أضف سؤال أو موضوع جديد          

اسأله لاهل الخبره افيدوني

up 9 down 4



السلام عليكم , سؤال لاهل الخبره جزاكم الله خير ....

شباب انا ركبت سيارتي وشغلتها وعشقت D هل يضرها !؟
في سؤال ثاني بعد مهم جدا .. السياره اذا مافيها بنزين تطفي ! وش الحل ارجوكم يالربع تكفون !!!

(هذي اسألة هاليومين ! وش الاسئله التعبانه هذي ؟)
وفيه سؤال مر علي يقول تشغيل المكيف على 4 يضرها ،،،،،،،، وش تحس فيه !!

والله اسأله تافهه مره ومالها داعي لو تفكر وتشغل مخك بتعرف
.. والمشكله يجيك واحد مطفي النور ويفيدك ويقول صار معي في الموتر الفلاني , تأأليف من راسه
سو كذا وكذ وكذا ,!! والثاني مصدق ويرد عليه يقوله الله لايهينك اشكرك على الافاده , وين وين وين سلامآآآت ههههههههههههههههههههههههههههههههههههههه ارجوكم بطلو اسأله غبيه مثل كذا ياجماعه مايصير .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شكلين مابحكي .. 
وش ورانا حنا , . ؟ خلنا نقرا ونجاوب دام المنتدى له فتره نايم .. 
وفعلا كلام ك صح .. 
بس السؤال , المنتدى ماهو مثل أول , قلت المواضيع المفيده والحوارت الساخنه اللي هي نختلف في الرأي ولكن نبقى أحباب  .. 
أتمنى يرجع المنتدى مثل أول وتنزل مواضيع مفيده .. 
تستاهل لايييك .. 


والله هذا اللي قهرني انا بالمنتدى صار لي سنه تقريبا
اول مره تمر علي اسأله تافهه مثل كذا .. المنتدى زمان حريقه من مواضيع واعضاء وافادة وكان فيه احترام وقتها
الحين ماحولك احد . ابيهم يفتحون شوي !!


up 1 down 1



ياخوان انا اللي يؤسفني أن الواحد يدخل الموضوع ويسوي انه قافط الوضع أن الرجال يكذب !! 
سلامات ياخوان ، بعضهم ماعندهم خبره في السيارات نهائياً ويجي ينزل سؤاله هنا وكل شوي يحدث الصفحه يشوف احد رد عليه ولا لا 
والمشكله أن بعض الاشخاص هداهم الله خفة دمهم زايدة شوي .. يسوي انه ظريف على راس الرجال

خلاصة الكلام .. اذا دخلت على سؤال وتحس أن الشخص يستهبل !! 
يمديك تضغط من أعلى الصفحة على كلمة منتدى السيارات وتشوف موضوع أخر وتعطيه دسلايك اذا بغيت
واذا أنت شخص تحب أنك تجاوب على كل شيء وعندك الخبره الكافيه جاوبه ممكن يكون جاد ..

وانا الحين اسألك بجديه .. هل تشغيل المكيف على 4 يضر المكينه والسياره والكمبرسر !!

سبحانك اللهم وبحمدك أشهد أن لا إله إلا أنت ، أستغفرك وأتوب إليك


up 2 down 1
عادل - 3adel 513
قبل 8 سنه



اخوي الاسأل لمن هم مبتدئين بعالم السيارات تكون معقوله جدا
لكن فيه ناس مدري وش وضعها بالضبط سؤاله ملخبط وتافه وماتدري تجاوب ولا تخليه يعني ماله حل

بالنسبه لسؤلك
طبعا تشغيل المكيف على 4 مايضر حطوه لخدمتك , اجل ليش حاطينه !!! شفت اشلون شغل مخك وتعرف


up 2 down 1



^^
على فكره
تشغيل المكيف على واحد يختلف وانت حاطه على 4
اللي يفر توقيت فصل وتشغيل الكمبريسر الاوتوماتيكي

يعني 1 يفصل شوي ويشبك شوي و 2 يطول وهو مشبوك
وكل مازاد عدد النمر كل مازاد فترة تشغيل الكمبريسر ويظل فتره مشبوك ويفصل بعدها


up 1 down 1



اذا انت تعرف غيرك مايعرف


up 1 down 0



اخوي بس في ناااس دافعه دم قلبه عشان يشترى السيارة 

وبعدين يصير يوسوس خايف لايحصل شيء بالسيارة 

عشان كذاا تلقى بعض الاحيان اسئلة تافه


انت اذا كنت تعرف عطه اجابة ورييحه من الوسوسة 


up 3 down 0
عاشق خيالك 4801
قبل 8 سنه



صادق زي لما تدخل غرفه النوم وتتغطي بالبطانيه وتتطفي النور يدخل واحد من اخوانك يقول تبي تنام  لا ابغى اصحى يعني شايفني اعمل
ايه
او واحد يشوفك راكب السياره ويدق عليك القزاز ويقول انت تبغى تمشي  لا ابغى افحط واضرب خمسات يعني ويش ابي اسوي
ولا نازل من البيت مكشخ ويجيك سؤال من المارين انت بتتطلع لا ابغى ادخل البيت يعني لابس وين ابي اروح


up 2 down 1
فتى النرجس -89
قبل 8 سنه



حلو تقول يوسوس
طيب خلها في بالك , ترا الرد يخليه يوسوس زياده هههههههههههه الاعضاء يخرشون الواحد خرش
الاجبه تكون العن من السؤال والسبب تفاهة السؤال

يعني بالله مطلع موتر جديد تسأل اسأله زي كذ ؟ مايصير شغل مخك شوي


up 1 down 1



فتى النرجس الله عليك فهمتني هههههههههههههه كذا السالفه
يسألون بشي مايحتاج تفكر مره وماله داعي


up 2 down 1



صدقت شكلييييييين ..

وبعدين الاسئلة الي مثل هذا النوع الله يشفيهم يخليك

محتار تجاوب علية والا تنصحة يغيير مخه من اقرب بقالة

والله احبااااط كثرة الاسئلة هذي ما تخلي الواحد يبدع ويحس انه فعلا قدم خدمة لاخوانه



up 1 down 0
aziz..747.. 2420
قبل 8 سنه



وكمان يرمي كلمتين ويلااااا عليك تكمل عنه الباقي واذا سالته تستفسر منه مايرد عليك واذا رد بعد يوم . الا وانت تخللت ههههههه


up 1 down 0
aziz..747.. 2420
قبل 8 سنه



عاشق الله يسعدك .. لاترفع لهم بزياده خخخخخخ

اتمنى اشوف حد يستفسر فعلا انه مهتم وحااااارقته الفلوس


up 2 down 0
aziz..747.. 2420
قبل 8 سنه



في هذا المنتدى اللي يبغى ديسلايك بكثرة يمدح نوع سيارة 
او شركة معينة  هذا غير التعصب الأعمى ( شركة ابوك وانا مدري )
 قبل شوي فاتح  بالغلط ع اليوتيوب مقاومة بين سوناتا وكامري وشوف التعليقات 


^ يا أمة ضحكت من جهلها الامم 



up 2 down 2
no .. yes 185
قبل 8 سنه



مشكورين شباب ماقصرتوا ..
طيب عندي سؤال مهم لمن ادق اشاره يسار او يمين يضر الفيوز
ههههههههههههههههههههههههههههههههههههههههههههههههههههههه


up 2 down 2



السؤال الاول هذا ماجاء من فراق لئنو القير التماتيك يبغاله عنايه وهنا تعال شوف الوسوسه والنفسيه

انا كان عندي سياره قير تماتيك وكل واحد اقابله من خوياني يبدء يتفلسف على لا تسوي كذا وتحطه كذا واحد يقول يضر واحد يقول مايضر

عشان كذا لو الواحد نزل موضوع عن هذا الشي لا تلمونه ماجابه من فراق في واحد من خوياني عنده قير تماتيك واهوا واقف يقعد يلعب بلقير مره دي مره ان ويحطه في 1 ويرجعه دي فا عنده الوضع عادي يجيك واحد يقول لا كذا تعدم الجربكس فا السؤال الاول طبيعي لكن الثاني هذا زي الي يقول انا لا قفلت عيوني مااشوف
هههههههههههههههههههههه


up 1 down 0



أهلين اخوي شكلين مابحكي <-- التوئم الثاني :)
شوف ياقلبوو اصابعك ماهي سوى ،،، مثل خبرة الناس في السيارات ماهي سوى فيه ناس على نياتها ماعندها خلفيه ومايعرف هذي 6 سيلندر والا هذي 4 سينلدر فهو يشوف ان سؤاله ظروري عرفت والأدهى من ذالك اللي يجي يرد عليه برد سيئ فلازم علينا ياغالي سعة الصدر ونتواضع ونجاوبه على سؤاله تقبل مروري :)


up 2 down 1



هلا سميي
لا ياعزيزي الحين لو يجي واحد مبتدئ ومايعرف شي عادي اجاوبه سؤال معقول
لكن يجي واحد يسأل نفس صيغة الاساله هذي بصراحه ذي تشك فيها ماتدري وش وضعه بتقول شكله يستهبل
المطلوب ان الواحد يشغل مخه ولايجلس يوسوس


up 1 down 1