محتار بين سينتافي جديد نص فل 2013 و فورد اكسبلورر 2010

والله انا ماجربت الثنتين 

بس كشكل اميل للسنتافي 

اذا تتكلم على الاكسبلورر الشكل القديم فما انصحك فيه ابد ابد مشاكله ماتخلص ومحرك فاشل تخيل توضب القير ب8الف ولله لو القير من ذهب،، انا اقول اشتر جديد وخاصة هونداي داخله السوق وبقوه  وسياراتها تتحمل وسعرها معقول فأنصح بهونداي او جمس مستعمل ونضيف خاصة الجموس بشكل عام صيانتها سهله وغير مكلفه

واكرر اذا تقصد الاكسبلورر الشكل القديم اهررررب صح شكله جميل ومهضوم بس الاستخدام ولا بقررش 

فورد وهونداي بعد طيبه بس الفورد افضل 

سنتافي وكالة افضل من انك تاخذ مستعمل
سيارة تاخذها وكالة وتحافظ عليها اكيد ان شاء الله مايضرها شي وعليها ضمان على الاقل ولو تكون مأمنة شامل يكون احسن

ماشي بدربي 
على العكس ترا الاكسبلورر القديم افضل من الجديد خصوصا في المكينه وقطع غياره ارخص من الجديد بشكل ملحوظ
الجديد مكينته اصغر واضعف من القديمة لكنه اوسع من القديم

الجديد ماقد سمعت احد يمدحه ولا قد سمعت احد يذمه للامانه 
الشكل القديم الي هو من 2006 - 2010 عندنا واحد ما شاء الله ماشي معنا بلا خرابات ومشاكل والسبب ان الاستخدام
هادي ومحافظ ولا يطب بر ولا نجور عليه 

الاكسبلورر الي هو موديل 2006 - 2010 الي يسبب خراب القير مع الناس ان اغلب الناس تجور عليه وتطامر به 
في البران واستخدامهم له في الغالب سيء والاكسبلورر الي يجهله يكرهه لكن الي يعرفه مايفرط فيه 

اشياء مهمة جداً في استخدام الاكسبلورر الناس تغفل عنها 

زيت المكينه ضروري يكون خفيف ويتغيّر كل 6000 أو 7000
زيت القير كل 50 ألف ولازم يتغيّر معه الفلتر واذا ابطى الزيت ما تغير احتمالية خراب القير كبيره جداً 
البطارية بعض الناس يغيرها ويتفاجأ بعد تركيبها ان الموتر مايعشق أو ما يمشي زين أو الفرامل تعلق أو الموتر يطفى
والسبب بسيط جداً لكن الناس ما تبي تكلف نفسها وتقرا الكتلوج 

اذا غيرت البطارية في الاكسبلورر لازم تعاد برمجة السيارة والطريقة سهله جداً ممكن الواحد يسويها في خمس دقايق 

أغلب خرابات الاكسبلور تافهه جداً ولكن الناس تجهل السيارة أو ما تقرا الكتلوج 
أنا كنت ماخذ فكره سيئة عن الاكسبلورر لكن بعد استخدامه صرت انصح به كل من سألني عنه 

اخوي اذا انت محافظ واستخدامك عادي يعني ماعندك زرزره ولا تطعيس زايد ولا مطامر انصحك فيه وبقوه 
الموتر راسي ومريح والعزل فيه ممتاز

وترا اغلب خرابات الاكسبلورر بسيطه ولكن الي مايعرف السيارة يخاف منها 
الاكسبلورر فيه حساسات تنبيه مربوطه مع بعض لو خرب فيها واحد تعطل حساس الجير وحساس الاي بي اس
ولو صلحته اشتغلت كلها مع بعض لأنها مصممه بهالطريقه 

خذ الجديد وريح بالك مافي احلى واريح من انك تفك السيارة بقرطيسها من الوكالة

وبعدين عندك السنتافي مواصفات عالية جدا وممتازة وقطعه رخيصة ارخص بكثير من الفورد

خذلك باجيرو نص فل او باجيرو سبورت يعيش معك ان شاء الله اكثر من عشر سنين الباجيرو نص فل مادري بكم بس الباجيرو سبورت مريت على الوكاله ثلاث مراتب تكييف مركزي دبل بــ 106

إخواني أقدر لكم تجاوبكم معي وأفدتوني كثيراً، بصراحه أكثر خوفي هو الكثير يسبون الكوري ومثل مايقولون مافي دخان بدون نار، لأن مو معقوله الاغلب يسبونه بدون سبب، وطبعاً أنا اتمنى آخذ سياره جديده واستخدمها على يدي ،
والمشكلة سمعت وقريت بمنتديات كثيره ان السنتافي قطعه غاليه ومو متوفره بعكس سيارات هيونداي الاخرى طبعا ما اتكلم عن القطع الاستهلاكيه مثل الفحمات والبواجي لانها متوفره ورخيصه، مشكله الحيره بهالامور خصوصا للي ماعنده خبره ههههههههههههه
ماقصرتو جميعا وربي يعافيكم ويعطيكم مماتتمنون بهاليوم الفضيل

ليش ماتاخذ تاااااهو وتقطع الشك باليقين سعرة عليه عرض 130الف اما الكوري ماهو عايش الاكسبلور كويس هل تطيح في نظيف هذااا الكلام عمي معه 2010 مشاء الله سعودي بس ورده ماشي 90الف بس تتعب وانت تقول نظيف 

أشكر لك رأيك محمد لكن للأسف مااقدر على قميته حدي يالله 100 ألف والتاهو حسب مااعرف ان فطع غياره غالية اما ميزانيتي لو كانت تسمح ماكنت احترت من الاساس لكن الله كريم 

سنتافي وسبق لي تجربه الاكسبلور ومانصحك فيه


سنتافي جديد على يدك ولا امريكي مستعمل بكره يغثك من ورشه لورشه اشتر راحتك والهونداي قادم بقوه

تقدر تسال أي احد في مكان معاه نفس السيارة سواء اكسبلورر أو سنتافي وبتكون فكره حلوه لان المستخدم يعرف كل شئ عن السيارة وربي يعينك 
أنا لي فتره اسأل وشاري أن شاء الله وحده من الاثنين الله يرزقنا ويرزقك بالشي الطيب وأشوف الاختيار على سنتافي بأغلبية اللي سألتهم يقولون توكل على الله والعلم عند الله