أضف سؤال أو موضوع جديد          

تجاوزات خطيره في احياء صغيره ..... محدثكم من قلب الحدث

up 14 down 7
الـمشيقح 277
قبل 6 سنه و 5 شهر



مسسسسسسسسسكم الخير : |


شلونكم ؟

علومكم ؟

خبروني عنكم ؟
عساكم بهالليل متصحصحين <<< >__<
محدثكم من قلب البندق

في شهر رمضان الماضي سنة 1433تعرفون الواحد لازم يصلي التراويح عند الشيخ الي يرتاح معاه واكيد اغلبكم مثلي يحرك موتره عند ناصرالقطامي 
ذاك اليوم الي كنت خابره اخذت معي الاهل والعيال وام العيال والبتاع كلو 
كنا راجعين بطريقنا وندخل بين هالحواري الي كانت في طريقنا
وانا من عوايدي الحليوه اذا كنت بالحاره سرعتي من 40 الى 50 ويارب سترك 
الواحد يخاف يطلع عليه من هالصغار ثم يندم ويقول ياليت ويا ليت ويا ليل ما اطولك
دخلت بين الحواري وكانت عرض الحاره لا باس فيه يكفي 3 سيارات بالراحة
وكان وراي واحد ما ادري الى يومك ذا وش الي معجله ما بيني وبين الشارع الرئيسي الا بضع امتار
والرجال ما عنده يبي يمغط ثم جاء يبي يتجاوزني واخذ المسار الايسر
مجرد ما اخذ المسار الايسر يطلع واحد راعي فان من دخلة باليسار
وما تسمع الا مكابح الفرامل اححححححح دووووووووووووبببب
ويشششمع خوينا في راعي الفان
كان الفارق عشر ثواني ويطلع للشارع الرئيسي والحين خلك ملطوع ساعتين ولا ثلاث ساعات حتى يجي نجم ، الواحد يفكر قبل لا يستعجل .. الركادة زينة والسكينة بالمشي من صفات المتقين 

وفقكم الله جميعا 




















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نهاية العجلعه  والسرعه الي مالها داعي 


بس ماقول 


الله يصلح شبابنا


up 4 down 3
هيسوكا 54
قبل 6 سنه و 5 شهر



قبل الفطور حاودث وبعد الشاء حوادث اغلب وقتي جالس بالبيت برمضان 

زحمه وحوادث اجلس بالبيت وان لزمة طلعت البر


up 1 down 1
اهمد 1203
قبل 6 سنه و 5 شهر



دايمم تحصلي هالحركة ناس يتجاوزوني في الحواري وياليتك تجي تشوف شوارع حوارينا بس والله انك تنجلط من الضيق اللي فيها بس خلها على ربك
وجنان بعض الناس اللي يشوفهم يقولون انهم بخط 1000 كيلو ماهم بحواري الفرق بس ثواني ما تستاهل انك تعرض نفسك للخطر بسبتها


up 0 down 0
العامري دوت كوم 2 458
قبل 6 سنه و 5 شهر



الواحد تشوفه طاير وعجل تقول يمكن وراه ادارة جلسة اجتماع الامم المتحدة في بيتهم !! المشكلة اول ما يوصل يكتب في البلاكبيري طفش ؟!! وراك مطيور طيب هههههه


up 2 down 0
ريموت كنترول 735
قبل 6 سنه و 5 شهر



ادوخ انا على التوصيف سهمين واكس مره واحده


up 1 down 0
ابو.zozo 507
قبل 6 سنه و 5 شهر



^ اخطر من هيك ما فيش خخخخخخههههههه


up 0 down 1
الـمشيقح 277
قبل 6 سنه و 5 شهر



هههههههههههههههههههههههههههههههههههههههههههههههه

كنترول اجل اجتماع جلسة الامم المتحدة ببيته خخخخخخخهههههههههه


up 0 down 0
الـمشيقح 277
قبل 6 سنه و 5 شهر



والله أكثر ما أخاف يكون طفل صغير طالع بسرعة من بيتهم فيتسبب سائق السيارة بتعاسة عائلة كاملة

والفرق في النهاية ثواني


up 0 down 0
أبو عبادة 4789
قبل 6 سنه و 5 شهر




السرعه في الحواري أكبر خطر وأكبر غلط ؛ خصوصا في النهار

بالخطوط تقدر تشوف زين ؛ وتشوف اذا احد ناوي يطلع على الخط أو يخطم عليك يعني يحدك
ويمديك تتصرف

لكن بالحواري ما يمدي .. يجيك واحد يمشي مع اللفه مليون ثم يصدم سياره ثانيه

حتى لو أنت سواقتك رايقه وهادئه ممكن يجي واحد يدخل مع اللفه بجلنط و يصدمك

واللي يسون الأشياء هذي أغلبهم صغار سن أو توهم متعلمين السواقه ويتحيرفون

والتأمين ساهم بزيادة الحوادث لأن بعضهم صارو مهملين بالسواقه واذا قلتله شيء قال عندي تأمين ؛ فـ عشان كذا ياليت يلغون التأمين

مثل سواقين التريلات ما يخافون من الحوادث واذا قلتله شيء قال عندي تأمين

أنا بصراحه عندي قاعده أسويها دائما في الحواري ؛ قبل اللفات أكبس العالي ثم اطفيه
وباللفات الخطيره جدا أدق بوري خفيف وأكبس العالي ثم اطفيه ؛ لأن لو بدق بوري عند كل لفه بزعج أهل الحاره

اذا كان مركز بالسواقه بيشوف إنعكاس النور بالأسفلت

لكن لازم تاخذ إحتياطك لأن بعض السيارات نورها ضعيف ولا ينعكس بوضوح على الأسفلت ؛ و بعضهم ما يكبس ولا يدق بوري ولا يهدي عند اللفات

وفيه بعض النفسيات مشغل السكن بس ولا يهدي عند اللفات




up 1 down 0
speed for ever 3701
قبل 6 سنه و 5 شهر



أضف إلى ذلك :

اللي فرامل سيارته بدون ABS أو اذا كان ABS سيارته خربان

لازم ياخذ حذره و يهدي بشكل كافي قبل اللفات اللي فيها رمل وتراب خفيف

لأن الكفرات تتزحلق أكثر اذا كان فيه تراب ورمل خفيف

واذا زحلقت الكفرات السياره تمشي للأمام حتى لو أنت لاف الدركسون




up 1 down 0
speed for ever 3701
قبل 6 سنه و 5 شهر



والله مشكلة ...

المشكلة انا سيارتي صني ستاندر ومافيها نظام ال ABS   لاني احتاجه .. لان اول السيارة تزحلقت معاي بالمطر مع ان الخط كان ناشف لكن بعد ما قبعت شفت الكفرات كلها مغطاة بالرمل...

فا نصيحتي لاي شخص يبغى يشتري سيارة ياخذ النص فل او الفل الستاندر ابعد عنها لانها اتوقع مخصصه للشركات اكثر شيء فقيرة في الخدمات..


up 0 down 0
ibrahim fahad 91
قبل 6 سنه و 4 شهر



هههههههههه احلا شي الوصف


up 0 down 0
abu_azzam 107
قبل 5 سنه و 5 شهر