أضف سؤال أو موضوع جديد          

إستشاره في سمكرة السياره و تركيب شاشة

up 3 down 1
بدر بن حسين 424
قبل 5 سنه و 6 شهر



السلام عليكم ورحمة الله وبركاته
بارك الله فيكم و أسعد الله أيامكم و جمعنا وياكم في الفردوس من جنانه .

أود أستفسر منكُم عدة إستفسارات بسيطه .
طبعاً صار لي حادث بسيط ، أتظرر منه ( الكبوت + الصدام + الاصطب الايسر ) .

الكبوت طبعاً صعب جداً سمكرته لانه ( إلتف ع الداخل ) و هذا كلام كذا ورشه
الصدام طبعاً راح عجينه و صعب يتسمكر .

الاستفسارات :
" لقيت كبوت تجاري بـ 400 ريـال و لقيت كبوت لتاهو 2012 تشليح بـ 1000 ريال "
نصيحتكم أشتري أي واحد منهم ؟ و علمً إن الاصلي بالوكاله قيمته 4 الاف .

" لقيت صدام أمامي و خلفي لـ تاهو 2012 تشليح بـ 1300 ريال للأثنين ، والتجاري 200 ريال "
نصيحتكم أشتري الـ تشليح الاثنين و أستفيد من الخلفي ( سيارتي 2008 ) وصدام الخلفي يفرق عن 2012 أو أخذ التجاري ؟

" الاصطبات لقيت أصلي و تجاري ، الاصلي بـ 780 و التجاري بـ 240 ، ولقيت تشليح بـ 800 "
طبعاً التشليح لـ تاهو 2012 و قال تاخذها بكرتونها ، لـ شخص بيقول إشتراها من واحد ماعجبته .

- - -

أرغب بـ تركيب شاشة لتاهو + كميرا
هل تنصحون بها ؟ وهل لها ظرراً بالكهرباء ؟ وهل لها مشاكل ؟ وماهي أفضل الانواع والاسعار ؟

أعتذر أكثرت من الاسئله ، ولكن الواحد ماله الا الله ثم أنتم
يعدكُم أخوان و منكم يستفيد ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمد لله ع السلامه اخوي

الكبوت خذه تشليح لأنك لو اخذت تجاري بيقوس مع الهواء ويتحرك كثير
الصدامات اذا مانت نفس اللون من التشليح ممتاز جدا لانك مابتخسر رشه
الاصطبات خذ وسط لاتأخذ تجاري مره حتى مايقلب بسرعه

الشاشة + الكاميره بصراحه اذا تعودت ع الكاميره ماتستغني عنها ومافيها اي ضرر ان شاء الله
الانواع الرود ماستر 1300 بدون قص اسلاك ويمدحون نوع اسمه افالون قيمتها حول 1700
وفيه نوع ما اعرف اسمه ينشبك مع ازرار الدركسون
بس ترا خبري بسعر الشاشات قديم شوي يمكن مختلف


up 4 down 0
ابو راكان تبوك 955
قبل 5 سنه و 6 شهر



^^^^^^^

نصائح من ذهب

والحمد لله على السلامة


up 2 down 0
أبو عبادة 4257
قبل 5 سنه و 6 شهر



الحمد لله على السلامه في نوع شاشة اسمه اندرويد نفس نظام الجوال الجالكسي يركب له شريحه وتقدر تحمل فيها برامج والعاب بس ناتفعك الالعاب وانت تسوق ولاتاخذ شي صيني مقلا اذا بعت السياره بتطيح قيمتها خذ كبوت اصلي واسطبات اصليه والصدامات خذها اصليه بعد موفق بأذن الله


up 1 down 0
ابو فهد 771 206
قبل 5 سنه و 6 شهر



@# افيدك ب اللي اعرف

صدامات ما اشوف لها داعي انها تتغير اصلي وتخسر لانها فيبر وماتعتبر من بودي السيارة ومعرضة لاي حكات ف لو اخذت اصلي ويجي لاسمح الله واحد بكرة  يحكك تنقهر عليه

خذ تجاري بالنسبة للصدامات انا غيرت تجاري والحمد لله كويس

اما الكبوت اشوف انه تاخذ اصلي لانه يعتبر اهم قطعة في البودي وانت سيارتك 

والاسطبات نهائية لاتاخذ تجاري مرة مرة مرة خذ اصلي حتى لو غالي ..انا كان في سيارتي تجاري يقلب لونه احمر على برتقالي ويصير شكل السيارة غبي وفرق في الاضاءة

زي ماقلت لك الصدامات تجاري....

طبعا كلامي عن تجربة واقعية..........

والله يوفقك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


up 3 down 0
feroo li 1819
قبل 5 سنه و 6 شهر



الصدمات التجاريه غالباً تتعب في الوزنيه وماتصيرنفس الوكاله باالشكل
يمكن تشوف اعوجاج في الأطراف اوالقص غيرمتساوي
لاتركب الااصلي الشمعات التجاريه ماتطول على طول يقلب لونها
اصلي وبس وتراى الأسعارمناسبه مقارنه بغيرها من السيارت من نفس الفئه


up 1 down 0
talal bader 152
قبل 5 سنه و 6 شهر



كنت باتفلسف شويتين لكن الشباب الله يعطيهم العافية مابقوا شي بارك الله فيهم .... ما اقول الا الحمد لله عالسلامة في الحديد ولا فيك ....


up 2 down 0
انسان مكافح 136
قبل 5 سنه و 6 شهر



الكبوت تشليح
الصدامات صدقني ماتفرق كلها فيبر خذ تجاري
الاصطبات اصلي
الشاشات مالي علم



up 1 down 0
ما بنكسر صابر 2690
قبل 5 سنه و 6 شهر



انا مع اول رد والصدامات والكبوت اذا رش وكاله ونظيفه خذها اذا لا خذ لك تجاري ورشها لان في كل الناحيتين رش الصناعيه يختلف اختلاف كبير عن رش الوكاله يتغير لونه مع الوقت وتتكسر البوسه عكس البويه الاصليه

الاسطبات خذ وكاله مهما كان لان التجاري يصفر مع الوقت ويعدم لك الاضاءة ويبيلك بين كل فترة تسوي له تلميع اشتر راحتك

والكبوت مهما كان خذ تشليح بنفس لونك نظيف


الشاشه اذا انت راعي جي بي اس وسفريات اشتره اذا لا ماله داعي ولا له اي ضرر اذا كانت وكاله لان على حسب ماسمعت انها فك وركب مايحتاج تقطيع الاصليه اما التجاري ماعندي خلفيه لكن بعضها مثل الوكاله


up 1 down 0
استثنائي 791
قبل 5 سنه و 6 شهر



بوركتم جميعاً ، صراحه أستفدت من معلوماتكُم ، و سأضيف الان موضوع جديد فيه ماحصل إن شاء الله .


up 0 down 0
بدر بن حسين 424
قبل 5 سنه و 6 شهر



ياحبيبنا
انت ماوضحت ميزانيتك اقصد امورك المادية تسمح ام لا
بكل تأكيد الاصلي ولاغيرة بديل

بالنسبة للكماليات لاتحرص



up 0 down 0
الدائري زحمه 106
قبل 5 سنه و 6 شهر