أضف سؤال أو موضوع جديد          

إحذرإحذرهل تعلم انه هناك قطعه صغيره في سيارتك قد تكلفك حياتك

up 151 down 82



بسم الله الرحمن الرحيم راح اتطرق لقطعه خطيره في السياره الكثيرين يجهلونها او يهملونها وقد تكلفهم حياتهم



هي الركبه او يسمونها الجوزه



وهي الرابط بين المقص وبين الهوب حق الكفر كامل



وهي اللي تتيح الحركه في يمين ويسار



وهي اللي شايله السياره بكبرها



نشوف سيارات طايحه على وجهها



ويمكن سمعنا حوادث انه فجئه على سرعه انفك الكفر الامامي من مكانه





اسباب تلفها كالتالي :



الحفر والمطبات



تشقق الجلده ومن بعدها الشحم يطلع وتاخذ فتره بسيطه تتعرض لانكسار



المشكله الكبيره انه الركبه لو تعرضة للكسر باي لحظه راح تسقط السياره من الامام وهذي فيها خطوره والوقايه خير من العلاج



وانا متاكد انه اغلب اللي شرو مستعمله محد فيهم شيك على الركبه او اهتم فيها





طريقة الحفاظ على الجوزه هي تشحيمها



بعض الجوزات يكون لها مشاحم وكما ارفقت لكم صوره عن كيفية التشحيم



وهو مسمار الجوزه يكون في راسه فتحه صغيره يتم عن طريقها ضخ الشحم بداخلها بادوات التشحيم



مع العلم انه بعض السيارات مايجي فيها مشاحم للركب



طريقة التشييك عليها مرفقه بالصوره



اول شي نرفع السياره من الامام



بعدين نمسك الكفر من الاعلى ومن الاسفل ونحرك الى الداخل والخارج



اذا تحرك الكفر اعرف انه الركبه خربانه ويمكن ماتفهمون بالكلام عشان كذه راح تشوفون صوره وعليها تعليق وبعدها رابط فيديو يوضح كيفية التشييك عليها



واتمنى يعجبك الموضوع المتواضع








......... http://www.youtube.com/watch?v=JL4198ddEw8
























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بارك الله فيك ياصاحب الموضوع والله اني كنت اجهل القطعه الي دائما نستصغرها وهي مهمه


up 0 down 0
tmanetk
قبل سنه و 9 شهر



فورد قراند ماركيز وكراون فكتوريا موديلات التسعينات والألفين
أعوذ بالله
الركب والأذرعة هي ما تعيش أبدا بحكم ثقل المكينه.


up 0 down 0
خ.الد 98
قبل 8 شهر و أسبوع