ليش التخريب في مواضيع بيع السيارات؟

هذولا ودك تجمعهم في ساحه وترمي عليهم صاروخ نووي إبادة جماعية


شعب حســود

بعضهم هدانا الله واياهم اذا شاف موتر عليه زبون والبايع حول ما يطلق النية زاد على السومه
وان باعه الرجال هج عن الموتر وحرم البايع من البيعه والمشتري من انه يشتري

ناس للاسف حسوده 

اهـل الحسـد والنفاق والشقاق وسوء الاخلاق

نسأل الله السلامه والعافيه


لاتحرق دمك واعصابك عليهم لهم رب ياخذهم اخذ عزيز مقتدر

بعضه اخوي يقول سومتي وصلت 200 يمكن زبون ما هو صامل او قبل شهر او بموقع   ثاني وزبون كاش وراح  من يده 
ذكرتني بواحد سايم روز لويس موديل 88 بــ16 الف  ماشيه 100 الف ويقول هذه فلوسي وباعلان ثاني سايم كابرس 89 ماشي نص مليون  بــ25
وويقول بعني انا جااد 

لا أنا أختلف معاك يا صاحب الموضوع !!!! لأن في بعض البياعين فيهم طمع يمكن سيارته تسوى 50 ألف و يجي يقول لك مسيومة
من شريطي ب 60 و أطلب من الله الزود !!!!!!!!! يعني يقصد بأن الشريطي باخس حق سيارته و إن سيارته تسوى أكثر ؟؟؟
أو يجيك يقول سيمت على الجوال بمبلغ كذا , و هي أصلاً ما إنسامت و لا شي , طيب أنا وش ذنبي إذا كنت أبي أشتري و هو
طماع ؟ لازم يكون في تحديد للسعر و يكون سعر واقعي زي (سعودي سيل)

لا أنا أختلف معاك يا صاحب الموضوع !!!! لأن في بعض البياعين فيهم طمع يمكن سيارته تسوى 50 ألف و يجي يقول لك مسيومة
من شريطي ب 60 و أطلب من الله الزود !!!!!!!!! يعني يقصد بأن الشريطي باخس حق سيارته و إن سيارته تسوى أكثر ؟؟؟
أو يجيك يقول سيمت على الجوال بمبلغ كذا , و هي أصلاً ما إنسامت و لا شي , طيب أنا وش ذنبي إذا كنت أبي أشتري و هو
طماع ؟ لازم يكون في تحديد للسعر و يكون سعر واقعي زي (سعودي سيل)

عبدالله الابراهيم كلامك لا غبار عليه 
لكن وش رايك في الي يبخس السلعه ؟؟

افرض اني حديت سيارتي بـ 40 ألف 
ويجي واحد ويسوم بـ 25 بحجة ان السعر ما عجبه 

احتراما لانسانيتي كانسان ماله حق يكسر سلعتي عشان تتناسب مع ميزانيته 
ياخي ما عجبك السعر روح الله يرزقك بموتر ثاني المواتر واجد 

انا اشوف الموضوع ذو شقين والمحترم محترم سواء بايع او مشتري والي يتذاكاء ومسوي شريطي مفضوح فالشريطي وقت مايبغى يشتري يبخس وانواع العذاريب ولو فيها مخش قالك يوووه هاذي فيها مخش مو مثل سياره نظيفه ويطرح من سعرها عشرة الف او اكثر عشان اشياء تافهه ويكرهك بالسياره ويسمونها شطاره وانا اسميها خساسه وعلى العكس لو معه سياره قام يمدح فيها شوف فيها كفرات مدوره مو مربعه وشوف الكبوت حديد مو من كرتون وخذ ياتطبيل ووقت السعر تعال شوف الضحك يقولك مسيوم من شريطي بكذا يعني مسكين الحقو اشترو منه قبل لايضحك عليه الشريطي وهو العن منه وحصلت معي سمت باقل من سومة الشريطي قام يراسلني بالخاص تعال اشتر !!!قلت والشريطي؟؟؟ ثم قلت هالفحص عليك لو حدث خلاف كلامك قال لا قلت يعني اكيد موترك مافيه سمكره لاتخسرني فحص قال ابد فيه شخطات بسيطه من اطفال واضطريت ارشه رش تجميلي؟؟؟؟قلت ايييييه مااضفت لها حقن بوتكس تكمل تجميلك....ولعلمك مهما بلغو من كذب وتدليس وغش فكسبهم حرام وسحت وغير مبارك فيه

للأسف صارت معي سابقاً

أعلنت عن بيع كامري وجاني واحد شريطي ورفع السومة وبعد ما فحص السيارة جلس يتفلسف ويبخس في سعر الموتر

لغيت الإعلان وبعت موتري بإعلان جديد بسومة أعلى من سومته

والله مدري وش أقول انا عانيت سواء في الموقع أو خارج الموقع بسبب الحسد والتخريب .. الله المستعان .. يجيك واحد يرفع السومة فوووووق عشان محد يسوم بعده ويعلق البائع .. الأمطار معد صارت تجئ بسبب الحسد إيناس خافوا الله

شوف ياغالي اللي يبي يبيع بيبيع انت خلك طبيعي وعطه السومه اللي انت تشوفها ممتازه وقله انا مازودت ودفعت هالمبلغ الا ابي استخدم الشريطي بيبخسك عشان يتكسب من وراك حبيت تبيع ،، كان بها وانا جاهز ماحبيت ،، الله يوفقك ويرزقك وقتها اللي بيبيع بيقول تم اللي ماعنده سالفه بتلقاه يحط 4 / 6 اعلانات وماراح تنباع بتنشب بحلقه ،،، وشي طبيعي عساها تنشب بحلقه

انا مرة كنت بالحراج وشفت واحد يبي يشتري كامري المهم ان السيارة راعيها كان يفحط وصدم عليها صدمه قوية ومسمكرة سمكرة محترمة مو باين المهم ان الرجال مايعرف بالسيارات ويحسبها بدي وكالة وقلت له من باب النصحية ان راعيها يفحط وصدم عليها

انا قلت له لانه يبي يشتريها فوق قيمتها بحوالي 7000 ريال !!! ساموها ب28 ويبي بها 35 ؟؟!!! ويقول صدمة خفيفة

اشكركم جميعا

لكن المضحك الي مسوين دس لايك شكل الموضوع لمس الوتر الحساس لهم


يعين الله بس


الشريطية يحسبونها شطاره وذكى وهم مايدرون انه حرام

الغش حرام

الغش مافيه شطاره وذكى

من غشنا فليس منا

قصه طريفه ومحزنه لشاب

يقول شريت كورلا من شريطي طبعا ماكان يدري انه شريطي يقول شفت الكورلا وجلست اسال راعيها عنها يقول ونقز علي واحد من الي حوله قالي ترا الموتر مايتفوت ونظيف وانا ودي فيه لكن ماتخارج فلوسي يقول الرجال تحمست وسعره حلو لان راعي الموتر يقول شكلك طيب وبراعيك بالموتر وهذي ورقه الفحص الدوري يثبت ان الموتر سليم المهم يقول ترددت يقول نقز علي الي حوله مره ثانيه قال لاتفوته انا فاحصه وممتاز ومانبيك تتخسر فلوس فحص

يقول شريت الموتر وبعد كم يوم بدا الموتر يطلع اصوات يقول رحت لورشه ابصلح المشكله وتفاجات من راعي الورشه يقولي موترك قد قلب صح!!

يقول انا انصدمت قلت الفحص الدوري يقولون الموتر ناجح

قالي راعي الورشه لعبوا عليك الحلوين وموترك مرشوش وممعجن من اوله لاخره

الي يومكم يدعي علي الي نصبوا عليه عشان كم ريال!!

اشك بعض الاحيان انهم مو مسلمين او مايعرفون الاسلام

ماضيع ديرتنا الا المفسدين ذولا وشلتهم

مهو الموضوع موضوع بخس اي او شي الموضوع هو موضوع نصب
في اعلانات الأجهزة يوجد كثيرون من فئة  النصب والاحتيال
في اعلان اتحفظ باسم السلعة الرجال طالب 1500 ريال على سلعة مستعملة ومدة الاستخدام تقارب اسنة
سعرها الان جديدة 1000 ريال و عليها ضمان
 فين الاحسن اني اشتري شي مستخدم وسعره غالي وﻻ ادري ايش اللي عمل به او اني
اشتريه جديد ومضمون و رخيص

وعليكم السلام ورحمة الله وبركاته

يبغالهم جلد المخربين الله يهديهم ويصلحهم