أضف سؤال أو موضوع جديد          

شنطة مسروقه

up 9 down 0
al-3jmi 370
قبل 7 سنه و 6 شهر



اسعد الله اوقاتكم بكل خير

اخواني صار لواحد من اقاربي موضوع غريب شوي الي هو سرقة شنطته الدبلوماسيه من الملحق وكان فيها مبلغ 50 الف وصكوك لاراضي وجوازه وبطاقة الاحوال وشهاداته هو الله يهديه ويعوضه بأخير منها غلط انه مخلي باب الملحق مفتوح بس الي سارقها شخص يعرفه اكيد خلاصة الموضوع ابيكم تفيدوني اخواني كيف نعرف الي سارق الشنطه رغم اننا حصلناها محروقه فلارض الي قريب من البيت ومحترق كل الي فيها ماعدا المبلغ يعني الشهادات وشرايح الجوال وثباته كلها محترقه واستدعا الشرطه والعسكري قال مانقدر ناخذ بصمات لان مافيه شي واضح فاياليت اخواني الي عنده خبره بهالموضوع يفيدنا لان المبلغ الي كان فالشنطه ساحب قرض عشان زواجه حسبي الله على من سرقها والله يمهل ولا يهمل ولا تحرموني من خبرتكم وعساكم ماتشوفون مكروه واسف عالاطاله ...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السارق يعرف صاحب الشنطه معرفه شخصيه واكيد السارق حاقد عليه وبنيهم مشاكل لييييه ؟

لان الحرامي لو بيسرق راح يلبس قفازات عشان البصمه او ياخذ الفلوس ويرمي الشنطه فاي مكان محد يوصله او يحرقها ويرميها فالزباله وانتم بكرامه ..

لكن وش الهدف من السارق يخلي يحرق الشنطه ويخلي صاحبها يعثر عليها ؟  

السارق حرق الشنطه وحطها قريب من البيت فيعني هذا السارق يبغى يحرق قلب ودم راعي الشنطه بحيث انه حرقها واخذ الفلوس 
وخلى مكان الشنطه قريب من بيته عشان يلقاها ويموت قهر عليها ويقهره 

لابد تصير تحقيقات ويشوف هل راعي الشنطه معاه مشاكل مع احد قبل كذا ومنهو ويشيكون على حسابه لان احتمال السارق بيحط الفلوس فالبنك 
عشان ماتضيع عليه لان مبلغ 50 الف خطر يكون كاش فاليد
فلو شيكو على حسابات اللي كان لهم مشاكل سواء قديمه او جديده مع صاحب الشنطه يمكن يلقون مبلغ داخل جديد فحسابه ب50 الف ؟ وهنا تبداء التحقيقات كيف حصل على هالمبلغ ؟


up 15 down 1



الله يعوض عليه

أنا ما أدري ايش فائدة البنوك حتى أسحب كامل المبلغ وأخليه معي

تقدر تسحب من الصراف ونقاط البيع وعن طريق دفتر الشيكات

العاقل من اتعظ بغيره


up 0 down 1
أبو عبادة 4851
قبل 7 سنه و 6 شهر



أبو عباده انا شخص ماعترف فالشيكات ولا احب اتعامل فيها هههههههههه

مره اخذت شيك ورحت صفيت فالبنك وزحمه واخر شي قالو السستم عطلان 

لكن اذا استلمت الفلوس كاش تاخذها فنفس اللحظه وتروح تودعا فالبنك طبعا محد بيقولك السستم عطلان لانه ايداع هههه

قد شلت مبالغ كبيره مثل كذا بس ماتجلس معي فتره بالكثير يومين لاني استلم واسلم بالكاش فقط والشيكات هذي اكرهها

يمكن راعي الشنطه ناوي يدفع المهر اليوم الثاني قلك خلني ازهب الفلوس كاش احسن


اخوي ما لك الا تشوف اللي حولكم وتسئل وحط مكافاة وشف  مين  يشتري سيارة  بذات لا صار عاطل
اذكر واحد انسرق من بيته 18 الف بعدها بشهر   فقد الامل باسترجاع المال  
المهم واحد من الجماعة عاطل عن العمل وشراء دباب   واخذ  كل الفلوس وما تقاسمها مع خويه الثاني وزعل عليه وراح 
وعلم الشرطة
واخوي شاقح وين نقاطك اختفت معقولة 3000 بيومين ؟


up 0 down 2
صوت العزاوي 523
قبل 7 سنه و 6 شهر



النقاط ماتوكل بصل ههههههههههه مجرد ارقام تتحرك يا تزيد او تنقص

بس خلنا نركز على قضية السرقه ونطلع السارق  ههههههههه


up 12 down 0



شاقح هههههههه

ياخي زي كلام "المحقق كونن " ههههههه



up 2 down 1
سعد خليل 6153
قبل 7 سنه و 6 شهر



انا مثل ماتكرم اخوي شاقح قلتله ركز على ربعك الي يسيرون عليك وسألته اذا له اعداء يحلف بالله ويقسم انه ماضر احد ولا بينه وبين احد عداوه وبالنسبه للبنوك صار نضامها الجديد ماتقدر تسحب المبلغ كامل اقصى حد لك 20 الف وانا مجرب هالشي مع الراجحي يقول اكثر من كذا يصدرلك دفتر شيكات وعسى ربي ييسر امركم وماتشوفون مكروه :)


up 1 down 0
al-3jmi 370
قبل 7 سنه و 6 شهر



شوف اللي يطري عليه تغيرات 
مثل شرا جوالات جديده
اشترى سيارة او زبط في سيارته

او كثرت سفرياته 
او تحويلاته وروحاته للبنك




up 1 down 0
xpoldx 1433
قبل 7 سنه و 6 شهر



ياخوي العجمي انا حسابي فالامريكي وقد سحبت 55 الف تقريبا كاش 

طيب وش رايك هل يقدر يكلم الشباب اللي يتردودون عليه ويقولهم اعطوني كشف حساب للبنك خلال هالفتره اللي سرقت فيها الشنطه  !!!

ترى الفلوس تعمي النفوس وصدقني طريقة سرقة النشطه واللي صار فيها تدل على ان السارق حاقد على راعيها وحرقها ورماها قدام
بيته لعانه فيه ويغيضه عليها


شاقح الله يستر منك شكلك شغال في المباحث

قلبتهآ تحقيقآت ي ولد


up 1 down 1
hmada1213 2020
قبل 7 سنه و 6 شهر



اهلا


ادكر قصة سمعتها لما كنا صغار

واحد من اصحابنا سرقة دراجته

وما علم احد ابد انه دراجته سرقت

بعد كم يوم كلمه السارق وقال له : صحيح يقولوا ان دراجتك انسرقت


فعرفه انه هو السارق و قال اليه رجعه


up 4 down 0
عمر الزمان 670
قبل 7 سنه و 6 شهر



بيمر على فلم هندي طويل وشاق جدا خاصه بالجوازات 


up 1 down 0
فهد4950 2541
قبل 7 سنه و 6 شهر



هههه طلعت مباحث يا شاقح بس والله اهنيك كلامك مظبوط و فكره حلوه


up 1 down 1
shadowz33 1097
قبل 7 سنه و 6 شهر



سبحان الله بأذن الله الحلال ماراح يضيع وربكم كريم وانا قلتله وكل امرك لربك ولا تعتمد على احد غيره وما على الله شي كايد بيض الله وجيهكم اخواني وبلأخص اخوي شاقح


up 1 down 0
al-3jmi 370
قبل 7 سنه و 6 شهر