أضف سؤال أو موضوع جديد          

كثير مننا يشتكي من مشاكل تطلع في السيارة .........

up 35 down 1
ماجد mot 10851
قبل 8 سنه و 6 شهر



.
صباح الخير او مساء الخير علي الجميع دون استثناء ...
.
طريقه واحده فقط وخلال نصف ساعه ......
كثير مننا يشتكي من مشاكل  تطلع في السيارة من شهر الي شهر ......
.
اضرب امثله عليها .......
1- القومة ثقيلة
2- القير مايعشق زي اول
3- لمبة المكينة شغالة
4- الكمبيوتر يقول افحص ......... اي شي يعني مثل لمبه شك انجن او ABC
5-الموتر يقطع وتفتفه احيانا ......
والقائمة تطول الي اخ اخ اخ اخ .....
.
اللي احب اقوله والله من موقف صار لي انا بذات ... في جمس تاهو 2005م استخدام امريكي ......
مرة من المرات الجمس فيه حنه وطقه بين الثاني والثالث طبعا انا اتكلم عن القير ....
وانا رجال رجلي حارة وكنت اجر على الموتر جر الويل خاصه في طلعات البر ....
.
بعدين من الفظاوة قلت خلني امر الصناعية القديمه منطقه العويضه اكثر المحلات فيها متخصصه للقيور و الدفرنسات ....
والاغلب الصنايعيه من الجنسيه السوريه .....
مريت لقيت مهندس سوري ......
وقفت عند المحل ......
والموتر شغال سحب معيار زيت القير قال انا اشم ريحة كلتشات ..... يحتاج توضيب ...
وجربه علي الخط  قال فعلا كلتشات .....
انا  طقتني ام الركب .....
قال يكلف توظيب 4000 ريال
قلت فمان الله بعدين نتفاهم امرك .....
بعد فترة جبت الدراهم وقلت جا وقت قير الجمس يتوظب ....
رحت اكثر من ورشه للتاكد .....
والغريب في الامر .....
مريت ورشه  ترايستار وفحصوه قال مافيه شي .........!!!
قال المهندس  كلتشاته كويسة وانا جربته مافيه شي ......
قلت اركب اركب تجربه معي علي الطبيعه ....
وطلعتتتتتتتتتتتتت اللي في بطن الموتر كله ( بالعربي الفصيح لعنت والديه عاملته معامله يهود ذي الموتر )
واجرب له عقبها قال المهندس مافيه شي ......
بعده ...
واروح لتشالنجر وقالو نفس الكلام مافيه شي ......
.
.
الشاهد يا اخوان من الموضوع .........
 ان الواحد يبدا من الصفر الين ال100
يعني بدال ما تتعنا للصناعيه من ورشه الي ورشه وتفحص كمبيوتر وحوسه ودوسه
.
.
طريقه واحده فقط وخلال نصف ساعه ......
.
افصل البطارية السالب نص ساعة وشبكها ثاني مره  انها تغير شي في الموتر مهوب طبيعي .....
يعيد البرمجه اتماتكيأ للكمبيوتر .....
والموتر تغيرت علي تعشيقاته 
.
من اثار فصله البطاريه ....
1 - حساس الهوا يوزن معدل دخول البنزين
2 - حساس الاكسجين يوزن نسبة الكربون
وحساسات واجد
وكمبيوتر السيارة يتعود على سواقتك ويوزن على قد رجلك
لان الارقام الكود اللي فيه مهيب ثابته دايم متحركه بس لها معدل
عشان يرجع لوضعة الطبيعي علي مخ الكمبيوتر ......
افصل البطارية فترة واشبكة
.
ومع فصلة البطارية شيك عاد انت
شف حساس الهوا والا الثروتل ولمبه الماكينه الا فيه شي مبين
.
بعدين عاد رح للورشه وافحص كمبيوتر .....
ويبين العلم الاكيد
.
وان شأء الله انكم استفتوا من الموضوع .....
.
اذا وجدت ملاحظات فانني اتقبلها بوجة رحب .......
واذا وجد استفسارات فانا موجود بالخدمة 24 ساعه .........
.
.
تحياتي واشواقي لكم ........
فاصل ونواصل غدا بمواضيع جديده
.
ابومطلق ....
.
.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يجزاك خير اخوي
وكثر الله من امثالك


up 2 down 0
ضجيج قلم 151
قبل 8 سنه و 6 شهر



وفعلاً فصل البطارية جربته كان الطبلون يطلع تحذيرات....رحت لم واحد سعودي خبير بالسيارات قال افصل البطارية يمكن تنحل...فصلته يوم كامل والحمد لله كل شيء تمام


up 2 down 0
acura 3755
قبل 8 سنه و 6 شهر



مشكور يالغالي على المعلومة
بس ما يضر بشي فصل البطارية؟؟؟


up 1 down 0
alsafadi 138
قبل 8 سنه و 6 شهر



جزاكم الخير جميعأ .....
alsafadi  
لا مايضر بشي بأذن الله و لا يؤثر علي الماكينه او الكمبيوتر  
عمليه فقط استرجاع معلومات للكمبيوتر مثل اجهزه الجوال عمليه ريست للذاكره  ...




up 3 down 0
ماجد mot 10851
قبل 8 سنه و 6 شهر



تسلم يابو مطلق على الموضوع

ولك لايك يحبه قلبك


up 1 down 0
aboamani 1148
قبل 8 سنه و 6 شهر



يعطيك الف الف عافيه 



up 1 down 0
misho123 853
قبل 8 سنه و 6 شهر



يعطيك العافيه 

أنا سويتها يا بو مطلق و النتيجه 

إن السياره تطفي لو ما دست على البنزين لما سويت لها اشتراك ضبطت 


up 1 down 0
xxxthegiantxxx 366
قبل 8 سنه و 6 شهر



أخاف أفصل ألبطاريه تشتعل لمبات ألتحذير أو تصير مشكله بعد ألفصله لان ألقير صار يعشق بثقل هالومين عقب ألأجواء والامطار مع أني أمس ما حركت ألسياره كثير


السالب في البطارية هو اللون الأسود و إلا الأحمر ؟؟


up 1 down 0
astro van 14
قبل 8 سنه و 6 شهر



اقسم بالله نفس المشكلة اللى صايره في موتري كل ما اروح ورشة اللي يقول توظيب واللي يقول صليب واللي يقول مدري ايش 

يعكيك الف عافية علي الفائدة الحلوة يا اخوي العزيز


up 1 down 0
mam-2200 248
قبل 8 سنه و 6 شهر



السالب في السيارة هو الأسود وتلاقي الكيبل اللي مشبوك في البطارية اقل حجما من اللي بجنبه
او ممكن تلاقيها مكتوبه على نفس البطارية - سالب  + موجب
واذا مررة ما عرفت روح عقرب بنشري أو اقرب ورشة واسأله


up 1 down 0
t_7z 791
قبل 8 سنه و 6 شهر



عقرب  = اقرب خطأ مطبعي


up 1 down 0
t_7z 791
قبل 8 سنه و 6 شهر



معي مرسدس القزاز مايرتفع وتعبني ،، فصلة  إصبع البطارية  تقريبآ ساعه  وشبكته وانحلت المشكلة .. 
 


up 1 down 0
بن حمد s 41
قبل 6 سنه و 3 شهر