أضف سؤال أو موضوع جديد          

كم ياخذ راعي السطحه على نقل السياره المتعطله ؟

up 2 down 1
speed for ever 3705
قبل 6 سنه و 6 شهر




السلام عليكم ورحمة الله وبركاته

حبيت أسألكم كم ياخذ راعي السطحه على نقل السياره المتعطله ( داخل المدينه ونقلها إلى الورشه ) ؟

ما هو أقل سعر وماهو اغلى سعر ؟
( عشان ما ينصبون علي راعيين السطحات )

لأن ما عندي خبرة ولا عمري شلت سياره بسطحه

وماهي أفضل طريقه لتحميل السياره من الأمام أو الخلف ؛ لقيت بسيارتي كأنه مكان للسحب تحت تانكي البنزين

لأن قبل فتره وديت سيارتي قير عادي لميكانيكي عشان يوزن دعسة الكلتش ؛ وبعد فتره انكسرت دعسة الكلتش ( يمكن ما ضبط وزنيتها )

والحين السياره ما أقدر أعشقها لأن دعسة الكلتش خربانه ؛ وشريت وحده جديده وبركبها عند نفس الميكانيكي








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حسب المسافة اخوي لكن بين ال70 وال100 داخل المدينه 

على حد علمي ويفيدونك الشباب 


up 1 down 0
d_alla 588
قبل 6 سنه و 6 شهر



الأسعار تبدأ من 50 ريال إذا كنت شاطر في النقاش

هذا للمشوار الصغير 2 - 3 كم

والمشوار 10 - 15 كم 100 ريال

وطبعاً حسب المكان وتأكد أنهم متفقين على تسعيرة بينهم ففاصل الأول واطلع معه


up 3 down 0
أبو عبادة 4803
قبل 6 سنه و 6 شهر



350 ريال من القويعية للرياض يعني 160 كيلو يعني ياخذون دبل المبلغ 


up 1 down 0
haraj-1434 508
قبل 6 سنه و 6 شهر



شف اخوي انا خبير سطحات من كثر ماتتعطل موتري السوداني والهندي ذولي ارخص ناس السواريه مرره نار والاسعار من 70 الى 120 على حسب المسافه


up 4 down 0
almalki-f16 66
قبل 6 سنه و 6 شهر



على حسب المسافة اذا كانت من 25 كيلو وتحت لا تقبل بفوق 100 ريال

وانت اذا جيته قل تودي ب50 علشان يقول لك لا بـ 100 ثم قل خلاص


up 1 down 1
salem almutairi 403
قبل 6 سنه و 6 شهر



مشكورين وما قصرتم

الله يعطيكم العافيه




up 1 down 0
speed for ever 3705
قبل 6 سنه و 6 شهر



الحين بعطيكم لايكات كلكم


up 1 down 0
speed for ever 3705
قبل 6 سنه و 6 شهر



ياحليلك والله لو وسط الرياض من النسيم للصناعية القديمة مافيه اقل من 150 لان السوق محتكرينه هالسورن الله يفكنا منهم مسيطرين ع كل السطحات والله انهم شبيحة ماهم مسلمين يستغلون ولا فيه مراقبة لهم ما يعرفون حلال من حرام


up 3 down 0
أبو عوض 2012 226
قبل 6 سنه و 6 شهر



ياحليلك والله لو وسط الرياض من النسيم للصناعية القديمة مافيه اقل من 150 لان السوق محتكرينه هالسورن الله يفكنا منهم مسيطرين ع كل السطحات والله انهم شبيحة ماهم مسلمين يستغلون ولا فيه مراقبة لهم ما يعرفون حلال من حرام


up 2 down 0
أبو عوض 2012 226
قبل 6 سنه و 6 شهر



اخوي وبعضهم يقول لك بس ورشتين امر هن وتبدا سياسه التطفيش 


up 0 down 0
صوت العزاوي 526
قبل 6 سنه و 6 شهر



انا مودي سيارتي من حي الروضه الى تشليح الحاير بــــ 125 انت اهم شي حاول يخفض بالسعر واذا مسوي نفسه مطنش ولا يبي ينزل شي .. اسحب عليه ودور غيره ,, مجرد راي


up 2 down 0
.ابوظافر 22
قبل 6 سنه و 6 شهر




الله يعطيكم العافيه وما قصرتم

أنا إن شاء الله بصلح السياره بنفسي ؛ بفك دعسة الكلتش القديمه وبرّكب دعسة كلتش جديده وبحاول أضبط وزنيتها

وعندي عده وكل شيء والمسأله اتوقع بسيطها كلها كم مسمار وصموله وفيه قطعه ثانيه اتوقع اقدر افكها بالزراديه وبعدين أرجعها

اذا ضبطت الحمد لله ؛ واذا ما ضبطت بشيلها بسطحه

وبالنسبة لراعيين السطحات :

الله يعينكم يا أهل الرياض

على ما أظن أغلب راعيين السطحات بالقصيم = سعوديين < غير متأكد




up 0 down 0
speed for ever 3705
قبل 6 سنه و 6 شهر



^

لأن أخاف الميكانيكي ما يضبط وزنيتها ثم تنكسر مره ثانيه

بعض الميكانيكيين شغلهم سريع سريع مش حالك .. بسبب الزحمه

يبون يخلصون أكبر عدد من السيارات بأسرع وقت ممكن




up 0 down 0
speed for ever 3705
قبل 6 سنه و 6 شهر



انا نقلت سيارتي من الحساء خبطت علي السياره ونقلتها من البسامي ب250 ريال للرياض

ونقلتها مسافه اقل من 10 كيلو ب50 واغلبهم ب100 وطالع لكن كلمت لي سوري شمري وقلت له يشوف لي واحد حبيب ولا باقي السواريه مافيه الا كذب واللي انا اعرف ان كل كيلو بريالين اتوقع بس عندك هنا مافيه نظام عشان كذا كل واحد يحط السعر اللي يبيه صراحه ودي اشوف لي خيمه واسكن فيها وارجع بعد مية سنه بشوف اذا الاوضاع تعدلت رجعت للمدينه ولا اجلس في البر احسن لي من اللي اشوفه مليت كأني في غابه القوي يأكل الضعيف


up 2 down 0
استثنائي 792
قبل 6 سنه و 6 شهر



طبعا هذا قبل امس من الحساء واليوم من الرياض


up 0 down 0
استثنائي 792
قبل 6 سنه و 6 شهر



سعرها المعروف هو 50 sR ^_^


up 0 down 0



طيب يا شباب انا بنقل سياره صغيره من الرياض الى تبوك 
كم التكلفه لا هنتم 


up 0 down 0
adel_abed1 3
قبل سنه و 9 شهر



من الدمام لجدة ب1200-1500 حسب شطارتك

الموضوع قديم بس حبيت افيد للي يقرأ ويبحث عن جواب مثلي.
دعواتكم.


up 0 down 0
m7md47
قبل 5 شهر