أضف سؤال أو موضوع جديد          

ذوي الدخل المنحوس

up 9 down 3
serinzo 271
قبل 7 سنه و 4 شهر



لي كم أسبوع وأنا أحوس بذا الموقع أدور سيارة على قد قروشي (10 ألف) وماني لاقي شي معقول يعني أحصل قرنبع موديل 1950 يوصل السوم لـ40 و 50 ألف , وألي حاط لي سيارة سعرها بالكثير 5 و 6 ألف يسومون عليها حتى توصل 20 ألف أو يكون نفس المعلن حدها بالسعر هذا ومايندرى مين الصادق فيهم ! , وهكذا هو الحال حتى أنه بدأ اليأس يتسلل إلي بسبب هذا الوضع المأساوي أنا لا أريد أن أبخس سلعة أحد لكن أطالب أن يكون السوم منطقي وبتسلسل يعني أنا أسوم بـ 15 يجي واحد بعدي يسووم بـ25 ! وآخر شي يسحب عليه ويرفع المعلن السعر بحجة أنه أنسامت من شخص صاامل , وهذه كلها معطيات تؤثر في ثقتنا بأعضاء هذا الموقع ومدى مصداقيتهم في طرح السلعة لا سيما أنه تم طرح عدة مواضيع سابقاً بخصوص عدد من المعلنين اللذين يبيعون أمانتهم من أجل زيادة قيمة سلعتهم ريلات وفي النهاية الحكاية كلها خلبيصي (متشابكة)

والسؤال الذي لطالما يتبادر إلى ذهني
v
v
v

أجل أحنا وش نسوي (ذوي الدخل المنحوس) ؟ !







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يارجال في ناس بهالموقع شريطيه عندهم اكثر من عضويه 
وينزل سيارته بالموقع وهاتك يا ترفيع بالسومات مع نفسه
وبكره يسوي نفسه واحد صامل ويرفع السومه لحاله
مع نفسه من جد مع نفسه
حسبي الله ونعم الوكيل على الشريطيه والله ينتقم منهم شر انتقام
تدرون ليش؟؟؟؟؟؟؟؟؟
لانهم يأخذون اموال الناس بدون وجه حق
وكذابين
ويخلفون الوعد
ونجاشين
وغشاشين
ولا يحب لغيره كما يحب لنفسه
بالله وش رأيكم بعد كذا
هل هذا يعتبر مسلم
الله المستعان بس
الله  يمحق بركتهم ويقلل كثرتهم 


up 12 down 0
حكيم المعاني 10322
قبل 7 سنه و 4 شهر



أنا عندي فورد 97 قيمته لا تقل 8000 ريال في السوق ومع ذلك تجد ناس تسومه بـ 5000 و6000 ريال فان كنت تشكي من المبالغة في السعر فأنا أشكي من بخس سعر سيارتي


up 4 down 1
mcmanaman 1804
قبل 7 سنه و 4 شهر



أخي الكريم serinzo صدقني اكثر اللي قلت عليهم شريطية مثل ماقال أخونا حكيم المعاني وهم من يبحثون عن السومات سواء تحصله يرفع السوم في سيارته وبنفس الوقت تلقاه يبخس سيارات الناس مثل ماقال أخونا mcmanaman ( وهذه تكتشفها في ردوده في الإعلانات الأخرى ) واذا تبي تعرف البائع الجاد تتواصل معاه بنفسك شخصيا عن طريق الإتصال مباشرة بدون الأخذ والعطا في الردود ومن كلامه تعرف نيته في البيعة ...

أتمنى ربي يرزقك الرزق الحلال والبيعة المباركة وتقبل مروري واعجابي لموضوعك وشكرا ...:)


up 4 down 1
محمد المصباحي 1173
قبل 7 سنه و 4 شهر



اسال الله العضيم ان لا يوفق اللي يسوم سيارته بنفسه >> اللي يملك اكثر من عضويه << او قريبه او معرفته يقول الرسول صلى الله عليه وسلم (اللهم ارزقني وارزق مني) وذولا حسد اعوذ بالله







up 3 down 1
نادر القحطاني 506
قبل 7 سنه و 4 شهر



تصدقون ..!!! انا توبت انزل اي اعلان للسيارات بالموقع .. تدرون ليش ..؟؟ انا اقولكم
مره نزلت اعلان عن مرسيدس 2008 cls350 طبعا السياره ماشاء الله قمة الروعه .. و طبعا حديتها بمبلغ 140 الف بسبب انها مشيت فوق الـ 95 الف كيلو
و جاك اللي ماشي مليار ع اعلاني و والله العظيم ان الاعلان ما كمل 15 ثانيه بالموقع الا هذا يقولي 84 الف .. هذا مو بخس .. هذا انهى الاعلان و سواله مسح نهائي
و يجيك اللي بعده و يسوم 84500 و اللي بعده يرفع خمس ميه .. و على هالحال .. طبعا ارتفع ضغطي و الله ان خرج من لساني زلات كثير انواع الدعاوي عليهم
ادعيها في نفسي .. طبعا ي انهم شريطيه او بزران كانوا في منتديات و استانسو هنا .. ما اقول الا حسبي الله و نعم الوكيل ..

و في ناس اخوي serinzo والله العظيم انهم يشتكون من حال مثل حالك .. اخرتها يكره ذاك اليوم اللي فكر يشتري فيه سياره
من قوة النصب اللي جالس يشوفها .. سياره والله ما تسوى ريال .. يجيك صاحب الاعلان يحدها بـ 20 الف .. و يروح الطيب يضبط وضعه و يسويله عضويه ثانيه و يرفع الحد باللي يطير العقل
مثل ما قال اخونا حكيم المعاني ... 50% من اللي بالموقع له اكثر من عضويه عشان اعلاناتهم

ناس ما تخاف ربها .. ناس ما استفادة شي من حياتها .. اعوذ بالله من ناس تتلاعب .. اعوذ بالله منهم اعوذ بالله


up 2 down 1
عبدالله الشهري1987 2364
قبل 7 سنه و 4 شهر



حكيم المعاني ردك 10 على 10 اقسم بالله اني مت ضحك على بكرا يسوي نفسه واحد صامل ههههههههههههههههههههههههههههههههههههههههههههههههههههههههههههههههههههههه
ههههههههههههههه والله صدقت مشكله اعضاء كثيرين يحملون اكثر من عضوية ويدعمون انفسهم ولكن لكل متلاعب نهاية وخيمة 

بالنهاية اتوقع البخس ماله حل انا اعتبر الي يسوم اقل من صاحبه انسان مريض والسيارة تستحق  واعتقد الانسان على نفسه بصير اذا مثل الي يسوم لنفسه فهو مريض والله اعلم


up 6 down 1
الجنرال2012 6588
قبل 7 سنه و 4 شهر



موقــــــع حرإإج.. صصار منتجــع سياحي للمبــــزره. والفاضيــــــن..  نصهم تلاقيــه متكي في مقــهي نــت ومفرك من المدرســه.. وحاط البايسسون  على يمينــه والدخإإن على يساره.. وداق الللطمــه عشان يعيشش دور الشرييطي.. وخذ لك ردود ورعنه وسسومات ترفع ضضضضغطط.. . ولا مثثل ماقلتم ينزل سياراته وبعضويتــه ثانيـه يسسوم ويازود على موتره... الله ياخذ ذي الاششكال الي مايعرف الغش والحرام.. كل دنيا عندهم لكعه وشطاره . فاهمين دنيا غلططط وربي


up 7 down 0
fayz zahrani 80
قبل 7 سنه و 4 شهر



ياعمي واحد عارض كاديلاك فليتوود ب 140 الف وهي موديل 96 ههههههههههههههههههههههههههههههههههههههه

ويشهد الله على كلامي ويقول انها مسيومه ب 100
ويبي يقنعنا انها اصفار ووارد الجميح
راح النصاب الحرامي حط ورقه عالقزاز مكتوب عليها " for export " الغبي دوم غبي مايعرف يقرا انقليزي ويفهم ان هذي ماتنحط الا للسيارات المستعمله الي بيصدرونها للخارج


الزبده بعض الشريطيه كاليهود في النصب .. بل اليهودي ارحم




up 3 down 1
YASSER505 4170
قبل 7 سنه و 4 شهر



احد الاشخاص يقول لي عرضة ددسن 85 سامها واحد بـــ28 استغرب صرت ادق ليه مليون مره متوقع تسعة الاف

فجاه ثمانيه وعشرين وفجاه لهو يرسل ؤساله مابي الموتر بس احمد ربك رفع قيمة موترك ؟؟ هل يعقل ذلك انت علقت الموتر هاللحين ؟؟


up 2 down 1
وهم الدوادمي 490
قبل 7 سنه و 4 شهر



ياويلهم من رب العالمين الذي لايخفا عليه شي سبحانه ..
ياخي الناس وش جاهم الناس تغيرو صارو حقين طمع حقين فلوس اعوذبالله من الشيطان الرجيم .
يازين حياتنا قبل ياليته يرجع ولانبي حضارة ولانبي تطور ولانبي شي نبي بس القلوب الطاهرة فقط..


up 2 down 0
بريداوي1228 24
قبل 7 سنه و 4 شهر



طبعا الشاب وفو ربي والله ياخوان كان عند خوي شاشة ازيرا اللادمي مشتريها ب9000 ريال والشاشة سعر مبالغ فيه لاكن سيارتو راح ت تشليح فنزلت الاعلان والله حتى الي يدق عليا اقلو سعر جدا خيالي لاكن ماحبيعها اقل من 3 والله الي يسوم 500 والي 1000 ولي اقل وفوق ذا داخل اعلاني تلقا كل واحد يلعن الثاني ويسب والي يحط رقمه يقول يالله بشوف وش تسوي والله كرهة عمري


up 1 down 0
ابو امااني 2075
قبل 7 سنه و 4 شهر



والله نفس المشكلة فلوسي ع قدي مثلك ولي كم شهر أبي لي موتر ولاحصلت
ياكثرالسوامه وياقل البيع
يطيرون السيارة وهي والله ماتسوى 12
والمشكلة البايع يصدقهم ويرفع الحد
لو سوق عرعر فيه عرض كثير والله ماتعبت نفسي هنا
لكن عندنا شح بالمعروض خاصه الكوابرس من 91 الى 96
الله المستعان بس


up 1 down 0
ابو أحمد الشمالي 4
قبل 7 سنه و 4 شهر



والله إذا كنت بتشتري سيارة جرب الحراج بالمعارض تلقى سيارات تحتاج صيانه ما تكلف 3000ريال ويقولك سكر في ماء انت وحضك والله اني لاقي مازدا 323 موديل 2004 نظيفه الا بس المكيف وطلعت لي بتسعه الاف 


up 1 down 0
المتنامي 359
قبل 7 سنه و 4 شهر