للبيع بسعر مغري ...والاستخفاف بالمشتري

مادام معشش في عقل التاجر النـصـب والربح الفاحش والسريع..
لا يمكن أن تتطور التجارة العربية مالم يكن هناك قوانين تكفل حق البائع المشتري ....
الناس ما تميز بين الحلال والحرام .. أو الخبيث والطيب 
والإنسياق خلف نزوات النفس الأمارة بالسوء ......
" اتقوا الله في أنفسكم وفي عباد الله ,وعليكم بالأمانة والكسب الحلال ,ولا تحملوا أنفسكم فوق مقدرتكم "

طيب وليش زعلان خليها  تصدي عنده   و كل يوم يشوفها  بخلقته  و اضغط  رجوع للصفحة الرئيسية  ودورك موتر  صاحبه طلب سعر معقول 
لانك انت الزبون مو هو  -  انت يلي تملك الدراهم  وهو بحاجة الدراهم  
خليه يطلب يلي يبي  وفي الاخر  راح  يمل  ويبيعها  بسعر السوق 
يا كثر السيارات وقلة المشترين   

كلامك صحيح

والبعض يقول حلالي وأنا حر

لكن المشكلة ممكن أكون أبغى أبيع سيارة وأدخل الموقع أبحث عن سعر مثيلاتها وألاقي السعر مرتفع وأطلب في سيارتي نفس السعر وأضيع وقتي ووقت الجميع وفي النهاية أبيع السيارة بالمعارض بسعر أقل وأنا اعتقد أني مغبون


لكن الواحد يكون منطقي في طلباته ويطلب البركة ويكون سمح في البيع والشراء حتى تدركه دعوة الرسول صلى الله عليه وسلم

خخخخخخخخخ عجبتني مخزن قات خخخخخخخخخ بالنسبه لسالفتك ليه تزعل ياخي هذا بيع وشراء والبيع لازم يكون فيه اغراء وزي كذا والشغله مو حرام لو واحد قال الصحيح انما الكذب والخداع هذا ما يجوز

المشكلة يكتب السيارة للبيع بسعر مغري وتدخل الاعلا وتحصله كاتب على السوم

طيب يا شباب انا ودي انوهكم بنقطه موقع حراج يجمع جميع المدن بين البايع والشاري .. مثلا هو كتب سعر مغرى يمكن ارخص من السوق فعلا بس بمنطقته يعني مثلا الفكتوريا اسعارها غاليه با الشرقيه والرياض مثلا تحصلها بالقصيم رخيصه يعني سوق المملكه مو واحد با السيارات تحصل سيارات كوريه بالرياض رخيصه عكس المدينه المنوره .. مثلا بالقصيم وحائل سيارات تايوتا غالي عكس الرياض والشرقيه وكذالك تحصل السيارات الامريكيه بمناطق غاليه ومناطق رخيصه ..
باختصار كل منطقه اسعارها تختلف بالسوق فانت شف مدينه الاعلان وريح راسك ..
انا اشوف بالموقع الماركيز والفكتوريا من 1998الى 2000 اسعارها بالموقع 22 الف الى 25 الف .. بالقصيم محصل ماركيز 2000 نظيفه لا سمكره ولا رش ومحركات وبدي نظيف حادها راعيها 18 الف.. لو بمناطق ثانيه ممكن تجيب 22 بس حبيت انوه للنقطه ان كل مدينه اسعار سوقها تفرق الا ببعض السيارات يكون سعرها واحد .. وسلامتكم

لهم سوقهم وعلى قولتك يجيه واحد قليل فهم مثله ويمشي سلعته