الرجاء اخذ الأحتياطات الازمـه
13
2
إضغط هنا للإخفاء
السلام عليكم و رحمة الله و بركاته
اسعد الله أوقاتكم بكل خير و تقبل الله صيامكم و اعمالكم الصالحة ,
يااخوة هذه نصيحة أسديها لكل شخص يريد شحن سيارته عن طريق شركات النقل مثل ( البسامي , السلطان , . . الخ ) من هالشركات ,
يااخوان شيكو السيارة من إلى قبل تسليمها للشركة و انصحكم بتصويرها فيديو من جميع نواحي السيارة , بحيث لو سلمتوها لشركة النقل و جيتوا استلمتومها و وجدتم دقة او خدش او غيره تقدرون تثبتون هالشيء عليهم ,
انا صارت لي سالفة مع شركة البسامي للنقل , و هي اني قمت بنقل سيارتي من الجنوب إلى الجبيل , و سيارتي اول ماسلمتها كان فيه دقتين واضحة بدون اي خدوش في البوية , ضربة يد و ضربة بسيطة عند الباب ,
يوم جيت استلمها وجدت التالي :
1- ضربتين في الرفرف الأمامي الأيمن ( وهي ضربة باب متعمدة ) و هذا يعتبر إهمال من نفس الموظفين .
2- وجود زر تشغيل المكيف ( ON ) و هو يعمل و هذا يخرب السيور حقت السيارة .
طبعاً كلمت الفورمن حقهم " المدير " و قلت له سيارتي فيها دقات جديدة , قالي : وريني , المهم وريته الدقات و قالي : لحظة اشوف تقرير السيارة " تقرير السيارة : التقرير الي يسويه الموظف حين استلام السيارة وهو خاص بالدقات و الخدشات وما إلى ذلك " ,
المهم فعلاً وجد 3 دقات اضافية , و قام يلف و يعجن , المهم لما طفش قالي : خلاص خلي السيارة هنا و إنتظر 6 ايام يجي المحقق و يشوف الدقات و نرد لك خبر بالقبول أو الرفض !!!!!
كيف قبول أو رفض , سيارتي و تقريركم يوضح ان السيارة فيها دقتين فقط و الآن 5 ,
كيف جات ذي ؟
المهم بعدين قالي : لو وافقوا راح يصلحونها عندهم في ورشتهم !!!!
المهم تعرفون " أسلوب التطفيش " , يخليك تكره ( حقك ) ,
قمت دعيت عليهم لابارك الله فيهم ,
وانتهت الحكاية ..
هذا الي لاحظته فقط ماادري اذا كان فيه شيء ثالث و رابع او لا ,
عموماً يااخوان حاولوا بقدر الإمكان اخذ إثباتات قبل تسليم سيارتك أو اي بضاعة ثمينة لك لإحدى الشركات أو لأحد الأشخاص ,
الشيء الثاني :
حاولوا تفريغ كل شيء ثمين او غير ثمين في السيارة مثال ( نظارات شمسية , اوراق رسمية , حسابات و أرقام حسابات , هواتف . . الخ )
أقسم بالله ان غالبية العمالة ماتوفر شيء و سواقتها للسيارة اشبه بسواقة الراعي لحماره ,
سواقة همجية و مايصدقون تتوفر عندهم سيارات ماهي لهم و يكدونها كد الويل , حتى ربما انهم يقضون فيها مشاوريهم ,
هذه كم نصيحة حبيت اسديها لكم و الله الموفق ..
إبلاغ
الردود
انا لما جبت سيارتي من الوكالة نقلتها عبر البسامي وكان عليها لصقات الوكالة
لما جات عندي شايلينها كلها ، يعني حقد ولا حسد ولا وشهو ذا !!!!
1
0
1
0
1
0
توفير تذاكر وانتظار وصول السياره وقيمه النقل وسيارتي معي
3
0
0
0
لقيت فيها حركات في البودي شبه كامل لقيت الجنوط الأربع (نيكل) كلها ممخشة اسود لقيت الفايبر الأمامي. مكسور مراية السائق مكسورة الا شوي
قالوا هذي ماهي منا هذي منك اقول انا مأخذ السيارة شبه جديدة قالوا وش اثباتك وريتهم صورة السيارة وهي في دبي قالوا يمكن انت معدلها فوتشوب
لاخذت لاحق ولا باطل بعدها تووووووبة مااشحن على البسامي لو بريال واحد
وحسبي الله عليهم ونعم الوكيل
0
0
قبل 11 سنه