هل عندك تحيز و تعصب لفئة من السيارات؟

من جهتي ياعزيزي اذا اني جربت سياره بأقول كذا وكذا عن واقع تجربه واذا ماجربت السياره وحتى لو سمعت عنها خبر
ماراح اتكلم لان الكلام ياكثره الافضل تجرب وانت وقناعتك بالشي اما عن المتعصبين بالسيارات 
ايش اقول وايش اخلي هههههههههههه بالتوفيق ياعزيزي

بصراحة كلامك ماعليه غبار ابد  
وياليت الكل يبتعدون عن التعصب وعن الفلسفة الي مالها أي أساس ....
وخاصة الكلمتين هذي الي ماتأكل عيش (( خروف استرالي ،، خردة كورية ))

يعطيكم العافية 
و منور الموضوع بمروركم
لكن المشكلة الي يقول ((( يا تحب السيارة الي احبها او بزعل))) 
دكتاتوري هههههههه
طيب خلني اتكلم اعبر عن رايي
ياخي خلني اتفلسف ودي اسولف
لا مايبي يكتم ع بلفك و يحاججك و الا يقنعك على اساس انك مندوب الوكالة
وانت لا ناقة لك ولا جمل

صدقني الي فالمنتدى له ميول لشركه الفلانيه بحكم انو معه من نفسس الشركه الفلانيه وكذا صار متعصب >> ي شين الفلسفه هههه

والصراحه الي محلي المنتدى المتعصبين مسووين جوو هههه بس الايام هذي خفت . :)

نعم عندي وبقوة للسيارة التي أملكها حاليا وبمجرد الخلاص منها او بيعها تصبح هي الأسوء......."للأسف هذا حال اغلب الوضع مع الناس"

بعضهم فعلا تحيز

لكن البعض يعطيك الحقيقه

خصوصا في ظل الارتفاعات في اسعار السيارات

يظل السيارات الكوريه الانسب من نواحي متعدده مقابل السعر

هو صحيح ان الواحد ما يشري سيارة الا مقتنع منها ١٠٠٪ ولذالك يمدح بها و يمجدها
وهذا حقة 
لكن ليش اذا مدحت موترك هاجمك 
هنا السؤال ياخي انا زيك بمدح موتري و مقتنع منه ١٠٠٪ 
ولولا اختلاف الاذواق لبارت السلع

ياخي من حقي احب موتر غالي و مجرد ما يطلع من الوكالة تطيح نص قيمته و علاوة
على ذالك غير متوفرة قطع غيارة و غالية ولا كل الورش تصلحه و مع ذالك معجب به

يجب ان نحترم الراي الاخر

ليس لدي تحيز 
ولكن لدي ميول للنيسان من ناحية السيارات العائليه والحوض 
اما سيارات السيدان فاميل لشركة فورد

هذا منتدى لكل الشركات عااااااااااااااام ومفتوح فيه النقاش ؟

اما المتعصب الي له اسهم بشركة معينة يروح منتدااااهم وتمرغوا مع بعضم

فورد لها منتدي والكوري له منتدى والماني له منتدى
ياخذ الواحد معلومه من هناك ويجي يتفلسف علينا البطل المغوار وسوى الفاهم لا تختلف معه ويزعل ويبدأ السب ويوجه أعصبه بعينك ويصفك بالغباء ليش منت مصدقني (طبعا ماخذها من هناك) واذا حشرته قال خش المنتدى الفلاني وتشوف كلامي طيب من اول قول روح المنتدى الفلاني وريحنا

خفو علينا
كل الموضيع نسخ ولصق وتقليييييييد مافي شي حصري بهذا المنتدي الا التعصب والسب والديسلايك

وعلى قولك ابوريمان الله يحفظة لك (
الواحد صار ما يقدر يقول رايه بصراحة يخاف يزعل احد)
ماعد تدري وش تسوي ودك تنفع غيرك وشياطين الانس مستقعد لك عموما الله يصلح الحال نصيحة للكل ارجوكم من كل قلبي اقراء الموضوع المطروح 2،3، وبعدين ادلي بدلوك ،،، رجااااااء خاص للي يخش مطفي النور يركب زنن ،


ولا ترد على الردود ( رد ع الموضوع فقط )

زي ما قال الاخ ماجد المطلق

يقولون ( خروف استرالي ) يقصدون فيه الكآبرس واللومينا

وآنآ إن كان فيني تعصب وعشق راح يكون لـ اللومينا فقط

مدري ليه العالم فيها تعصب لسيارة معينة ياخي كلها سيارة والناس بكيفها لازم امدح سيارتك يعني !!! اصحاب العقول براحة

انا متعصب وعاشق ومتيم لمرسيدس وبالذات الشبح ,,, ويستاهل ,,,

واذ1ا تبي تعرف ليه بعض الاخوان متيمين بالمرسيدس تلاحظ في بعض المواضيع مثلا واحد يسال اشرايكم ابي اشتري كورولا يجون ناس يقولون لا اشتر كامري او اكسنت
وواحد مثلا يقول للاخوان ابي اشتري كابرس يجون ناس يقولون لا اشتر فورد ,,,

لكن المرسيدس اذا جا احد يسال عنها تجد الموضوع لايخرج عن اطار مرسيدس اللي يقوله اشتر شبح 500 او 320 او 600 ,,,

وهذا دليل على احقية هذا النوع من السيارات بالتعصب والعشق وقد تصل للغيره على السياره ,,,

وتلاحظ في بعض مواضيع اللي تتكلم عن الشبحات ان اللي جرب هالسياره يدافع عنها حتى لو لايمتلكها حاليا ’’’
ولكنه يغار عليها ولايرضى ان اي احد يحش فيها او يقلل منها هههههههه ,,