أضف سؤال أو موضوع جديد          

عينات صامل جدااا جداااا والحل1

up 7 down 0
ابو عزوز8 430
قبل 8 سنه و شهر



اخواني الاعزاء

كلكم تشوفون من موضوع لموضوع العباره اللطيفه هذي (صامل جداااً)

يعني يجيك راعي بنورما مثلا يقولك حد موتري ب270 قابل للمفاوضه بالمعقول

حلو الكلام هذا من صاحب الموضوع وواضح جدا لاي شخص حتى لو كان هندي بيفهم الجمله والحد

لكن الغير معقول والغريب في الموضوع انك تحصل اخواننا اللطيفين من المتشرططين

يجيك كاتب 160 وصامل جداا جدااا

انا بعض الاحيان ارجع اقراء الرد مره ثانيه اقول يمكن كاتب 260 وغلط برقم

لكن المشكله بكبرها يجيك يكتب بعدها بكل ثقه هذا جوالي وتراني صامل ب160

طبعا انا متاكد راعي الموتر يمكن لو يحصله ينتحر انتحر وخلص

السؤال هنا متى يعقولون ويتركون عنهم حركات صاااااامل جدااا جدااا

هذا وهو صامل جدااا ب160 اجل لو هو مو بصامل بكم بيقول









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يارجال دام حلالك معك مايهم اللي يسوم ان شالله بنص ريال خلهم لا يهمونك انت ان شفت رجال صامل وبسعر مناسب لك حاول تتواصل انت وياه  .. اما لو جلسنا ندقق على كل واحد يبخس السلعه كذا بنضيق صدورنا ولا احد درى عناا .. بالتوفيق اخوي ,,


up 7 down 1
.ابوظافر 52
قبل 8 سنه و شهر



صادق انت يبو ظافر بس من الاساس صاحب الاعلان كاتب كل شي وفيه مثلا سومات على 250 وفجأه يجيك اخينا في الله الصامل وهو صامل بعد ويخفس بالسومات الي قبله!! طيب ليه يعني كل الرجال الي قبلك مافي احد صامل الا انت والمشكله يقولك ما ابي ابخسك حقك ههههههههههههه طيب وسومتك وش تصنف


up 2 down 0
ابو عزوز8 430
قبل 8 سنه و شهر



صح كلام أبو ظافر .. 
وثاني شي دام سياراتك معك وفلوسه معه , هذا إذا كان عنده فلوووس , بكيفه خله يسووم بريال .. 
اللي جاد في الشراء يعرف كيف يتواصل مع صاحب السياره ويعرف يتفاوض بحد المعقووول .. 
أكثر اللي في الموقع داخلين يخربون ع العالم ويلعبون ع الناس .. 
تستاهل لاييييك .. 


up 2 down 0
عاشقـ الماركيز 3498
قبل 8 سنه و شهر



المشكلة بعد يجيك اعلان الحد مثلا ٢٠ الالف 
وتلقى رد يقول 21 الالف وصامل !


up 2 down 1
سامي الويبـاري 28
قبل 8 سنه و شهر



فيه مشكله ثانيه واشد واطم توصل سيارتك قريب من الحد وتطلق النية
بالبيع وتبحث عن اللي وصل السومه وﻻتﻻقيه  وﻻ يعتذر وﻻشئ


up 1 down 0
عبدالله ابها 140
قبل 8 سنه و شهر



هذا هيييين مره واحد جاني وانا عارض سيارة للبيع قال ياخوي تراها ماتسوى 12 الف وواضح من الصورة ان المكينة ترج والشكمان يدخن والمكيف حار

خف علينا ياشارلك هولمز يا كونان يا ضاحي خلفان يا رئيس هيئة التحقيق والادعاء العام


up 5 down 0
alwasee6 66
قبل 8 سنه و شهر



alwasee6

والله انك ضحكتني

كيف شعر بالرجة في الماكينة

لا يكون شاف الإعلان والهزة الأرضية

لك لايك


up 1 down 0
أبو عبادة 4852
قبل 8 سنه و شهر



تبغا تعرف الصااامل الحقيقي
( الي ماااا يقعد يتمطع بالردود ) من السؤال تعرف انه يااا قاطع رزق أو حاسد او غبي او شريطي مبتدأ

الصامل يتصل مباشرة أو يحط سومتة بالخاص بالسعر المنطقي الي يخلي البائع يتحمس انه تفاعل معه
لاكن فيهم الي يوصل الي السيارة وخصوصا اذا انت قريب منه بنفس المدينة ويعطيك موعد بعد يومين هذا جاي ياخذ راحته بثقاااالت دمة عليك أو يقله البائع الصامل يتصل ولا حياة لهم برضو يكتب رد سامج ، أو الي من سؤالة في تعييب بالسيارة ع الله


up 0 down 0
aziz..747.. 2420
قبل 8 سنه و شهر



كل واحد يسوم لو من ريال وبالأخير هذا حلالك وأنت حر.. هذا الموقع حراااااااااااااااااااااااااااااااااااااااااااااااااااااج


up 0 down 2
turki althmri 103
قبل 8 سنه و شهر



في ناس تسمع بالفرص (لقطة) بس ما وصلتهم الفكرة كاملة ، يعني اللي حاد سلعته بـ ١٠٠،٠٠٠ وهي تسوى هالقيمة فعلا وتفاوضت معه وقدرت تشتريها مثلا بـ ٩٤٠٠٠ هذه فرصة نادرة (لقطة)

اما سلعة تسوى ١٠٠،٠٠٠ ويجيك واحد اخر مره تروش من ٢٧ يوم ويسوم بـ ٦٠،٠٠٠ وييين
اساسا هالادمي راعي السومة فلت بالصدفة من محرقة هتلر ولا ماكان شفنا هالاشكال.


up 3 down 0
raselny 222
قبل 8 سنه و شهر



أنا اقول ان الي بالموقع اكثر من نصفهم جاي يتونس على الناس صراحه 
والي يقول احس المكينه ترج واحد منهم 
ولكن بالأخير نقول حراج  


up 1 down 0
المسسسستحيل -1
قبل 8 سنه و شهر



حراج على عيني وراسي بس ياخي انت اقسمت ماتبخس القيمه مو اقسمت انك تحرج

ياخي مامعك مايلزمك


up 0 down 0
ابو عزوز8 430
قبل 8 سنه و شهر