أضف سؤال أو موضوع جديد          

التظليل و المرور

up 7 down 2
ابو سلطان 2 438
قبل 8 سنه و 9 شهر



السلام عليكم ورحمة الله وبركاته ..




طبعًا يا شباب أنا استلمت سيارتي أكسنت 2013 .. اعطوني هدية مع السيارة تظليل.. القزاز الأمامي والركاب بالأمام 01 والقزاز الخلفي والركاب بالخلف 02..




صادني مرور اليوم عند الاشارة بالملز وطلب اثباتي وبعدين قال لي جنب.. يقول لي ليش مظلل؟ قلت له الوكالة ظللوها ما صار لها يومين معاي أنا ما طلبت منهم تظليل ولا شي..




وقام يستهبل بالحكي ويقول انت مغير لون السيارة؟ قلت له وش رايك انت!! تو مستلمها كيف اغير اللون!!
وبعدين انت تشوفني واشوفك التظليل ماهو غامق كثير.. زيرو واحد خفيف ماهو ثقيل.! قال التظليل المسموح زيرو زيرو.. قلت له طيب وش دخلني انا.. استلمتها كذا.. خلها بكرة اروح الوكالة وافك التظليل.!




عيا وعطاني المخالفة.. يا اني قعدت ادعي عليه الله يحرقه.. يارب يجيه ارهابي ويطلق وعليه ويحرق عين أمه فيه.. اسلوبه ونظراته كلها احتقار وازدراء..
والله إنه يوقف أي أحد ويتبلى عليه.. وقف واحد لف يمين من الاشارة يقول له قاطع اشارة..!! وهو ما قطعها.. الخط اللي يفصل المسار الأيمن والمسار الأيسر جاي بنص السيارة.. يقول له لازم تمسك المسار الأيمن.. قال له طيب المسار الأيمن فيه حفرة!! وما رضي يتفاهم وعطاه مخالفة..




مشيت ودمي محروق ودقيت على خويي قال لي عاااادي ياما أخذت مخالفات على تظليل 01.. وما يبي يفكه عشان ما ينسرق المسجل بالليل.. عاد هو مسجله بـ6000 ريال.. قال خويي أكيد العسكري بس يبي يخلص الدفتر..




المهم يا شباب من جد الحين التظليل 01 ممنوع؟ لأني ناوي بكرة أروح أفك التظليل.. والله يعين عاد كل شي باين بالليل اكيد بينكسر القزاز والاقي المسجل مسروق..




الله لا يسامح رجال المرور هم وأسلوبهم اللي زي وجيههم.. لو فيهم خير ما ظلوا عساكر مرور..
S







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا اخوي زيرو 1 مسموح لكن انت مكتم كل السيارة فالي برا يالله يشوف بالذات فالليل عشان كذا يحسون انها قوية 
انا اذكر ال مرة اكتم سيارتي كلها 02 الا الامامية 00 وتحس انها مظلله زيرو3 لانك ماتقدر تشوف الي فالسيارة 
كلها اسود على اسود واكلت 4 مخالفات بعدين فكيتها وظللت خفيفه وريحت راسي


up 0 down 0
وليد202 103
قبل 7 سنه و 5 شهر



ي ولد قسم ان االمرور متشدد على اخر درجه ان شفته ما مشاك ويلف ويدور معك بالكلام وبيطلع عليك اي مخالفه ..
حط رجلك وآنحآش ومآعليك منه ودس آلموتر  مده 2 يومين آو آكثر وريح رآسك ..


up 1 down 1
fwaz.al3tebi 15
قبل 7 سنه و 5 شهر