أضف سؤال أو موضوع جديد          

معلومه للفائدة حصلت اليوم معي في حادث

up 8 down 1
sauditop 101
قبل 6 سنه و 10 شهر



السلام عليكم ورحمة الله وبركاته
حصل معي حادث قبل كم ساعه المهم السيارة مستاجره من مكتب تاجير وخارج مدينه الرياض 

واليكم المعلومه عسى الله ينفع بها لمن ليس لديه خبر ؟؟؟!!

بكل اسف انتظرنا دورية المرور تجي من العييناه تخيلو المسافه والحادث على طريق الخرج الرياض ورفض امن الطرق يباشر الحادث بعد انتظار دام اكثر من 3 ساعات وصل رجل المرور الله يجزاه خير ويعتذر انه شي خارج عن اردته لعدم وجود الا دوريه واحده تباشر خارج مدينه الرياض 

المهم  هنا لا انا ابي شي ولا  الاخ الثاني صاحب السياره يبي شي وكل مافي الموضوع السيارة الي معي مستاجره من شركه بدجت

قال الخطاء علي والحمدلله الموضوع الي هنا عادي صاحب السياره الثانيه ماجاه شي بحكم سياره وايت سكس كبير

بقيت انا الان ورجل المرور الان يشرح لي الي بيصير معي ( والسياره ترى تمشي عادي )

قال الان باخذك لمركز مرور الملز او يجي المندوب هنا قلت انا مامن تامين شامل

قال حتى ولو لزم السياره تحجز ويجي المندوب هو الي يتنازل عنك وتطلع

بعد اتصالات وخذ ورد  اتصل مدير قسم الحوادث في شركة بدجت الله يجزاه كل خير وضح لرجل المرور انه السيارة مامن عليها تامين شامل ولا يحتاج  حضورهم نهائيا وانه لزم رجل المرور يطلق صراحي
وخذ معلومات  مدير قسم الحوادث في شركه بدجت كامله بتلفون وهي تعتبر مساعده من قبل رجل الامن  المهم في الموضوع ؟؟؟؟

يعني سيارة مامنه مو مامنه عليك الخطاء مو عليك لزم المندوب يحضر ويويلك اذا المندووب بعيد عنك مارح يجيك الا بكره وبتدخل الحجز ولا تنفع لا كفاله ولا شي بحكم فيها مبلغ مالي


ودمت بخير وضعتها للفائدة للي مايدري مثلي 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههههه يعني مافيه غير اهرب لين يجي المندوب


up 3 down 0
fahad511ksa 8
قبل 6 سنه و 10 شهر



والله السياره تمشي عادي وماكنت  اعرف عن الموضوع ودافع مبلغ اضافي تامين يعني مسوي اني نظامي  بغيت  اخذها نومه اليوم بالحجز لكن ربك ستر وهذا انا  اكتب معكم واشرب شاي  والحمدلله على كل حال


up 4 down 0
sauditop 101
قبل 6 سنه و 10 شهر



حمد لله على سلامتك وبالنسبة للتامين والشركات ماعندك احد والله دجه في النظام يعني انا مستاجر ومعاي اوراق وتامين ومايفكوني اجل ليش حطوا نظام من الاساس


up 2 down 0
موووت احبك 1623
قبل 6 سنه و 10 شهر



الحمد لله على السلامة .. على الطاري يبيلنا شاهي في هالاجواء الباريسية


up 1 down 0
أهل القلوب الرحيمة 1147
قبل 6 سنه و 10 شهر



ياخوي عادي حصلت مع واحد من اخواني وطلعته كفاله وبكره صباح جاء مندوب ورحنا مرور وزبطنا وضع هناك   

بس غريبه ماطلبو منك كفاله 


up 0 down 0
سكودر 14893
قبل 6 سنه و 10 شهر



والله  قلت له  اذا ماجا المندوب اجيب كفيل يعني بجهز كفيل في قسم الملز قبل اوصل يكون كفيلي حاضر قسم بالله قال ماتنفعك لزم المندوب يجي يتنازل 


up 0 down 0
sauditop 101
قبل 6 سنه و 10 شهر



ياخي انا واحد صدمني بسيارة مستأجرة ... جا المندوب شوي ويرقص من الفرحه

قولوا ليييش ؟؟؟

لانه ماراح يتنازل عنك الا بقيمة اصلاح مايباخ بالوكاله ...واكيد انتم عارفين نظام ابو مصير بالفلوس


up 0 down 1
YASSER505 4154
قبل 6 سنه و 10 شهر



ياخي انا واحد صدمني بسيارة مستأجرة ... جا المندوب شوي ويرقص من الفرحه

قولوا ليييش ؟؟؟

لانه ماراح يتنازل عنك الا بقيمة اصلاح مايباخ بالوكاله ...واكيد انتم عارفين نظام ابو مصير بالفلوس


up 0 down 1
YASSER505 4154
قبل 6 سنه و 10 شهر



اهم شي سلامتك ولا كل شي يهون


up 3 down 0
عاشق الكورفت zr1 6475
قبل 6 سنه و 10 شهر



تعرفون وش الظلم بعينه ؟؟
انه انته تكون ماشي على المسار الثالث الايمن ويجيك واحد ويصدمك من اقصى اليسار على الرفرف بحجة انه يبغى يلف يمين للحي
 اللي في اليمين 
واللي اظلم من كذا ويقهر تدرون وش هو ؟؟!!
انه يجي المرور ويحط نسبة الخطأ عليه 75% وادخل التوقيف مع العلم انه معايه تامين ضد الغير ومن ضمن الفوائد اللي 
مكتوبه في التامين حقي انه يمنعني من دخول التوقيف .
بلاه وش رايكم ؟


up 1 down 0
برودكاست 103
قبل 6 سنه و 7 شهر



غريبة يابرودكاست شلون تدخل التوقيف معاك تامين ضد الغير في لحضتها ياخذون بيانات التامين وتروح

ليش ودوك الحجز الى اذا انت قاطع اشاره او شي زي كذا لكن حادث طبيعي تامين ضد الغير بيغطي حتى 10 مليون



up 0 down 0
ibrahime 1194
قبل 6 سنه و 7 شهر



انا من اهل القصيم وطلعت للرياض بساره مستاجره وسويت حادث تحت كبري الوشم 
وحضر المرور بسبب الازدحام ونجم وابشرك لا اخذوني قسم ولا قالو لي بناخذك ولا طلبو مندوب ولا هم يحزنون عطوني ورقة اصلاح وورقة مراجعه بسم مكتب التاجير ومشيت للقصيم بما ان الحادث بسيط وسلمت الورقه للمكتب وانبسط وبدل لي السياره بسياره اجد موديل ومشيت 
ككككككك


up 0 down 0
t.almefleh
قبل 4 سنه