ابغى اشتري سياره مستعمله وابي مساعدكم

والله شوف

الكامري مبالغين بسعرها يعني موديل 2001 ماتوقع تلقى بـ 20 الف

الكابرس 20 الف يجيب لك موديل 2003 وتحت وهذي اسوا موديلات الكابرس فـ لو تزيدها شوي مافي مشاكل

الماكسيما والالتيما اخوان واتوقع 20 الف تجيبلك ماكسيما او التيما 2005 - 2004 وحتى هالموديلات مانصحك فيها



على كل حال انصحك بسيارة صغيرة اكسنت النترا او ممكن تاخذ سيارة صينية وكالة نسيت اسمها بـ 19999 ريـال

ياخوي شوف رأي انك تبتعد عن الكابرس والماكسيما والالتيما الموديلات القديمة ..
خذلك سيارة موديل جديد وممشى قليل انصحك ب أكسنت او يارس موديل 2010 تلقى بفلوسك شي 
نظيف ويريح راسك من الورش وقروشتها 

السيارة الصينية اللي 19999 شكلها غبي حقت مطاعم عموما انا انصحك بألنترا او ابيكا 2009  

الكامري ب20 تلقاها مكدودة وممشاها فوق 400 والكابريس تجيب 2006 لكن مفككة وكل يوم بالصناعية و الالتيما ما ادري عنها لكن 2007 وتحت فاشله 

على الاقل خذ سيارة موديل حديث 9 وفوق 

انت ياخوي كل اللي معك 20000 وانت تبغى سياره ماتسحب فيك في الورش , فنصيحتي لك ابتعد عن هالسيارات اللي ذكرتها لان النظيف منها ماراح تحصله ب 20000 واذا اخذته لازم تحط في بطنه كل شهر اقل حاجه 1000 ريال الا اذا انت بتاخذه من واحد تعرفه فهذا شيء ثاني , الشيء الاخير دور لك على اكسنت او كيا ريو او صني وان شاء الله بتدوم معك 

كامري 99 او 98 بس تكون نظيفه ...

بعدين مستحيل تاخذ سياره عمرها اكثر من 13 سنه وماتخسر عليها ,,

خذ سياره ع قد فلوسك وزبطها كل شهر حاجه شوي شوي ,,

مره زيوت من الي قير مكينه دفرنس فلاتر ..

الشهر اللي بعده شيك ع كهربتها بطاريه اسلاك بواجي وبواجي وغيره وكذا ,,

وموفق ..

حدد يا الطيب طبيعة استخدامك؟؟؟؟

اذا تبي من السيارات هذي ..

انصحك وبدون ماتشاور مكسي بشرط نظيفه والوجهيه سليمه والكهرب تفحصه وبعض القطع غاليه يعني اذا انت محافظ الموتر من اروع الخيارات وانصحك فيه
الكامري لاشكل ولا فخامه ولا قوه وداخليه تسد النفس وراحت موضته خلاص الكامري انتهت وترا الشريطيه يرفعون بالكامري وهي ماتسوى

الالتيما مانصحك فيهاا

^^ مكسيما

مستعجل بالكتابه ههههه

إخوي تبي تريح رأسك 
عندك 
النترا بس موديل حديث 2008 أو 2009 ولازم تدور النظيف ابعد عن التكاسي 
عندك الأكسنت تلقاء لك 
أو آليارس 

إذا كنت تبي تحفظ جيبك وتدور لك حاجه نظيفه خذ هذي 
إذا تبي تدخل ألسياره معاك في كرت العائله خذلك مكسيما أو كأمري أو التيما 
الكامري مكدوده ولا بتلقاء شيء نظيف أنسئ الموضوع 
التيما والمكسيما قطع غيارها ونار يأخي ماعمري شفت أحد يدمحها يمدحون البترول بس الصغار هذي يقولون تتفكك 
الكابرس هاه لك عليه شوي حق ورش بعد لأنه موديل قديم ولاتدري اللي قبلك ؤش استخدامه 

ترا ماقول هالكلام من فراغ انا مجرب اكامري 2001 نظيفه جدا

لكن موتر ولا بريال مع احتام لاصحابه

عزل سئ .. عزم سئ .. رساوه مافيه .. فخامه خارجيه سيئه .. فخامه داخليه وديكورات سيئه ( لون رصاصي ههههه ) وضيقه بعد ...

اللهم انه حقت كرف وقطعه رخيصه بس

وبالتوفيق

خذلك يارس مستعمل نظيف
سيارة حقت كرف وجيدة واقتصادية لدرجة انك تفللها بنزين ب 16 ريال

خدلك فكتوريا او ما ركيز من 98-2002
تحصل فيها كل شئ
كرف فخامة راحة قطع رخيصة متوفرة

خذ لك جراند ماركيز 1999 او 1998 وريح راسك وخل عنك هالدرادع 

اول شيء راحه وفخامه وكرف وقطعه رخيصه بس ابتعد عن المصدوم وابعد عن المكروف اللي تسمع ماطوره على بعد كيلو خذ لك واحد نظيف اشتغاله هادي 

اذا تبي تعرف الفورد الزين وحرارته سليمه 

اذا انت مشغل المكيف تشتغل المروحه دايركت وبعد ما توقف وتطفي المكيف تجلس دقيقه او دقيقتين وتطفى المروحه اعررف ان الحراره سليمه 

واذا انت ما شغلت المكيف ما تشتغل المروحه الا في حالة الوقوف عند بقاله او اشاره وهذي هي الطبيعيه 

ثالث شيء خذ واحد يكون وجهه سليييييييم وكهربه سليم مافيه رعشه وغيرها وافحص كمبيوتر واذا مكينته اقل من 90 لا تاخذه 

بالتوفيق

أنصحك بالياباني
لأن لا يصبر من المستعمل إلى الياباني

اكسنت 2009 او 2008 تلقاها حول فلووسك

انصحككك ياخوي تاخذ يارس تلقى ٢٠٠٨ ب ١٨ وحدودها ونضيفة وتكفي لشخصين الى ٤ اشخاص 

شف الله يحييك لاتعدا الكوريلا من موديل 2001 الى 2007 اذا كنت اعزوبي تصلح انا مجرب اقتصاديه في كل شي 
ولا تقرب يابعدي المكسيما والابيكا ولا الكابرس والامينا طبعا انا اقصد اللي بكثر قروشك يصيرن مستهلكات
مع شديد الاحترام لملاكها 

اشكر الجميع على مساعدتي....الحمدلله حصلت كابريس 2006 نظيف وممشاه 150000 و8 سلندر ب 23500ريال