تقرير من الإخباريه بارتفاع أسعار قطع الغيار في السوق السعودي

ماعندنا الا كلام بس ....نصب وندري انه نصب ونسكت

هذا مو ارتفاع هذا غش تجاري وتسيب من قبل وزاره التجاره

الله يخلي التشليح

في ناس اعرفهم هناك يعطوني سعر رخيص

حنى مشكلتنا لرحنا محل قطع الغير نقول لراعي المحل فيه اصلي 
يقول ايه نكاسر فيه شوي ثم ناخذها بكل قناعه انه مضحك علينا 

مثال.قطعه قيمتها باﻻساس 30 ريال 
لمن تسائل بكم 
يقول بي 100 ريال 

بعد المكاسر تطلع 70 ريال

يعني مضحوك علينا بالغصب موب بالطيب

اهمد .. والله صادق مضحوك عليك بالغصب
بس وش تسوي من وين تشتري اجل ؟! مجبور!! .. صح النت بحر فيه كل شي ويمديك تشتري منه
بس مشكلته يطول وياخذ وقت وانت محتاج سيارتك يعني مالك الا تشتري ، وش تسوي المحلات ذي محد حولهم
يعني البرنامج هذا تكلم وغيره الكثير والوضع مثل ماهو , يعني مافيه امل

والله شي يقهر ولا برغي 660 وين الناس من هاذا النصب والاستغلال 

طبعاً عرفنا القطع غالية، والبيض غالي، والرز غالي، والثياب غالية

وبعدين؟ 
هل أحد وقف وقفة رجال وقال ماراح يشتري منهم؟ لا طبعاً، الكل يشتري وهو يضحك.
انا عن نفسي بطلت أشتري من وكالة السعودية المخيسة. أروح البحرين أو الكويت واحصل القطع بفرق نصف السعر أو أكثر.
الثياب بطلت أشتري من المحلات المخيسة في المجمعات اللي تحط أسعار فلكية. هم يجيبونها من الصين ويرفعون سعرها أضعاف. ليه ما تشتريها من الصين دايركت؟
ترى التبضع من الانترنت يمدحونه، انتظر شهر تجيني البضاعة ولا أروج لأسواقنا المخيسة اللي تستغل المواطن وتلعب بالاسعار على كيفها.

خلاصة الكلام، لو الكل يوقف وقفة وحدة ويرفض الغلا بتنزل الاسعار غصب.
وهذا اللي صار قدام عيون الكل مع شركة المراعي، لكن ما أدري ليه الكل قام عالمراعي ولاقاموا على غيرها. مع انها زادت ريال واحد بس بينما الاسواق الثانية تزيد بالمائات

صدام النترا خلفي ب٦٠٠ اليوم مسعره صارلي حادث
الله يرحم النيسان ارخص

أنا لي تجربه في الشراء من الخارج 
صحيح فيه فرق في قيمة القطعة ولكن تفأجات بمشكلة ثانية الا وهي قيمة الشحن والبرنامج نفسه غفل عنها ولا حتى تطرق لذكرها 
المشكلة هي مشكلة الشحن 
القطعة الى شريتها كانت كمبروسر مساعدات خلفيه جمس دينالي ٢٠٠٨ حصلته هنا بحدود ٢٠٠٠ ريال طبعاً سعره غالي وبعد البحث في موقع اي باي وجدته بمبلغ ٣٧٠ دولار يعني ١٤٤٥ ريال الفرق تقريباً ٦٠٠ ريال 
تم الشراء وشحن القطعة للشركة الناقلة وهنا حصلت المفاجأة
الشحن لديهم بالكيلو والكيلو يكلف ٦٥ ريال ووزن الكمبروسر ٦ كيلو ونص وأخذو عليه ٤٢٠ ريال وضافو على القيمه مصاريف وقود وضريبة  نقل مدري حق وشهو المهم  طلع اجمالي الشحن ٥٩٠ 
وفي النهاية أنا ما وفرت شي والى فكرت او فره أخذوه في شركة الشحن 

^^

فيه شركات تاخذ بالكيلو وتاخذ بالباوند وتاخذ بالصناديق مدري شيسمونها
انا ودي واحد عنده خبرة يتفضل بشرح الاوزان فيها

فعلا لو قاطعنا محلات قطع الغيار تورطنا بشركات الشحن

ويلومننا اذا قمنا ندور التجاري!!