أضف سؤال أو موضوع جديد          

اتمنى من الجميع الدخول

up 5 down 4
وسم 6wasm 1178
قبل 8 سنه



بسم الله الرحمن الرحيم 
بخاطري كلام ودي اقوله بصراحه 
للي يتكلم في السعوديه وانظمتها وخدماتها 
اول شي حنا في بلد الحرمين وهذا اكبر شرف 
الشي الثاني حنا في بلد دستوره القرآن والشريعه الاسلاميه 
وهذي تكفي عن كل شي 
نبدأ في الموضوع 
انت ياللي تقول حنا في دوله من اغنى دول العالم والشعب فقير 
طيب وش تبي مستشفيات بلاش ولاتقول المستشفيات سيئه لأن المستشفيات عليها ظغط ماتتوقعه رح الشميسي وشوف كم حاله تدخل الطوارئ في الساعه 
مدارس بلاش ولاتقول فصول سيئه وكراسي وطاولات مكسره رب عيالك وعلمهم الادب واحترام المعلم وصدقني بتحصل المدرسه انظف واهدأ من اللي تبيه واكبر دليل ان حتى المعلم مايسلم من بعض الطلاب يعني هذا السبب الرئيسي في خراب المدارس قل الادب والاحترام 
جامعات بلاش وفوق هذا تصرف مكافآت شهريه 
شوارع بلاش وتروح وتجي وتسافر من مدينه لمدينه بلاش بدون ضرائب 
نرجع للي يقول الشعب فقير 
طيب ليش البعض منا ماعنده شي لاتقول ذنب الدوله الذنب في رقبته هو اللي ظلم نفسه ليه جالس مالقيت وظيفه دور وبتلقى واذا مالقيت فيه الف شغله وشغله حره ولد عمي عاطل سنتين واشتغل ف شركه وجمع رواتبه وشرا بها حلال بدا بدايه صغيره جدا حتى السياره ماكانت معه واليوم مايركب الا موديل السنه له مايقارب خمس سنين في البيع والشرا ماجلس يناهق زي بعض الناس وهو منسدح ف بيته السعوديه فيها وفيها طيب قم ياخي شف لك شغله ( اسعى ياعبدي واسعى معك ) ولاتبي راتب وانت منسدح 
محمد صل الله عليه وسلم اشرف الخلق وسيد الانبياء وخاتمهم 
ماجاه الرزق وهو جالس اشتغل حتى في الرعي صلوات ربي وسلامه عليه 
ليس ذنبك ان تولد فقيرا ولكن ذنبك ان تموت فقيرا 
ودي اكمل واقول اللي بقلبي لكن ما ابي اطول عليكم 
ويكفينا في السعوديه شريعتنا الاسلاميه هي النظام والدستور 
ادري موضوعي ناقص كثير لكن مابي اطول عليكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


الردود


صح لسانك                    


up 0 down 0



ههههههههههه انت معنا من اول والا توك جاي أسم الكوكب.

مستشفيات زحمة لان مافي غيرها ؟
الشوارع مو نظيف والخطوط قطعه فليش ضرايب؟
الوظائف من حق المواطن لان عدد الحالي مايكمل فرق كورة والا ماكان شفت التكدس بالدوارئر الحكومية

ودي امكل بس ما أعتقد اني بغير بمعتقداتك انت تنظر من زاوية مدري كم ع حساباتنا والا حسابتك يا السيد المسؤؤؤؤل


up 0 down 0
aziz..747.. 2420
قبل 8 سنه



وتقدر الدوله إعطاء الشباب سيوله ماديه عشان يصلحون مشاريع ويكسبون 
مثل ما ذكرت ولكنها تذهب الى المغرب ولبنان و الخ 
وتقدر الدوله مكافحة الغش التجاري وغلاء الأسعار عشان 
لا يروح كل الراتب ع المعيشة ويبقى جزء ليعيش به حياة المواطن كريمة 
وتطبيق مبدا المساواة في القبول في الوظائف والتعليم 
ترى في راسي الف حاجه وحاجه بس كافي خلاص خنقتني العبرة 
خخخخخخخخخخخخ
للمعلوميه فقط / بناء الحديقة في لبنان تكلفته تستطيع به الدولة ان تعالج 
جميع السعوديين المصابين بالعمى من خلال زرع القرنية لهم 
 اذا انت تشوف وعينك سليمة  فاكيد ما راح تهمك الـ معلومه صح 
وشكررررررررن 



up 0 down 0
no .. yes 185
قبل 8 سنه



اللهم لك الحمد حتى ترضى ولك الحمد اذا رضيت ولك الحمد بعد الرضى


قارنوا عيشيتنا بعيشة باقي الدول وراح تلقون الفرق


نحن بنعمه والله العظيم نحسد عليها


صحيح هناك قصور في شغلات ولكن في شغلات ثانيه ننعم فيها افضل من امريكا


ويكفي ويكفي ويكفي اننا في دولة مسلمه تحكم بالقران والسنة

وملكها عادل اسأل الله العظيم رب العرش العظيم ان لا يغير علينا وان يطيل بعمر خادم البيتين ويبعد عنا كل ذي شر وكل ذي حاسد انه ولي ذلك والقادر عليه


up 1 down 0
aboamani 1148
قبل 8 سنه



جزاك الله وانا بشر من كوكب الارض ومعتقداتي ان المستشفيات ةزحمه لأن المواطنين كثير امثالك اللي يشوف من زاوية عطوني ولبو حاجاتي وهو منسدح وجيب لي شارع رئيسي مكسر والا محفر والا لفلف في الحواري وقول مكسره وبالنسبه للوضايف القطاع الحكومي مو مقصر لكن القطاع الخاص هو السبب خاصتا السعوده البعض من المواطنين يوضف اسمه فقط وبعدين قال مقصرين معنا 
وبعدين يالسيد عزيز اسألك بالله انت بنفسك الدوله مقصره معك والا لا واذا مقصره معك قول لي ليه وف ايش 


up 0 down 0
وسم 6wasm 1178
قبل 8 سنه



شوف ياعزيزي 

حنا عندنا ايجابيات وكمان سلبيات 

الشيء الكويس الله يزيدها 

والشيء التعبان الله ينقصه 

لما نطالب بالوظايف فهذا حق 

هذي الدولة لديه مواطنيين يستحقون الوظايف اكثر من الاجانب 

شوف في ناس رجعوا من برامج الابتعاث 

وعاطلين 

عشان الاجنبي مشغل وظيفة يستطيع المواطن ادراته 


فنحن نطالب بتعديل السلبيات وتطوير الايجابيات



تحياتي 


up 1 down 0
عاشق خيالك 4801
قبل 8 سنه



الاخ نو يس ترا الدوله فعلا تعطي الشباب سيوله ماديه واحد من الجماعه عنده محل مستلزمات رجاليه ويصرف له شهريا 3000 ريال
وبالنسبه للغش التجاري الدوله ماهي مقصره التقصير في الموضفين اللي مايأدي عمله بامانه واجمل صوره  


up 0 down 0
وسم 6wasm 1178
قبل 8 سنه



إحنا اللي ينقصنا الإخلاص في العمل


up 0 down 0
خالد٧٢١٧ 81
قبل 8 سنه



أنثروا القمح على رؤوس الجبـال كي 




لايقال : 




جاع طير في بلاد المسلمين !




[ عمر بن عبد العزيز ]

لا تعليق !


up 0 down 0
عادل - 3adel 513
قبل 8 سنه



عاشق خيالك اشكرك على ردك الجميل ومافي دوله مافيها سلبيات وايجابيات 


up 0 down 0
وسم 6wasm 1178
قبل 8 سنه