أضف سؤال أو موضوع جديد          

وكالات السيارات في المملكة و الغش حركة حتى ابليس ما فكر فيه

up 45 down 7
ابو علي 1 1014
قبل 8 سنه و 7 شهر



( تعدد الغش والهدف واحد)
شعار الوكلات اللي ماتخاف الله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
اخر صرعات الغش ( صارت الوكلات تتفنن بالغش)




الكل لاحظ في الاونة الاخيرة وخاصة اللي يدور سيارة جديدة شئ مشترك بين الوكلات .
اللي هو اذا جزمت على سيارة واخترتها قال لك المندوب انتظر شهر او شهرين اما نوفر السيارة لك.




انا صارت معي باكثر من وكالة 
تويوتا هايلكس قال انتظر اسبوعين الى شهر
نيسان صني قال انتظر من شهر الى شهر ونص 
كيا على رداها قال انتظر اسبوعين
هوينداي والله شهر ونص اما جابوا طلبي اكسنت 








ليييييييييييش هالحركه ؟؟؟؟؟؟
سويت بحث عن طريق علاقاتي بالمعارض وتم الاتصال على كل من :
1- صاحب معرض مشهووور بالرياض للسيارت الجديدة
2 - ثلاث اشخاص لهم معارض بالمنطقة الشمالية للسيارت الجديدة
3- مندوب مبيعات مصري بأشهر معارض بريدة له خبره 19 سنه
4-موظف بنيسان 
5- شخصين بوكالة تويوتا




واكتشفت انها حركة مقصووووودة الهدف منها




اهداف فرعية وهي : 
1- اسلوب دعاية ان سياراتنا ناجحه وعليها سحب 
2- تصريف بعض السيارات ذات الون غير الدارج 
3-تصريف السيارت ذات الفئات غير المرغوب فيها 




نشرح الاسباب على الطاير 




السبب الاول واضح




السبب الثاني




مثلا لو ابي جيب لونه ابيض ورحت للوكالة وقالوا ابيض مافية فية اسود متوفر حاليا قلت ابي ابيض وش راح يقولك المندوب راح يقول متوفر ( معصي هههههههههههه )
راح يقول الابيض خالص من عندنا انتظر شهر او شهر ونص يمكن يتوفر ويمكن لا فتظطر انت اذا كنت محتد راح تاخذ الاسود ( وهذي صارت )




السبب الثالث 




فية فئات مثل الستاندر مثل جيب الربع قزاز عادي تلقاه متوفر بالوكالة لكن الناس تاركة من فترة تجي تبي ربع قزاز كهرب يقول مو متوفر فيه قزاز عادي انت منت جالس شهر شهرين عشان قزازة او اللون راح تاخذ اقل فئة واللون اللي هم يبون ( يامن شراله من حلاله عله ههههههه )




السبب الرئيسي للحركة والادها وامررررررررررررهو 




سبب واحد رفع الاسعاااااااااااااااااااااااااااااااااااااااار:024 :




كيف اعلمك كيف 




شف للوكالة فاضية ماعندها سيارات وشف للمعارض مليانه اكثر من نص السيارات اللي بالمعارض الخارجية للوكالة اصلاااااااااااااااااااااااا
تجي للوكالة يقول ماعندنا رح للمعرض الفلاني تلقا عنده واغلا من سعر الوكالة




تقول وشلون كيف يقولك راعي المعرض حلالي وابي ابيعه كذاء تبي ماتبي دور غيري (( وهو اتفاق بين المعرض والوكالة ))
هنا الوكالة تخلي مسوليتها لا جيت تشكيها تقول انا ابيع على تجار محليين وهم يرفعون السعررررررر مالي دخل ( حركة حتى ابليس مافكر فيها ))




وسبق ان معرض بمنطقة من المناطق كان يبيع سيارات جديدة وفجائة قلب الى السيارات المستعملة 
وبعد مقابلته قال انا رجال راعي ذمة كنت اشري كاش من الوكالة وابيع 
لكن رفضوا يبيعوني الا بالطريقة هذي ورفضت وتركوني وانا تركتهم 




واكبر دليل يوم كانت السيارات معقولة عام 2006 الى 2009
كان الطلب واجد والسيارات متووووفرة
والحييييييين 
الطلب قليل جدا والسيارات غير متوووووفرة كيف تجي هذي ماتدخل العقل
ووزارة الخسارة نااااااااااااااااااااااااااااااااايمه للاسف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اخوي الملائمه على الي ما ينتظر والي يشتري من  وكلائنا الخايسيين  
وبعضهم لللاسف  توه ماخذ قرض ويبي باسرع وقت ممكن  ما يقدر ينتظر تلقاه  طول عمره من قرنبع للقرنبع وما
يقدر ينتظر شهر


up 1 down 1
صوت العزاوي 523
قبل 8 سنه و 7 شهر



وماخفي كان أعظم حسبنا الله ونعم الوكيل عليهم النصابين الغشاشين وينهم من الله
المواطن السعودي مسكين ينضحك عليه علشان طيبته .....
 اقول الطيب وصاحب القلب النظيف ان الله معه بأذن الله
الله المستعان وش ذا العيشة فساد في فساد ومكافحة الفساد يبغالها مكافحة بالفليت ومن على شاكلتهم


up 3 down 0
ماجد mot 10851
قبل 8 سنه و 7 شهر



هاذي الحركة مشهوره يصرفون السيارات عن طريق المعارض لأن اغلب البشر تلقاه ساحب قرض وماهو شايف المعرض شيء ويروح للوكاله مستوي وهم اللي يحددون له اللون يقولون والله مافي غير الازرق از الاسود وهذا الاسلوب انا اعتبره ابتزاز

عندك شركة تويوتا تصرف سياراتها ع المعارض ويسحبون كرت النافقيشن وقيمته فوق 3000 واذا اشتريت انت من المعرض يقولون مالنا دخل انت ماشريت من الوكاله ( يالله العجب )


up 1 down 0
ابو راكان تبوك 956
قبل 8 سنه و 7 شهر



اهلا


قبل كم سنة سألت عن هايلكس دبل قير اتوماتك و شفت ان سعر المعارض ارفع من الوكالة بـ 7000 ريال



up 0 down 0
عمر الزمان 672
قبل 8 سنه و 7 شهر



هذا الي حاصل فعلا


up 0 down 0
آبورسيل -5
قبل 8 سنه و 7 شهر



كل شي صاير عندنا بنصب واحتيال والسبب ضعف الرقابة وعدم محاسبتهم !!!! , وانتظروا لسع والله راح يتمادوا وممكن يجي زمن اليارس 
اللي كانت في الـ50 الف راح تسير بـ120 ليش لا ! , لنا الله :(


up 1 down 0
موليا 772
قبل 8 سنه و 7 شهر



ستندمون يوم لا ينفع الندم


up 0 down 0
abct330603 393
قبل 8 سنه و 7 شهر



من غشنا فليس منا


up 0 down 0
aboamani 1148
قبل 8 سنه و 7 شهر



لاحول ولاقوة إلا بالله ،، معقول هذا اللي بيصير عندنا والمسئولين ساكتين ،، حسبي الله على المطففين. 



up 0 down 2
سمو مكة 100
قبل 8 سنه و 7 شهر



هههههههههههههههههه وزارة الخساره ههههههههههههه. 


up 0 down 0
abooood111 179
قبل 8 سنه و 7 شهر



بدل الردود في المنتديات اطلع واقرا كيف بدا حركات حماية المستهلك في دول العالم و كيف تم رفع القضايا واخذ الحقوق
من التجار و الوكالات ... رئيس تويوتا يبكي امام لجنة التحقيق في الكونجرس بسبب مشاكل الفرامل . هوندا وتويوتا
ونيسان وبي ام دبليو ومرسيدس تفتح مصانع انتاج في امريكا لتوفير وظائف للامريكان او مقاطعة المنتجات . الوطن
العربي لو اجتمع صمم سيارة مثل الاكسنت تودي الغرض وتقلل من الاعتماد على الكامري والاكورد وغيرها .
 الصبر والاحتساب وكلمة الميعاد يوم الحساب لن يجدي في الدنيا ولن يرجع الحق واصبح لفظ عامي يدل على الملل . لن يغير الله ما في 
قوم حتى يغيروا ما بانفسهم . غير تفكيرك و استهلاكك وعش على اقل مما تحتاج و وفر المال لك وليس للمعارض.


حماية المستهلك

مستهلكه خلاص


up 2 down 2
كامري010 18
قبل 8 سنه و 7 شهر



معروف نصبهم ومن دخل علينا ايجار تمليك وسهولة الحصول على اي سيارة اتفقت الوكالات على النصب على الناس 
شافوا الناس تنوعت بالسيارات وعرفوا اش يختاروا فقالوا لازم لعب لعبتنا 
وفين الرقيب 
الله يصلح الحال بس


up 0 down 0
ابو عبدالله احمد 3530
قبل 8 سنه و 7 شهر



( حماية المستهلك .. مستهلكه خلاص ) 
 
اخي ادارة حماية المستهلك هو جزء من شروط البيع والحقوق بالعالم . ان لم ينجح تطبيقه بالسعودية فهو يعود لتفكير المستهلك السعودي 
وشكوكه باي جهاز حماية مخصص لصالحه كما هو الحال مع ساهر المطبق بكل العالم واصبح للسعوديين مصدر تهديد وسرقة 
ولم يناقش احد عقلية او تفكير السعوديين و كرههم لمن يقيدهم و ينظم امور حياتهم . العالم كله يسير بسرعة ثابته اقل من ١٠٠ كما هو الحال
بالامارات و قطر حفظا للارواح ولا اقارن ب دول اسيا او امريكا.  متى طبق النظام على - الكل  - سترى تغيير بالتعامل 



ماقول الا حسبي الله ونعم الوكيل


up 0 down 0
mtap1111 47
قبل 8 سنه و 7 شهر



وهذي الحركة الي تمشي سوق المعارض

لان كثير من الناس ماعندة استعداد ينتظر مدة طويل عشان يستلم السيارة
يعني مثال

هايلوكس 2012 دبل كان في الوكاله 96000تقريبا اما في المعارض 115000ريال بسبب انه غير متوفر في الوكالة وكانت الناس تشتريه بهذا المبلغ الكبير لانه ماحصلت في الوكاله المشكله عندنا ان كثير من الناس ما يتهم بالسعر اهم شي السيارة تعجبه حتى لوكانت السيارة ماتسوا هذي القميه وانا اعتقد ان هذا البيع محرم شرعا ويسمى بيع الغبن قد صار لي موقف مع معرض سألته عن النترا 2012 قال 60الف وسألت الوكاله قال 54الف بدون ريموت و55الف بريموت هههههههههه تدورن ان السيارات تطلع على المعارض بسعر ارخص يمكن 2 او 3 الف ومع هذا يبيع بأغلي من الوكاله...


up 0 down 0
طالب علم. 282
قبل 8 سنه و 7 شهر



الله ياخذهم بس في جهنم كل من سرق المواطن الغلبان


up 0 down 0
ابو عزوز8 430
قبل 8 سنه و 6 شهر



هذول هوااااااااامييييييير 

كيفهم مو عاجبك دق راسك بالقار


up 0 down 0
face.care 230
قبل 7 سنه و 4 شهر



كلام صحيح وحصل معى شخصيا من عدة وكالات..ينلاغبون ويكذبون ويدلسون إستغلالا لنا ..
هذه السياسات التى تطبقها وكالات السيارات والسوبرماركتات فى اساليب التسويق والتخفيضات جلبها مدراء المبيعات والتسويق الغير سعوديين,,والسعوديين اللى تربوا على الفكر الصهيونى اليهودى فى الجشع واساليب الربح المبالغ فيها..والتى تعتمد على الكذب والخداع وايهام المستهل,,مثل طريقة التسعير 9.99,,ليش مايقولوا عشرة.هذه طريقة مغروفه فى الخداع..لأن المستهل مايقول عشره يقول تسعه..بينما الرقم فى الواقع عشرة,,فيوهموه بالأصغر..كله شغل احتيال ونصب يهودى الأساس..والتجارة وجماية المستهلك اظن مازالوا نايميين فى العسل منذ عدة عقود,,الله يدرك المواطن المسكين بلطفه.

ففعلا خداع وابتزاز ومص دم للمواطن,فى البيع وقطع الغيار والصيانه التى يزعمون انها مجانيه ..كله كذب واحتيال..وتلاغب وغش.


up 0 down 0
أريد جواب 3
قبل 7 سنه و 4 شهر



هذا شيء وإذا شريت وجربت التعامل معهم من ناحية الضمان والصيانة كلام ثاني عاد ههههههه.


up 0 down 0
arrasmy -3
قبل 3 سنه و 11 شهر