سبحان الله وبحمده سبحان الله العظيم...

مــ̸̸̸̸̸̨̨̨♡̸̸̸̸̸̨̨̨ـن ألبوأجي  غير ألبوأجي و أسلاك ألبوأجي 

طيب اخوي اجرب اغير البواجي واذا ما نفع اغير الاسلاك؟ لان اعتقد اسلاك البواجي سعرها غالي -_-

ومن وين اشتري لقيتهم باسعار مختلفة
الجميح يبيعهم بـ 200 ريال
التوكيلات العالمية بـ250 ريال
محلات قطع الغيار بين 110 الى 130 ريال

عطيتها بنزين للاخر ولا حفرت الكفرات ولا شي ،، تسارع بطيء جدا

وش تبي انت بالضبط ؟؟؟؟؟؟؟

والله خايف يركب معي احد ويشوف هالتسارع،،

سبحان الله عدد خلقه خايف ههههه يعني تبي من يقول كفو عداك العيب يابو شنب وبعدين الموترترا مو صنع عشان تتسارع فيه وبعدين الله يعينك على نفسك دام استخدامك كذا


انا سبق علقت على موضوعك اليي فات وقلت نظف التروثل وكانك من اهلي الرياض فمعروف جوكم غبار في غبار يعني تحصله فل غبار وفلتر الهواء وراك حاط العزم بالبواجي بس 

بعدين الموتر اذا كل يوم بحصله شد وقومات وكفرات تحفر والله انه غير يقول اح 

اتقبلها بصدر رحب بالتووووفيق

نظف التروثل وتدعيلي وفلتر الهواء غيره وباذن الله تدعيلي 

انتبه من السرعه وانا اخوك والله يحفظك لاهلك 

رح خذ البواجي من اي سي دلكو قسم الصيانه بالجميح وخلهم ينظفون التروثل ومدخل الهواء وغير فلتر حبيبي الفتر يغير كل 6 اشهر للمعلومية يالغالي 

وتوكل على الله 

لا يا اخوان ،، انا مو راعي قومات وتسارع وسرعة وخرابيط ،، انا شاري السيارة استخدام شخصي يعني مشاوير الكليه وطلعات ،، وانا محافظ على السيارة حتى تدوم وتعيش ،، وعندي سيارة موديل 2006 من 40 الف إلى 122 الف ماغيرت فيها الا (زيت المكينة وفلتر- واسوي كل شهر تنظيف لفلتر الهواء للمكينة وفلتر المكيف - بطارية - والكفرات صارلهم سنتين وما شاء الله للحين النقشه ما نمسحت بس تعبانين شوي من الشمس بغيرهم لا يضرب عندي كفر وانا بنص الطريق خخ) والحمدلله ما اعاني من المشاكل الي يعانو منها بعض الناس توضيب قير وتصليح مكيف كل شهرين وعضلات ومساعدات ومدري ايش خرابات مدري من وين تجي..

نجي للومينا امشي على المطب صفرين وحدي اذا بسرع اوصل ضغط المكينة 2 فقط،، قبل والله كنت اذا بتهور اوصل ضغط المكينة على 2 والسيارة ما شاء الله كانت تطيرر وتوصل 100 بسهوووله ،، وصرراحة انا من الخبر مو بالرياض ،، ونظفت فلتر الهواء وفلتر المكيف وكنت بغير فلتر البنزين بس يقولوا مافي لها فلتر بنزين ،، واحين بغير البواجي وبنظف الثروثل وان شاء الله تضبط ،، بكرا العصر مطلع العدة وبنظف الثرووثل ينظفووه بهذا الي اسمه منظف كابرويتر هذا شوفوا صورته

http://www14.0zz0.com/2010/08/02/10/487006380.jpg

وهل يحتاج افك لثروثل ولا يكفي تنظيف وهو مكانه؟؟ ومدخل الهواء هذا وين يصير؟؟

السيارة ركبها هندي من الورش الكبيرة الله يهديه عشان يجربها المهم كان المكيف مشغل وكان يمشي 80 ويعطيها بنزين حدها لتقريبا ثلاث ثوانني طارت 140 ،، الكفرات من القووة حفرت وهي على سرعة 80 ،،

طبعا نسيت اقولكم اني استخدمت بنزين 91 وبعد 2000 كيلومتر بديت احس ان العزم طايح ورجعت 95 واحين صارلي ثلاث او اربع اسابيع بدون اي فايده العزم للحين طايح،،

بلييز ساعدووني

السلام عليكم  تبي الحل يالغالي  وصارت لي المشكله تماما  حسيت انه 3 سلندر افيو 
اول شي  سو تنضيف ل دعسه البنزين  وتقريبا يكلف 60 ريال مع البخاخ ايسي ديلكو 
ثاني شي  غير البواجي  +صفايه البنزين +اسلاك بواجي كامله  +كويلات 
وفي الاخير صب علبتين ايسي ديلكو مع البنزين  وامسك به خط 
وتشوف الفرق  بس لازم قبل كل شي تنضف دعسه البنزين 
عشان الاوساخ والاتربه تتعلق في الصفايه وبعدين تغير الباقي المذكور 
واذا شفت  مافي تغير ف  يحتمل يكون امرين  تهريب كهرب من الدلكو او وزن 
تهريب في ثلاجه المويه الي  فوق المكينه وتنزل على البواجي وتسبب تقطيع وقل عزم 
والله يكون بالعون وياك تقدير التكلفه مع شغل اليد ب 1000 تقريبا ممكن اكثر ممكن اقل انت وشطارتك بالتفاوض 
سلام عليكم 

ونسيت اقولك واضيف 
ترا البنزين مايفرق في العزم ابدا الي يقولك يفرق قله اسأل السياره 
ماله علاقه ابدا 
وبالخاصه للسيارات السبورت  ....دمت بخير 

كفو عليك مدرك ماشاء الله ابو مطرقه واستخدامك اذا كان كذا ارفع لك القبعة بس انت ترا ماقصرت فوق حسستني انك حق قومات هههههه
المهم

وهل يحتاج افك لثروثل ولا يكفي تنظيف وهو مكانه؟؟ تنظيف مكانه فقط المدخل

 ومدخل الهواء هذا وين يصير؟؟ الي موصل مع الفلتر 

 صح الي بالصوره هو البخاخ حق التنظيف لا بس المدخل نظف حق الهواء الي موصل بفلتر الهواء انا قبل فتهر نظفته ماشاء الله طلع يلق لق وغيرت فلتر اللهم لك الحمد انت جرب وماراح تخسر شي


ابو رايف يفرق البنزين الله يهديك الثمانية سلندر ماتعبيه 91 يتفتف وموت العزم هذا مو حنا نقوله وبس ..!! حتى الكالتوج اذا انت يابو مطرقه سبق اخذت فتره على 91 تقدر لاغيرت البواجي ينظفولك البخاخ 80 ريال تنظيفه با اي سي دلكو 


يعني انت الان كاتالي

غير بواجي - فلتر هواء (ترا بالصيانه البواجي كل 80 الف والفلتر كل ست اشهر)
نظف التروثل 

حل اخير  نظف البخاخ (حتى الصرفية ترجع كانه اصفار وكالته)

وان شاء الله موفق خير ويرجع وححشك مثل ماكان وترا توك ماشفت شي اذا يحفر على 80 يحفر بعد على 120 لايهمك فحل ماشاء الله

الي تشوفونه انا قلت الي عندي
بس دامك مشتغل خلاص كمل شغلك مره وحده عشان ترتاح من العزم مره
مو كل شوي مغير يا صفايه او اسلاك
كذا يسبب تشتت في العزم وتحس ان سيارتك بدون عزم حتى لو فيها قوه
ف نصيحتي غير هاذي مره وحده عشان عزم السياره يطول معك ولا تحس باي فرق نهائيا
والبنزين ياناس مايفرق خلك من كاتلوجات الوكاله لو بتمشي عليها كان خربت السياره
الامريكي عندهم اجواء ممتازه عكسنا هنا بالسعوديه .. بعد الكاتلوج يقولك لاتفك بلف الحراره
لانه منضم لحراره المكينه وعندنا في السعوديه ههههه كل الناس فاكينه عشان الحراره
والمكيف يبرد زياده ههه لو بتتبع الكاتلوج بتضيع دمت بود