أضف سؤال أو موضوع جديد          

معلومة بخصوص فريون المكيف

up 20 down 6
lumina ss the best 81
قبل 8 سنه و 5 شهر



بسم الله الرحمن الرحيم

السلام عليكم ورحمة الله وبركاتة

ياشباب حبيت اقولكم هذه المعلومة عرفتها قبل فترة بسيطة وهي

" الفريون ما يخلص دام مافيه عندك تهريب (تسريب) وهذا الشي ينطبق على فريون المكيف للسيارة والمكيف منزلي "

الفريون مو مثل الزيت المكينة يتبخر وتحتاج بين فترة واخرى الى زيادته ...يخلص او يتبخر في حالة وحده فقط وهي التهريب ..

اذا فيه تهريب مثلا من إبرة الفريون راح يسرب الفريون وراح تلاحظ المكيف يضعف تبريده .. واذا جلست تشغل المكيف راح يحتر ويضرب عليك

ودايما اسمع اخوياي وغيرهم يقولون عبي فريون بداية الصيف افضل لك حتى لا يخرب عليك ولا بعض الناس سنويا كل بداية صيف يعبي فريون من جديد لكل مكيفات البيت .. طيب الفريون فل ليش تعبي فريون؟؟

واذا الفريون ناقص غلط انك تعبي بدون ما تعرف وش سبب النقص لان راح يهرب مره ثانيه!

وضروري عند تعبئة الفريون تعبي فريون امريكي اصلي 134a

وحبيت اذكر لكم هذا المثال انا عندي سيارة موديلها 2006 اخذتها وكالة من هيونداي وما عبيت فريون ابداً اغير فلتر المكيف كل سنتين والتنظيف كل شهرين والى اليوم هذا المكيف بارد بالظهر + الليل ووالحمدلله 7 سنين بدون اي مشاكل

وماابي منكم الا دعوه بالتوفيق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بعد راسي انت والله 
منور يابعد قلبي 
لكن انا عندي سياره مكيفها احتر ورحت للمكيفات وقال فريون فل كم لك ماغيرته قلت سنتين 
قال اوووف لازم تغير قلت انت المسئول اذا مابرد قال ايه 
قلت توكل على الله والحد لله طلع كلامه صح


up 4 down 5
lolo-ss 4514
قبل 8 سنه و 5 شهر



ماشااء الله والله كسبت منك معلوومه جيده اسأل الله لك التوفيق وتستاهل لايك ياغالي


up 5 down 1
good year2030 80
قبل 8 سنه و 5 شهر



مشكووووووور على المعلومة
ويعطيك الله الف عافية


up 3 down 1
نايف 4545 243
قبل 8 سنه و 5 شهر



مشكور yor best .. فعلا الفريون غاااااز ماله عمر . ممكن ينقص بسبب التهريب بس ماينتهي

وفي سيارات له اكثر من 15 سنة المحافظ عليه طبعا ع فريون الوكالة بسنتها .


up 4 down 1
aziz..747.. 2421
قبل 8 سنه و 5 شهر



صادق اخوي اذكر كانت عندنا دددسن  موديل 91  اكثر من 7 سنين ما عبينا الفريون   الى ما بعناها 


up 3 down 2
صوت العزاوي 523
قبل 8 سنه و 5 شهر



غريبه يالومينا 
 
انا مكيف الكورولا صار هواء بدون تبريد ، يعني كأنك مشغل المروحه فقط
 
 عبيت فريون وضبط 

 بس ترى من وكالته ماغيرته ، يعني من ٢٠٠٤ ماشاءالله تبارك الله


up 3 down 0
فكوك 1684
قبل 8 سنه و 5 شهر



^^^فكوك ...
انت عندك تهريب فريون اصلاً ، فالاولى انك تتبع ليش نقص عندك .
الحين طبيعي بما انه ما كان في فريون وعبيت بيشتغل معك تمام بس اتوقع يكون مؤقت لان المشكلة الاساسية ما تعالجت فأنتبه لها مستقبلاً موفق


up 2 down 0
aziz..747.. 2421
قبل 8 سنه و 5 شهر



لامالك لوى 

 حتى يوم جيت اعبي فريون قال العامل عندك تهريب ؟ أو قد صدمت بالموتر من قبل ؟ 
 
 قلت له لا ماعندي تهريب الموتر شد بلد 
 
المهم لزم أنه يكشف على المواصير ، وكشف عليها بالكامل وماطلع تهريب ولاشيء
 
 كل مافي الأمر أنه ٨ سنوات كافيه لأن يفقد الفريون فعاليته وفائدة ، مب شرط يكون مهرب مع المواصير 

  
هذا اللي أستنتجته أنا بعد هالسالفه


up 1 down 3
فكوك 1684
قبل 8 سنه و 5 شهر



انا عبيت فريون 400 وعليها يقول الفني انه مثل 134 وهو بارد


up 0 down 0
بدربن عيافه العتيبي 5
قبل 4 سنه و 2 شهر