وش المشكلة لا ترزقت ؟
23
5
إضغط هنا للإخفاء
مساكم الله بالخير .. لي فترة و أنا أتشوف بموقع حراج سيارة طالبني واحد من الشباب أدور له موتر و هو ما
يعرف للنت , الشاهد من الموضوع ألقى ناس يعرضون سياراتهم و يكتب عبارة بالبنط العريض (عــــلـــــــى
الــــــســــــــوم) ما يذكر لا حد ولا يذكر سومة إنسامت فيها السيارة !!!!! طبعاً نقول على سبيل المثال سيارته
تسوى 60 ألف , يجي واحد يسوم السيارة ب 50 ألف , يعني سومة ما أحد راح يغصبه يبيع ب 50 ألف و يجي
يبين لك تربيته و قلة حياه: يا شريطي , يا حرامي , لا تبخس حلال الناس , والله لو إني لاقيها بالشارع إلخ ...
طبعاً في بعض الناس يخلطون بين البخس و بين السومة مهما كانت !!!!!!!! و أنا راح أوضح هالشي على
إعتبار دراستي لهالموضوع من جانب شرعي بحت , ما جبت كلام من راسي ولاني أتقول على الدين لا سمح الله
البخس = لما تكون عندك سيارة تسوى 90 ألف و جاك واحد وقال لك: سيارتك ما تسوى إلا 60 ألف و آبخذها
بقيمتها , يوهمك إن سعر السيارة ما يتعدى 60 ألف !!! بينما قيمتها الحقيقية 90 ألف .
السوم = سيارتك تسوى 100 ألف و مضطر إنك تبيعها لحاجتك لسيولة أو للتغيير إلخ ... و جاك واحد قال
أسومها 80 ألف , صحيح هو نزلً من قيمتها بس ما غشك فلوسه معاه و سيارتك معاك !!!! و أنت حر تبيعه
أو لا , و لا تنسى أخي العزيز في ناس لمًا يكونون مضطرين يبيعون سياراتهم بخسارة سواء كانت خسارة
كبيرة أو صغيرة , و مو حرام إن الواحد يبيع و يشتري بالسيارات و ياخذ رزقه !!!! بس الحرام باللي يبخس
ما عند الناس و يغشهم , ختاماً حبيت أوضح هالنقطة اللي تغيب عن كثير من الناس و يخلط ما بين
(الـــبــــخــــس) و (الــــســــوم)
تحياتي: أبو صالح
إبلاغ
الردود
7
1
أخوي نادر 2002: أنا أتفق معاك في كل ما ذكرته و أنا قلت 90 ألف للتوضيح لا أكثر و الصحيح إن السيارات تكون قيمتها
ب (average) يعني متوسط السعر و اللي يدخل من ضمنها: إستهلاك السيارة , نظافتها , موديلها إلخ ...
تسلمون على المرور و التعليق .
3
1
فيه شغله مزعجتني فموضوع السوم !!
يجيك شخص يرغب فسيارته 70 الف مثلا
ثم يعرضها على السوم واذا شاف السومات ماجابت سومة 70 ؟
يرجع يقول سيمت على الجوال ب69 او برى الموقع ب69 والبيع ب70 !!!
فالحقيقه سيارته لاسيمت ولاشي بس هو يبغى فيها 70 هههههههههه
او يعرضها ويجيك من البدايه يقول سيمت برى ب68 والبيع قريب ؟ يعني افهموها الرجال يبي فيها 70
وتلاحظون اغلب السومات القويه تكون خارج الموقع ؟ طييب ليييه و السبب معروف
7
1
تلاقي موتره انسام ب 23 ويقول سومه طيبه والبيع قريب
الناس تقرا البيع قريب عرفوا ان الرجال ما شاء الله عليه بياع
ويجيك الشعب يسوم ب 24 و25 و26 ويوصلونها الثلاثين ثم يجيك ويقول سومه طيبه ونطلب من الله الزود *_*
ما ادري هو قاعد يطق طق على الي يسومون ولا وش قصته *\/*؟
يعني انت قلت ان البيع قريب لما جت السومه ب 23 ولما جت 30 قلت نطلب من الله الزود *\/*
يعني كم تبيها *\/*؟؟
35 مثلا ؟
طيب وليه تقول البيع قريب عند 23 *\/*؟
7
2
يعني ولا مرة بالصدفة واحد سام سومة قوية من الموقع هههههه
نفسي اعرف ليش اللف والدوران ! ياخي من البداية قول ابغا في السيارة كذا كذا
0
0
0
1
سام فلان و سام علان و جتني سومة على الجوال و أنت عارف أن و لا واحد منهم بيحط ريال السومة من الجاد اللي فلوسه جاهزة هذه تسمى سومة .
3
1
1
2
حسب ما أعرفه ان البخس هو تعيب السلعه وإظهار عيوب غير موجوده بهدف انقاص قيمتها الفعليه في السوق .
فمثلا يقولك السياره مرشوشه ومسمكره او فيه نتعه بالجربوكس او صوت بالماكينه او الدفرنس او لونها مو مرغوب او ان قطعها
غاليه او غير متوفره وهكذا
ويتساوى معه اللي يقول السياره نظيفه وبدي وكاله او السياره مطلوبه بهدف رفع قيمتها عند البيع وهذا جمع البخس مع الغش
اما السوم باقل من السعر التقريبي بشي بسيط فهذا يرجع لتقدير صاحب السومه وانا اشوف انها طبيعيه اذا كان حراج ومزايده
والباب مفتوح وصاحب السلعه حر يبيع او يرفض السوم والله اعلم
3
1
0
0
0
0
ليتك كملتها بالنجش اللي حاصل بالحراج
قبل 11 سنه و 6 شهر