أضف سؤال أو موضوع جديد          

تجربة نيسان صني 2013 الشكل القديم

up 17 down 6
ضجيج قلم 152
قبل 5 سنه و 11 شهر



السلام عليكم ورحمة الله وبركاته وبعد،،، أخواني راح اعرض تجربة شرائي لنيسان صني 2013 الشكل القديم من اجل أن يستفيد من ينوي أن يشتري سيارة. الخيارات على نفس الفئة: كورلا مكينة (1600) أقل نوع بس قير اتوماتك موديل 2013 ارخص معرض (60.000) ريال النترا مكينة (1600) أقل نوع بس قير اتوماتك موديل 2013 أرخص معرض (57000) ريال نيسان صني (2013) الشكل القديم مكينة (1600) أقل نوع بس قير اتوماتك موديل 2013 ارخص معرض بسعر (44000) كاش ريال بحثت في منطقة الرياض على أفضل سعر لنيسان صني الشكل القديم ولقيته بسعر (44.000) في معرض الجنوب في حراج الشفاء وبحكم إني ابغاها تقسيط رحت لمندوب اليسر في نفس المعرض وقال إذا تقسيط تصير السيارة (46000) قلت لهم ليه (2000) زيادة كان الرد أسخف من السخف نفسه (علشان راح نتأخر عشر أيام إلى أن نستلم فلوسنا من شركة اليسر) وقلت حسبي الله ونعم الوكيل وكلمت الإجراءات معاهم. فكان طريقة الحسبة كالأتي: • سعر السيارة (46000) أخذت السيارة على ثلاث سنوات (36 شهر) مبلغ القسط (1265) ودفعة أخيرة (9200). • مقدم (10%) أي (4600) + (1000) ريال رسوم إدارية. • طلع أجمالي سعر السيارة مع الفوائد + التأمين الشامل (61.000) تقريباً. • معرض الجنوب أعطاني السيارة بدون دعاسات وبدون طفاية حريق وبدون مثلث وسألتهم وين الأغراض فكان رد مدير المعرض السوداني الخليجي مايجي فيها (اشك في هذا الكلام) والعامل وقت استلام السيارة يقولي أعرف محل يبيعلك دعاسات الوكالة بمية وخمسين ريال جلست ناظرته ومشيت يصرقني وارجع اشتريها الأفضل اشتريها من برا حتى لو اغلي ولا أزود القهر إلى فيني. • الشكل القديم صنع في كوريا الجنوبية وهذا سبب اختياري له والشكل الجديد صنع في الهند وأول دفعة وتخوفت من العيوب المصنعية إلي تجي في أول دفعة في الغالب بالإضافة أن الشكل القديم حجم المكينة (1600) وحجم المكينة في الشكل الجديد (1500). • كنت متخوف أول ما استلمت السيارة من أن مؤشر الحرارة يوصل النصف ولكن مع الأيام أتضح أن المراوح تشتغل لما الانبير يوصل النصف ويرجع المؤشر للربع وهكذا يوصل المؤشر للنصف ومع المراوح يتراجع للربع واقل ولكن مع تشغيل المكيف ما يتعدى المؤشر الربع لان المراوح ما تطفئ تكون شغالة. • الحين مشيت في السيارة تقريباً (4000) كيلو وسافرت فيها من الرياض إلى جدة ورجعت بعد يومين من جدة للرياض والسيارة كانت على سرعة (120 ــ 140) راسية وأمر من جنب التريلات وهي ثابتة . • بالنسبة للإكسسوارات مثل (جناح ــ زينون ــ كشافات ضباب ــ ريموت سيارة) ماكان عندي وقت في الأسبوعين الماضيين فماركبت حتى الان الأسبوع القادم أن شاء الله بسال وين تنباع وبكم واكتبها أن شاء الله ليستفيد منها الأعضاء مع العلم اني سمعت أنها ما توجد بسرعة بسهولة وسعرها اغلي من السيارات الباقية في فئتها . أخواني هذا بعض النقاط أتمنى يستفيد منها من أراد أن يشتري سيارة صغيرة الحجم ولكم مني فائق الاحترام والتقدير .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير على الجهد والتجربة والله يعطيك العافية 

وتستاهل اجمل لايك لعيونك


up 3 down 1
مكاوي يامكاوي -141
قبل 5 سنه و 11 شهر



الله يعطيك العافية اخوي ماقصرت

فعلا هذي المواضيع الحلوة اللي يستفيد منها الواحد...يليت تكثر هالمواضيع

وتسلم على مجهودك


up 2 down 0
musclefreak 355
قبل 5 سنه و 11 شهر



مافهمت الحين انت شريت الموتر ولا سحبت عليهم ..؟!


up 1 down 2
.. أبوفيصل .. 243
قبل 5 سنه و 11 شهر



الله يجزاكم جميع اخواني

ورفع الله قدركم


up 1 down 0
ضجيج قلم 152
قبل 5 سنه و 11 شهر



يعطيك العافيه ولك احلا لايك ياحلو


up 1 down 0
mtap1111 44
قبل 5 سنه و 11 شهر



ما قصرت بيض الله وجهك بالفعل هذه المواضيع نستفيد منها واحلى لايك


up 3 down 0
بسام صالح 3
قبل 5 سنه و 11 شهر



مافهمت شيء اللي قريته تجربة شراء سيارة وليست تجربة صني 2013 بعدين مافيه ضمان ولا فيه وكيل لهذه السيارة لانها خليجية مين يضمنها لك الشكل الجديد عادي اشتريه لو ان صناعتها هندي طالما ان لها وكيل مثل العيسى ولهها ضمان3 سنوات اشتريها ولا اشتري سيارة مدري من فين جايه عموما الله يوفقك


up 0 down 1
أبو عوض 2012 224
قبل 5 سنه و 11 شهر



اشكر كل من شارك في الموضوع
وان الشخص ياخذ الشكل القديم أو الشكل الجديد هي قناعات شخصية الله يوفقنا جميع



up 0 down 0
ضجيج قلم 152
قبل 5 سنه و 11 شهر



لله يسعدك اخوي موضوع اكثر من مميز ولله الصني مايحتاج وربي حقت كرف كرف وسئلني معي 2009 ولحين شريت 2013 حيل عمليه جدا 
ولله يوفقك ويسعدك   ممكن رقم جوالك بس نسوي قروب اكسسوارات لصني 


up 0 down 0
جمر الوداع الشمال
قبل 5 سنه و 6 شهر



ياشباب كيف حالكم معروض علي صني 2010 اوتماتيك ب23 والسيارة ماشاء الله وكالة من جوا وماشية 75 الف بس من برا يبالها رش صدام امامي ودقتين بالرفرف بسيطة ومو مخربة المنظر ابدا ايش رايكم بسعر السيارة وكيف اسعار القطع


up 0 down 0
صهيب يونس -30
قبل 5 سنه و 4 شهر



عندي صني 2013 من الشكل القديم نفس مواصفات الي فوق ممشى 55 الف نظيفه وكاله في ابها مسيومه 29   
والبيع  قريب  انا في ابها من بغى يشتري يتواصل معي على الواتس اب أرسله صورها   0538976549
 مﻻحظه الموقع ذا ما ادخل عليه   الي يبغى يتفاهم واتس وﻻيجيني اﻻ صامل 


up 0 down 1
ابو07عبدالله -1
قبل 3 سنه و 11 شهر



الصني صارت تصنع في الهند وهي ارخص سيارة حاليا امس الجمعه في الرياض 2017 على 29 الف اصفاااااار 


up 0 down 0
has5san 97
قبل 2 سنه