أضف سؤال أو موضوع جديد          

اسعار السيارات

up 6 down 4
naac 2 2722
قبل 9 سنه و شهر



الكل يشتكي من اسعار السيارات المستعملة انها ارتفعت ووصلت لأرقام خيالية لكن في نفس الوقت
 قليل الي تطرق للأسباب أو على الاقل حاول يعرف سبب المشكله 

قبل 10 سنوات كانت الاسعار تتفاوت من منطقة لمنطقة والي ادركوا ذيك الفترة يعرفون هالشي 

الكرسيدا موديل 88 ذيك الفترة في الرياض سعرها مايتعدا 15 بالكثير بينما في مكه كانت تباع
بالـ 25 وبـ الـ 20 وتوصل للـ 28 أحيانا 

في القصيم كانت الجيوب والونيتات أغلى من الرياض والمدن الثانية وكانوا بعض الشريطية يعرضون
سياراتهم في القصيم وانا شخصياً اعرف كذا واحد كان يروح للقصيم يبيع موتره هناك عشان زيادة اربع
الاف أو خمس الاف 

القرى الصغيرة كانت الجيوب والدداسن فيها توصل ارقام أعلى من الرياض احيانا بفارق 10 الاف 

وهكذا 

السبب من وجهة نظري المتواضعه المواقع لأنها سببت عولمة محلية في اسعار السيارات فصار الي في
الرياض يشوف سعر سيارته في منطقه ثانية اعلى فيبدأ يطلب نفس الاسعار 

وكبرت المشكله يوم بعد يوم لين صارت الاسعار موحده تقريبا مع اختلاف بسيط 

كانت الاسعار في السابق الي يتحكم فيها طبيعة المنطقة وبيئتها أما الآن الي يتحكم بالاسعار المواقع 


نسمع اراءكم 

-------------------------------------
معد اقدر احط ردود زيادة 

تحديث 1 : 

dub_r-50


كلامك على عيني وراسي
ولكن مهما كانت الاسعار راح تكون مختلفة من منطقة لمنطقة وهذا شي اكيد 

لكن كلامي انا ان المواقع وحدت الاسعار فصار
سعر الكامري في الرياض نفس سعر الكامري في مكه على سبيل المثال

وأول كانوا الناس يشتكون من اسعار السيارات المستعمله مع انها تتفاوت من منطقه لمنطقه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا راعي الديس لايك 
ممكن تنورني بوجهة نظرك في الموضوع ؟


up 2 down 0
naac 2 2722
قبل 9 سنه و شهر



مرحبا اخوي ما عليك من ذا المبزرة و كثرو بالمنتدى بشكل مزعج ومقلق بس ما عليه تعود على ذا الاشكال
اخوي صادق وبذات اهل الطائف وابها عليهم اسعار يعني فلكية   وماادري ليه.. وصدق كلامك بعضهم يشتري من منطقة ويبيع 
في منطقة اخرى حركات شريطية صارت واعرف ناس واجد يجون من بعيد وياخذون من الرياض 


up 1 down 0
صوت العزاوي 523
قبل 9 سنه و شهر



والله الديس لايك ماهمني 
لكن ودي انه يقول رايه 

بالنسبة للاسعار الحين تقريبا صارت نفس الشي اللهم اختلاف بسيط ودايم اشوف بعض الي في المعارض يقول سيم في موقع
حراج بكذا وتحصل الي سامه في منطقة ثانية 

مانيب ضد المواقع لكني المواقع هي السببت ارتفاع الاسعار في مناطق كانت الاسعار فيها اقل من غيرها 


up 1 down 0
naac 2 2722
قبل 9 سنه و شهر



لو انها سيارة تستآهل سعر عآلي مآفي آي مشكلة اعطيه السعر..
لآكن يجيك وآحد معه قطعة قرمبع ويبغا عليها شئ جامد هذا اللى يضحك وفي نفس الوقت يقهر ..


up 1 down 0
mam-2200 248
قبل 9 سنه و شهر



الاسباب متعدده 
الارتفاع العالمي لسيارات /
طمع التجار عندنا ورفعهم للاسعار /
غياب دور وزارة التجاره والمراقبه /
قرار منع الاستيراد للموديلات اكثر من 5 سنوات /
استيراد السيارات المعاد اصلاحها في دبي /
غلاء المعيشه وارتفاع الاسعار ساهم في زيادة الطلب على السيارات القديمه وهذا ادى لزيادة اسعارها 
ويمكن في اسباب اخرى مثل الطمع والشريطيه وانخفاض الجوده في كثير من السيارات الحديثه


up 2 down 0
dub_r-50 443
قبل 9 سنه و شهر



اخوي   صادق وبذات الامريكي او افورد  مكروه بشكل عام ومبيعته مزعجه    والدليل على كلامي شف الشريطية سياراتهم الي 
يشترونها تويوتا او نيسان  ونادرا تحصل فورد عنده بس مجرد ما يجي للموقع يطلع لك ميه واحد يبيه 
اتكلم عن معارض الريااااض


up 0 down 0
صوت العزاوي 523
قبل 9 سنه و شهر



لا والله لازالت اسعار السيارات بالشرقيه وجده الاغلى مع العلن انها معرضه للاستهلاك المدمور بسبه الحفر والمطبات وايضا الصداء


up 1 down 0
nnna 1028
قبل 9 سنه و شهر



فعلا انفتاح المدن ع بعض هو سبب رئيسي ، لدرجة ما عاد تميز النظيف من المدمور كلها بنفس السعر .

لاكن الواقع والخبر بالسوق تحدد سعر السيارة والي بيطمع وشجع بتقعد بحلق فترة طويله والخسارة بمصروفه خلال هذي الفترة تعادل الانتظاااااار يعني مكأنه سوى شي الي يكسبه خسره مصروف قبل بس تقول لمن ، والله ي السمح انه مبارك ويقلب فلوسة وتزيد ماتنقص


up 1 down 0
aziz..747.. 2421
قبل 9 سنه و شهر



مشكور ع الموضوع المميز والله يجزاك خير والجميع


up 0 down 0
aziz..747.. 2421
قبل 9 سنه و شهر



لا تنسون المدينه المنوره 
الهلكسات اسعارها خياليه
هلوكس غمارتين موديل 85 انباعت 25 الف
المدينه يعشقون ابو هجمه


up 0 down 0
ابو مازن 9988 61
قبل 9 سنه و شهر



انا اذا شفت سياره معروضه هنا اول شي اناظر فيه المكان
اذا شفت ابها اسحب ع الموضوع لاني ادري ان سعرها غالي جدا


up 1 down 0
سع ـيد 324
قبل 9 سنه و شهر



هو قرار خمس السنوات عمل مشكله حتى في ولاية تكساس من هيوستن تلاقي مثلا من موديل 2008 معروف انه يصدر للسعودية وسعره فرق عن الموديل اللي قبله . وهذا هو السبب الحقيقي . وفي الاردن المنطقة الحرة كانت مرتع لاهل الشمال سيارات المانية وامريكية وجميع الخرد تدخل للمملكة ومن بعد القرار جاتهم صدمة نفسيه واعرف شباب انقطع رزقهم بس القرار


up 1 down 0
ابوفوز513 1
قبل 9 سنه و شهر