أدخل وشوف تجربتي .. لابد نعتمد على انفسنا وجرب منت خسران
57
12
إضغط هنا للإخفاء
السلام عليكم ورحمة الله وبركاته :
أخبار الشباب جميعا عساكم بخير وتحيه طيبه للجميع
أبشركم من اليوم وطالع صرت أغير زيت السياره بنفسي من بعد اللي صار معي والشغله تروها بسيطه وغير مكلفه
اول ماخذت السياره غيرت الزيت فجده ومشيت الرياض بعدها شريت زيت موتور كرفت وغيرته مره ثانيه لان الزيت اللي غيرته فجده كاسترول تمشية حال
بعد كم يوم لقيت تهريب من صرة كارتير المكينه رجعت لخويي البنشري وقال يبيله شد وراح شد عليه والمسمار دار مكانه ( يعني باز ) طبع اليمني قال ( سيارتك امريكيه ماتتحمل الحراره عشان كذا صار تهريب ) >>>> الرجال يبي يرقع الموضوع هههههههه
المهم سحبت حركة من عنده وتوجهت للصناعيه اول واحد قلي لازم تسوي خرط لاسنان فتحت الكارتير لانها خربت او تغير الكارتير كامل !!!
من هذا القرار سحبت نفسي والمسمار لايزال يهرب زييييت على خفيف والورش بتقفل بعدها اتصلت على ابراهيم التركي وكلمته على الموضوع ...
قلي اول شي أبيك تتاكد من شغله قبل ماتصلح أي شغله وهي فك الصره ودخل اصبعك على فتحت الصره وتحسس أسنان الصره لو لقيتها خشنه تاكد ان صرة الكارتير سليمه وتبقى المشكله فالمسمار وحسب كلامه انه صرة الكارتير تكون قويه جدا والمسمار يكون ضعيف شوي عشان لو احد شد عليه يخرب المسمار ولاتخرب صرة الكارتير وهذا اللي صار معي
رحت للوكاله شريت المسمار وركبته وغيرت الفلتر وعبيت زيت طبعا معاي العده خلاص حرمت ارجع للبناشر ومن بعدها ماعاد فيه اي تهريب ولله الحمد
وأشكر ( ابراهيم التركي ) ولو اني اتصلت عليه وهو نايم وأزعجته لكن ماقصر
مفتاح فلتر الزيت ( ب17 ريال ) من ساكو
كل اللي عليك تخش تحت الموتر وترفعه بالعفريته رفعه بسيطه وتروح تفك الصره وبعدين تفك الفلتر وتغير الباقي وتعبي الزيت
منها الزيت من الوكاله وأصلي وتبتعد عن الزيوت المغشوشه والفلتر نفس الوضع
أول شي خلونا نعتمد على انفسنا بدل مانحط سياراتنا عند السباكين وموضوع تغيير الزيت اسهل منه مافيه وبنفس الوقت انت تحرص على شد الفلتر والمسمار ومايصير معك مل اللي صار معي
بعدين لقيت الزيت منتشر فكل مكان من الفلتر اثاري البناشر يفكون الفلتر قبل ماينزل الزيت كامل من الصره !!!
ثاني شي صرة المسمار لها جلده تجي في الاخير وتخرب مع قوة الشد
فلتر زيت فيه له وجهه في نفس المكينه ولو استمر الشد عليه بالقوه راح يخرب عليك وجه الفلتر اللي فالمكينه وتشوف التهريب
إبلاغ
سيارات للبيع
الردود
0
0
تحت الربع والا وين
قبل 9 سنه و 4 شهر