رأيكم ياشباب في جراند شيروكي 2012

والله حبيبي الموتر روعععععععععه بكل ماتحمل الكلمة من معنى بس قطع غيارة غاااااااااالية والوكيل لك عليه ولا الموتر كفو ليمتد او,,,,srt8 روعه بكل المقايس وتقبل مروري حبيبي............

اخوي لموتر هذا استخدمته واكثر من موديل والان عندي مرسيدس وافكر ارجعله موتر روووعه وعز وفخم وسياره مميزه وقووة جباره سواء خط او بر مافيه اخوه

بالنسبه للقطع متوسطه ومناسبه مقارنه بالسيارات من فئته وليست غاليه وانا متاكد ولو حبيت تقدر تروح الوكاله او دق عليهم واستفسر مو شرط اذا كانت قطعه معينه غاليه تصير كل القطع غاليه

اما الوكيل يعني لك عليه بس الاونه الاخيره بدأ الوكيل يطور نفسه واكبر دليل الان تقريبا 7 فروع لديه بالرياض فقط مو مثل قبل والقطع بالتشاليح متوفره ايضا لو مابغيت جديد وبرضه الوكاله عندهم غالبا 3 درجات اولى وثانيه وثالثه واسعار الثانيه والثالثه حلوه جدا وتخدم معك


بالنسبه للسياره فهي اشترتها مرسيدس عام 2005 بنسبة 60 بالميه عشان كذا مكينه وقير اتحدى اي احد يكون صار له مشكله فيها الا من سوء الاستخدام وسياره تكرررف ونشيطه ولكن حافظ عالصيانه لانها تقنيه المانيه


اما الفئات فهي اربع فئات اولا: srt8 وهذا النوع السبورت والجبار جدا بمحرك هيمي الجبار 6.4 سيسي وبسرعة 300 كم/ساعه .. وهذا النوع رياضي بحت وبعض قطعه وصيانته اغلى من الفئات الاخرى

ثانيا: اعلى فئه الاوفرلاند ويتميز بمحرك هيمي الجبار 5.7 سيسي وسرعة 260كم/ساعه ويتميز بالسقف البانورامي والهيدروليك باربع وضعيات ومقاعد شامواه والنفقيشن وجنط مميز وعرضه 22 انش

ثالثا: الليمتد الدرجه الافضل وانا انصحك فيه لانه مايفرق عن الافورلاند الا انه ليس سقف بانورامي بل فتحة كريستال ولا يحتوي على هيدروليك بل مساعدات عاديه ومقاعده جلد طبيعي ويحتوي على شاشة النفقيشن طبعا نفس الاوفرلاند والفرق بس شكل الجنط وعرضه والمقاعد جلد وليست شامواه والسقف ليس بانوراما وليس فيه هيدروليك والفرق بينهم حوالي 35 الف ريال .


اخيرا : اللاريدو وهو اقل فئه 6 سلندر ولا يوجد فتحه ومقاعده مخمل ويتميز بجنوط جميله كروم وتخشيبه جميله داخليه وشاشه كبيره ولكن بدون نفقيشن حلو ولكن طبعا مو نفس قوة الهيمي وسعره بالوكاله الان 2012 ب 130 الف فقط


توكل على الله واستخر واشتر سيارات بمعنى الكلمه وصدق المثل ( لا جيب الا جيب )

يعطيكم العافية ياشباب..طيب حبيت اسأل ليه الناس مايبغون الهيدروليك لأنه ماهو مريح مثلا او خراباته كثيره او ايش؟؟

كلام رائع من الجميع