سوأل لأصحاب السيارات الأوتماتيك؟

حطها في N مع شد الجلنط

أو في P

بس لا تتركها في الــ D

اهلا

الي اعرفه ان ما تخليه على D وتمسك فرامل او جلنط

انا بالعاده اخليه N لأن ما احب صوت القير بعد ما تنزله من P

وعليكم السلام ورحمة الله وبركاته : 
إذا انت واقف عند الاشاره أو عند البقاله عادي حط السياره في N وأمسك البريك فقط .. 
لكن إذا جيت بتطفي السياره حطها في N وبعدها حط رجلك ع الفرامل وأمسك البريك وفك رجلك عشان السياره توقف ع البريك .. 
وأرجع امسك فرامل وحط القير من N الا P فقط فقط . .

الله يعطيك العافية أبو أحمد بس في ناس تقول القير له حرارة معينة يعني لاجيت توقف عند أشارة ابو دقيقتين خليها في الD يعني أدا كل شوي DأوNيسبب فضاوة 

ابوفيصل .... حياك الله 
يقول المثل اذا كثرت دبرت .... ههههههههه شطحه 
.
عموما كثره التغير من N الي D بستمرار يوثر علي القير لان زيت القير اذا وضعت علي N ينزل زيت القير الي الكارتير و اذا عشقت ارتفع زيت القير
 وكذلك له سلبيات 
1 - تتعب الكلتشات من نمره الي نمره
2 - تبدا اعطال العامود الكردان اقصد الصلبان مع الوقت يصير فضاوه و يطق معك 
3 - برمجه القير مع الكبيوتر من اول التعشيق الي اطفاء السياره برمجه اتماتيكيه 
.
زبده الكلام اذا الوقفه اكثر من 5 دقايق الافضل تريح القير علي N
اما الوقفه دقيقه الي دقيقتين الافضل علي D ومايضره هذه المده ....
.

http://montada.haraj.com.sa/17977/%D9%82%D9%8A%D8%B1-%D8%AA%D9%85%D8%A7%D8%AA%D9%8A%D9%83/ 
 شوووف الموضوع هذا راح يفيدك بإذن الله .. 

اذا حطاطها على D كذا انت تحمل على القير و مع مرور الوقت غلط حطها عال N واذا تنزل خلاص حطها ب N اسحب 
جلنط بعدين اشخط على P عشان لا تلقم R لانه غلط بعد ومع مرور الوقت يأثر فالقير 
                                         

                                                      تحياتي

أخوي القير ماعليه ضرر أبد سواء في أي مكان ولكن لسلامتك تضع القير في N وتشد الجلنط بعدين تسكر القير على P وشكرا
أتمنى السلامه للجميع دمتم بود

وعليكم السلام ورحمة الله وبركاته
ما راح ازيد على كلام الاخوان بخصوص الوقوف في الاشاره او للحديث مع شخص الافضل تخليه في ال N 
لكن لكي يستمر معك القير الاوتوماتيك خذ مني كم نصيحة مجرب دفعت ثمن عدم الالتزام بهذه النصايح :
1 لا تقوم السياره بقوه من الصفر .
2 تجنب التغير المفاجئ والقوي على القير .
3 تغير الزيت كل 40 الف الى 50 الف كلم .
4 اذا الكفر مبنشر وقررت تمشي عليه ( وما انصحك تسويها ) خلي القير على رقم 1 ولا تسرع بشرط تكون المسافه بسيطه
 ( وهذه الحركه كلفتني توضيب القير مع ان المسافه اللي مشيتها اقل من 300 م لكن كنت مخلي القير على D )
5 نفس الشي في حالة التغريز خلي القير على رقم 1 حتى تطلع السياره

N في حال الوقوف والسياره مستويه وتعمل
P في حال التوقف التام واطفى السياره D في حال السير فقط
واعتقد واضحه

الله يعطيكم العافية ماقصرتوا