أضف سؤال أو موضوع جديد          

سيارتي تاهوltz 2008 كم يسوى سعره بالسوق الان ؟

up 7 down 1
بدر بن حسين 424
قبل 8 سنه و شهر



السلام عليكم ورحمة الله وبركاته
بارك الله فيكُم ، ( إن شاء الله الفردوس مسكنكم و مسكن والديكم يارب ) .

ودي أعرف سيارتي : كم تسـوى بالسوق الان ؟
مواصفاتها
تاهو ltz 2008 من دون شاشه و من دون دبل
المواصفات : جنط 20 / فتحه / جلد / تشغيل عن بعد / .. الخ .
السياره ماشيـه 159الف كيلو ، المكينه و القير و الشاص سليم ولله الحمد .
تقريباً فيه صدمتين حصلت ، الاولى أتظرر منها صدام الخلفي + جُزء بسيط من الشنطه ( تم السمكره )
الصدمه الثانيه ، الان أمامكم صورتها ، وتقريباً مجرد سمكره و شمعه جديد وشبك و علبة رديتر وشي بسيط .
السياره من الداخل ، تقريباً نظيفه و تحتاج فقط تلميع ساطع داخلي و تصير ( عروسه ) ما شاء الله تبارك الله

تقريباً كذا عرفتم السياره فيها و مافيها
الان ودي ابيعها ، لان في ببالي مشروع و محتاج سيوله و بالوقت نفسه ماودي اخسر !

السياره كم تجيب بالسوق الان ؟ من كم لـ كم
و الله يرزقكم من فضله يارب :)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تنقص عن مثيلاتها في السوق الخاليه من الصدمات بحوالي 5 آلاف ولا ينقص ريال أبدا وانتبه لا يضحكون عليك الشريطية ويقولون مرشوشة أو مصدومة لأن هذي ما تعتبر صدمة بس حاول تضبطها عند سمكري ممتاز عشان وزنية الكبوت والشمعات ما تختلف عن الوكالة


up 5 down 4
أبو عمر الألمعي 4
قبل 8 سنه و شهر



وعليكم سلام حيياك
انصحك صلحه ولمعه وبيعه كذا محد يشتريه بسرع يعجبك
وصدمه خفيفه  


الله يوفقك


up 2 down 1
raeed.55 287
قبل 8 سنه و شهر



ابو عمر
بارك الله فيك ، وهذا الكلام وانا ماودي أحط سعر أعلا من السوق ويجي واحد غشيم مسكين ويشتريه !
لذالك ، أرغب منك أن تنصح بـ السعر الي تستاهله .

رائد
بارك الله فيك ، أكيد يالغالي انا راح أصلحه و أظبطه و ألمعه و أرتبه و أخليه عروسه إن شاء الله
وبعدها أعرضه للبيع ،لكن وضعت الصوره لجل تكونون عارفين مدى أثر الصدمه هل قويه وتأثر بالسعر أم بسيطه !





up 2 down 0
بدر بن حسين 424
قبل 8 سنه و شهر



ما اعرف أسعارها وأنا أخوك بس ما ينقص عن اخوانه البدون صدوم في السوق بأكثر من 5 آلاف بالكثيير وان شاء الله ما ينقص ريال عنها


up 2 down 6
أبو عمر الألمعي 4
قبل 8 سنه و شهر



ابو عمر
بارك الله فيك يا بعدهُم و ماقصرت جزاك الباري الفردوس من جنانه ، و نقطه منك ( أستفدت ) منها لا جا شريطي يتكلم عن السمكره . :)


up 1 down 0
بدر بن حسين 424
قبل 8 سنه و شهر



اولا الحمد لله على السلامة 
يجيبلك تقريبا 100 والصامل بيزودها لك لكن ماتعدها بالسوق


up 0 down 2
mr.abuud 1708
قبل 8 سنه و شهر



كنت في معارض السيارات الشرقية وشفت التاهو ٢٠٠٨ واعطيك اسعارها

بدون دبل LS  بحدود ال٨٨ الى ٩٠ الف

الدبل ب٩٦ الف 

وشفت يوكون دينالي ٢٠٠٨ ب ١٠٦ ألف

كلها أمريكية مستوردة ماتعرف الزين من المسكر والمرشوش




up 2 down 1
th_otaibi 338
قبل 8 سنه و شهر



السياره 2008 اسعارها ياحبيبي من 70 لل 90 
كما ذكر اخوي العتيبي والعذر والسموحه على التقييم الاول لاني كنت احسبه 2012


up 2 down 0
mr.abuud 1708
قبل 8 سنه و شهر



يجيب لك ال ٩٠ لانه فل كامل بدون دبل في بحر ال ٩٠ 
وعسئ ربي يرزقك وضح للمشتري كل شي 


up 1 down 0
صعب اترجاك 301
قبل 8 سنه و شهر



من 90 إالى 98 الف



وياخوي اذكر انك نزلت موضوع عن العازل الامامي عيا يروح بشر وش سويت معه ؟


up 1 down 0
hmada1213 2018
قبل 8 سنه و شهر



عبود
يعني بارك الله فيك ، الموتر تشوف كم أحده بالسوق ؟

العتيبي
طيب بارك الله فيك ، الموتر تشوف كم أحده بالسوق ؟

حماده
بارك الله فيك ، الموتر تشوف كم أحده بالسوق ؟
و بالنسبه لـ العازل لا طلع بسيط ، مجرد أزاله بـ الحراره و مايكلف 200 ريال و لمدة ساعه فقط .

طبعاً بارك الله فيكم ، انا كررت السؤال لكُم بـ خصوص كم أحده بالسوق
لجل ودي احط السعر يكون سعر سوق ، لا أزيد ولا أنقص ، و أنتظر الاجابه منكم جزاكم الله خير




up 0 down 0
بدر بن حسين 424
قبل 8 سنه و شهر



أعتقد حده 92 أو 93 الف على حسب السعر اللي تبي لأنه انصدم و بدوون دبل وبدوون شاشه وممشاه معقول بالنسبة لموديله


الله يرزقــك بالبيــعة اللي تسّرك ي غآلي


up 0 down 1
hmada1213 2018
قبل 8 سنه و شهر



حماده
يعني إن طلبت 90 الف بالسيـاره تعتبر معقوله ؟ ، علمً لايوجد به شاشه أماميه ، ولكن يوجد شاشة بالسقف . ( مواصفات ltz )


up 0 down 0
بدر بن حسين 424
قبل 8 سنه و شهر



الحين صلحه وزينه وشيك على مكينته وقطعه الناقصه

واعرضه واعرض الصدمة للناس حتى تبرئ ذمتك عند الله

شوف مواصفات سيارتك مع سيارات موقع حراج وتقدر توقف في حراج السيارات وبيجونك

العالم تسأل وتسومه منك ومعها شوف المعارض جنب الحراج وتأكد من أقيامها 

ونقص بين ال٣ الى ٥ ألاف عشان 

الشاشة وعشان الصدمة وبدون دبل

بنظري يمكن قريب بين ال٩٣ ألف ألى ٩٦ ألف

بتعدى ال١٠٠ الف اذا كانت دبل

والله يرزقك وياك من واسع فضله 






up 1 down 1
th_otaibi 338
قبل 8 سنه و شهر



أطلب فيه 92 الف وان شاء الله تتوفق في البيعة ,,


علماً هالسعر إذا سويت تصليحاته كآمله وزبطــت الموتر بإذن الله بيجيب سعر طيب ودور الصآمل وخلك من الشريطي ,,

بالتوفيق حبيبي


up 0 down 0
hmada1213 2018
قبل 8 سنه و شهر



العتيبي
جزاك الله خير ، وهذا الي بيتم إن شاء الله
راح أزينه من و إلى إن شاء الله ، و بعدها راح أعرضه بالبيع و إن شاء الله يجيب سعرً طيب .

حماده
بأذن الله يالغلا ، و إن شاء الله مصلحه و مزينه ، و بـ اخلي المشتري بس ( يعبيـه بنزين ) و يدعي لي إن شاء الله .

- - -

أحد الاخوه يقول سيارتك تجيب مابيـن الـ 65 إلى 75 الف !
صراحه إستغربت كيف يتم تقييم السياره بالطريقه هذي ؟ - علمً إنه شغال بالسيارات ( قريب لي ) .


up 0 down 0
بدر بن حسين 424
قبل 8 سنه و شهر



فيه يوكن 2010 مصدوم صدمه خفيفه بس الايرباق طلع وهو ستاندر بدون دبل ومحدود بـ75 الف انت شوف سيارتك مقارنه مع اليوكن ستاندر مع العلم ممشاه 60 الف وسلامتك


up 0 down 0
جفن عيني -58
قبل 8 سنه و شهر



جفن عيني
الله يعوض راعيه ، المشكله يا خوك انا ماعندي خبره بالسيارات خير شر
لجل كذا أبي أعرف كم أفضل مبلغ احده عليه ، و جزاك الله خير :)


up 0 down 0
بدر بن حسين 424
قبل 8 سنه و شهر



بارك الله فيكم ..


up 0 down 0
بدر بن حسين 424
قبل 8 سنه و شهر