جيب قراند شيروكي 2014 موعد وصوله للسعوديه

abthani2008 10
قبل 13 سنه

السلام عليكم ورحمه الله وبركاته
الله يمسيكم بالخير جميعا
عندي استفسار ياليت القى له اجابه وهو موعد نزول جيب جراند شيروكي 2014 للسعوديه
اختلفت الاقوال منهم من قال بعد شهر ونصف من الان ومنهم من قال نهايه السنه الميلاديه
انا رجال نويت اشتري هالمزيونه ولكن اخاف اندم اذا نزل الشكل الجديد
ياليت احد يفيدنا باللي قدر عليه بموعد نزولها واسعارها بعد
تحياتي للجميع الله ييسر اموركم انشاء الله

إبلاغ

الردود

الله واعلم متى ينزل ..
لكن قبل ماتشتريه خله حدود 5 أو 6 شهور شووف كيف هل انتشر أو لا .. ؟
أسأل عن قطع غياره كيف اسعارها معقوله ولا غاليه .. ؟
حاول تروح الشركه وتقول لهم بجرب السياره كيف وضعها أفضل من انك تشتريه وماتدري وش عيوبه ووش مافيه ..
ثاني شي هذا موديل جديد يعني لازم تكون فيه عيووب مصنعيه وفي الدفعه الثانيه يحسننون بضاعتهم وبالتوفيق ..

عاشقـ الماركيز 3498
قبل 13 سنه

الف شكر على ردودكم
اخ عاشق الماركيز تصدق اذا قلتلك ان لي سنتين ادرس عالسياره افهم فيها اكثر من بياعينها
ويوم صرت جاهز اني اشتري طلعلي الشكل الجديد 2014 لخبطلي حساباتي
بس مخوفني القير الالكتروني في الموديل الجديد
انتظر مشاركه الاخوان يمكن احد يعرف متى ينزل الموديل الجديد

abthani2008 10
قبل 13 سنه

اللي صبرك سنتين تدرس هالسيارة بيصبرك شهرين لين توصل السعوديه

كل تاخيره فيها خيره

طلال الشريعبي 221
قبل 13 سنه

بالاغلب تنزل الموديلات الجديده بالصيف

يعني شهر اغسطس وسبتمبر 8 و 9

نايف الدباسي 178
قبل 13 سنه

انا جربت موديل 2013 6 سلندر وجربت الدبل وطلعت فيه طلعه ترابيه صعبه
قسم بالله اني داعس البنزين على اقل من مهلي واحسه قاعد يتسلق ماشاء الله تبارك الله
اذا 6 سلندر كذا اجل كيف 8 سلندر
لكن الموديل الجديد داخليته افضل واقتصادي في البنزين اكثر عشام كذا ابي اعرف متى ينزل وبأشتريه انشاء الله

abthani2008 10
قبل 13 سنه