أضف سؤال أو موضوع جديد          

صيانة سيارتي و أنا أول مرة أملك سيارة

up 9 down 0
أبو البراء التونسي 259
قبل 8 سنه و 5 شهر



السلام عليكم ورحمة الله
إخواني أنا أوّل مرّة أملك سيّارة هنا في الرّياض، و أنا أعرف أنّه لازم مراقبتها و صيانتها من عدّة نواحي.
سيّارتي هي أكسنت ٢٠٠٤ قير عادي.

الّي أعرفه هو تفقّد ماء الخزّان لكن كل كم وقت؟
و أنو لازم أغيّر الزّيت كل ٣٠٠٠ كم و لازم أغيّر السّيفون مرّة بمرّة مع الزيّت؟

لكن آش لازمني أراقب ثاني حتّى ما يصير معي مفاجآت؟ سمعت عن زيت القير وزيت الفرامل لكن ما عندي خبرة كبيرة بها الموضوع.

أنا شاكر كثيرا للأخوة في هذا المنتدى الي استفدت منه كثييييرا و الله.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل ماجيت تغير الزيت شيك على زيت الفرامل والدركسون اذا كان الدركسون خفيف(هواء) ويوميا ﻻ جيت تحمي السيارة  افتح الرديتر شيك على الموية لين تتعود على  السيارة والزيت افضل لك خذ اربع علب زيت 20/50نوع الزيت gtx وسيفون من الصناعية والعبة تطلع ب13والسيفون اتوقع ب10ووتعطي البنشري 10تطلع وفرت سعر كويس مع كل تغييره  ومو كل مرة تغير السيفون يعني مرة ايه ورة ﻻ الا اذا كنت حريص مرة ومشاويرك مهي كثيرة يعني 3000بتطول لين تمشيها غيره مع الزيت لانه ماتفرق اﻻ 10وبالنسبة لي انا اغير الزيت كل 5000 


up 4 down 1
ابوابراهيم ksa 1391
قبل 8 سنه و 5 شهر



مبروووك ابو البراء ، مشاء الله تبارك الرحمن ، الله يعطيك خيرها ويكفيك شرها .

قسم السيارة الي اجزاء عشان تسهل عليك المسألة
1- المكينة ومتعلقاتها

2- الاجزاء السفلية
3- الاجزاء الازمه تغييرها بشكل دوري ومنها بـ1 ومنها بـ2 ومنها ع حسب استخدامك واسف ماعندي وقت اكتب،، النشامى مراح يقصرو معك



up 2 down 0
aziz..747.. 2421
قبل 8 سنه و 5 شهر



ماقصروا الشباب ,, وبأختصار شيك على :
1- سيور السياره 
2- موية الرديتر ** وهذي اهم حاجه **
3- الزيت شيك عليه بين كل فتره وفتره .. 
4- زيت القير العادي مايحتاج تغيره ..
5- تغيير زيت الماكينه كل 5000 كيلو متر ومره مع السيفون ومره لا .. 


up 3 down 0
ابو سعود629 4708
قبل 8 سنه و 5 شهر



مثل ماقال اخونا ألو أبراهيم 

وأنا معي سوناتا أخير كل 5000 كم 

 يعين بما أنهك أو مستخدمة شيك على العضلات والاجزاء السفلية والسيور وفي البداية حاول تقيس الزيت كل كم يوم 

عشان تتأكد عن النقص أو أي شي 


up 2 down 0
-القيصر- 380
قبل 8 سنه و 5 شهر



شيك على هذي الاشياء والباقي ان شاءالله الاخوان يفيدونك اكثر
1:البواجي واسلاكها 
2:صفايه البنزين 
3:زيت الفرامل وزيت المكينه والسيفون وزيت الدركسون وفلتر المكيف وفلتر المكينه والفريون حق المكيف
4:سير المكينه سير المكيف 
5:وشيك عالمساعدات والمقصات اذا  انها خربانه غيرها


up 2 down 0
ali alfaqeeh 441 1119
قبل 8 سنه و 5 شهر



اولا في منتدى لسيارات هيوانداي انصحك بزيارته لانو بيعلمك اشياء كثيرة عن سيارتك@    ثانيا/التشييك اليومي قبل التشغيل من نفص الزيت او الماء اوجود تهريبات واضحة ضغط الكفرات اكد من عدم وجود نقص تاكد من اصابع البطارية بحيث تكون مشدودة ولايوجد عليها رواسب تاكد من مؤشر الوقود لاينقص عن الربع لكي لايسحب الرواسب ويجمعها بالبخاخات الصفاية تستبدل كل 60000كم اوسنة نظافة فلتر الهواء كل اسبوعين تاكد من عيار الزيت المناسب لمحرك سيارتك حسب  الكتالوج لان 20/50 يعتبر ثقيل نوعا ما عدم لف الدركسون بشكل كامل عند الدوران حتى يصدر صوت لان ذلك يضغط الزيت ويضعف طرمبة الدريكسون ويتسبب في تقطع جلد العكوس  تاكد من تغيير سير التيمن الموجود داخل المحرك بعد قطع مسافة 150000كم عدم تعبئة الردتير او تعويض النقص بماء عادي استخدم ماء مقطر او اصلي@                                                                                                                                                                                                                             


up 3 down 0
buick83 234
قبل 8 سنه و 5 شهر



مشكورين إخواني...
أنا الآن أسمع صوت طقطقة عند الدوران، إش ممكن يكون السبب؟
و أحيانا أحس إن عزمها ضعيف حبّة، إش هو السبب الممكن يكون أيضا؟

الله يجازيكم الجنّة


up 0 down 0
أبو البراء التونسي 259
قبل 8 سنه و 5 شهر



ودها عند المهندس اكيد من عضلات السيارة من العكوس او ركبة تاكد


up 1 down 0
العامري دوت كوم 2 455
قبل 8 سنه و 5 شهر