حريه آلرآي وقبل مآتبدآ بالمشروع ، عـليك بدرآسه جدوى , وآلآستخآره قبل كل ذلك ،

وفقك آلله 

لو بفتح سوبر ماركت صغير كم بيكلفني ههههههه حلووه يا اهمد مقااني والله فكره زينه لاكن ماني ناقص اطارد من سوق غنم لسوق غنم ثاني انا لن افعل شيء حتى استخير ربي وان شااء الله لن اخسر

طلع لك تصريح نقل معلمات ولا مدارس وجامعات ونقل ركاب
واشترلك باص من هالباصات ايا كان نوعه اهم شي مكيف واعطاله قليلة

وجب لك عامل على كفالتك شغّله بالنسبة + راتب

أضمن لك باذن الله دخل شهري ثابت صافي مايقل عن 6000 ريال بعد خصم مصاريف السيارة وراتب السواق 
ولو تكده بنفسك بتطلع 10000 

ولو تأجره بعقد شهري ماراح يقل عن 3000 ريال في الشهر 

في النهار جامعات وباقي اليوم مشاوير خاصة بالطلب 
وتقدر تأجر السيارة بالسواق بالساعة 

هذا افضل مشروع وكثير من الي بدوا فيه عينوا خير منه وبعضهم فتح له فروع
داخل منطقة الرياض من هالشغلة المبروكة

^^^^^
فكرة السواق ممتازه جدا لكن بعد قرارات مطاردة العماله اعتقد بيصير تدقيق على السواقين وفرض شروط الحصول على ترخيص من وزارة التعليم ,,,

الا اذا بتشغل السواق في منطقه معينه مثل شرق الرياض او غرب الرياض او شماله ,,
اهم شي لايمر مع نقاط تفتيش ,,,

انا كان عندي محلا حلاقه والله تدخل ذهب ذهب وشريتها ب حوالي 80 الف مع الايجار ومجهزه بالكراسي والادوات ومن الي لاني شريتها وهي شغاله وجبت عمال من مصر لكن الله يقلعهم ,,
المهم كان خل المحلين صافي في جيبك 3500 ريال شهريا ...لكن سبحان الله لانها شغله فيها نوع من الحرام فلوسه صح كثيرررره وخير كثير لكن تطير بسررررعه,,

وهالحين بعتها ,,,وماانصح احد بمحلات الحلاقه ,,,

لكن انا حاليا انا افكر في موسسة مقاولات ,,,فيه خير اكثر من الحلاق واذا تبي تفاصيل قلي اشرح لك الطريقه ,,,

والله ياخوي يبي لها تفكير عميق وتسأل الناس اللي عندهم مشاريع ولهم خبره علشان ماتخسر
وموفق بأذن الله

meezar
وزارة التربية والتعليم مالهم دخل 

التصريح ياخذه من وزارة النقل ووزارة التجارة عشان السجل اذا كان بيفتح محل 
اما بخصوص العمالة انا قلت يجيب سواق على كفالته عشان يفتك من وجع الراس 

مادام السواق على كفالته ونظامي بتصريح محد مكلمه 

اخوي naac2
كلامك صحيح كان قصدي وزارة النقل لكن من العجله حطيت اقرب وزاره ف راسي ههههه ,,,,
تصدق انا فكرت في هالمشروع اللي قلت سواق وسياره فان او جمس وتوصيل معلمات لكن لقيت يبي لي مصاريف بنزين وزيت يمكن كل اسبوعين لا السواق بيمر على اقل شي 6 بيوت معلمات ويوديهم المدرسه ثم يروح ويرجع لهم ويوديهم كل وحد لبيتها ويوميا كذا ميزانية بنزين وزيت ماهي شوي وكذلك كفرات ,,,
بعدين شوارعنا مكسره مستحيل تلاقي شارع صاحي ,,,
حتى الطرق السريعه فيها حفر حقت الاغطيه اللي حطوها لتصريف المياه ,,,
وزززحمه ولاتظمن نفسية السواق واخلاقه ,,,
يمكن مايتحمل هالشغله وممكن يزهق من الزحمه او يكسر سيارتك وتروح تصلحها ع حسابك ويساومك انك تزيده والا كسر حلالك ,,,

انصحك تفك محل جوالات فيها دخل غير طبيعي 

تريله سطحه مع باكستاني واجرها ع شركة

مشكورين يعطيكم ربي اللف عافيه والله دحلتم براسي مشاريع ماكنت افكر فيها بس يا اخ meezar كيف يعني محلات الحلاقه دخلها حراام و هل المبلغ اللذي عندي يغطي لكي افتح مؤسسة مقاولات

سلام عليكم
اخي الفاضل .. لو تاخذ صندوق قلاب جديد قيمته 75الف وتأجره
بالشهرب4000ريال بعقد مايقل عن 6اشهر 
وحتى لو فكرت تبيع الصندوق راس مالك موجود 
واستخير الله قبل ما تبدء اي مشروع
بالتوفيق ان شاءالله

بكم تقريبا صندووق القلاب

الاسعار تبدأ من 70الى 79الف على حسب المصنع ومواصفات الصندوق والبستم 

وتقدر تاخذ فكره بالموقع عن الجديد والمستعمل
تفيدك كمعلومات من ناحية نوع الحديد وسمك الحديد ونوع البستم سواء كبير او وسط 
وبناء عليه تدرس مشروعك بدقه 


الله يوفقك بمشروعك انت وغيرك