إحذرإحذرهل تعلم انه هناك قطعه صغيره في سيارتك قد تكلفك حياتك
152
82
إضغط هنا للإخفاء
بسم الله الرحمن الرحيم راح اتطرق لقطعه خطيره في السياره الكثيرين يجهلونها او يهملونها وقد تكلفهم حياتهم
هي الركبه او يسمونها الجوزه
وهي الرابط بين المقص وبين الهوب حق الكفر كامل
وهي اللي تتيح الحركه في يمين ويسار
وهي اللي شايله السياره بكبرها
نشوف سيارات طايحه على وجهها
ويمكن سمعنا حوادث انه فجئه على سرعه انفك الكفر الامامي من مكانه
اسباب تلفها كالتالي :
الحفر والمطبات
تشقق الجلده ومن بعدها الشحم يطلع وتاخذ فتره بسيطه تتعرض لانكسار
المشكله الكبيره انه الركبه لو تعرضة للكسر باي لحظه راح تسقط السياره من الامام وهذي فيها خطوره والوقايه خير من العلاج
وانا متاكد انه اغلب اللي شرو مستعمله محد فيهم شيك على الركبه او اهتم فيها
طريقة الحفاظ على الجوزه هي تشحيمها
بعض الجوزات يكون لها مشاحم وكما ارفقت لكم صوره عن كيفية التشحيم
وهو مسمار الجوزه يكون في راسه فتحه صغيره يتم عن طريقها ضخ الشحم بداخلها بادوات التشحيم
مع العلم انه بعض السيارات مايجي فيها مشاحم للركب
طريقة التشييك عليها مرفقه بالصوره
اول شي نرفع السياره من الامام
بعدين نمسك الكفر من الاعلى ومن الاسفل ونحرك الى الداخل والخارج
اذا تحرك الكفر اعرف انه الركبه خربانه ويمكن ماتفهمون بالكلام عشان كذه راح تشوفون صوره وعليها تعليق وبعدها رابط فيديو يوضح كيفية التشييك عليها
واتمنى يعجبك الموضوع المتواضع
......... http://www.youtube.com/watch?v=JL4198ddEw8
إبلاغ
الردود
0
0
قبل 5 سنه و 10 شهر