أضف سؤال أو موضوع جديد          

معارض السيارات بالنسيم .وكيف سرقوني تعقيب على موضوعي

up 9 down 1
viper911 49
قبل 5 سنه و 11 شهر



السلام عليكم

تعقيباً على موضوعي

http://montada.haraj.com.sa/start.php

مثل ماقلت لكم المرور اقفل رخصته ....

وكلمني بعدها الكاتب الى بالمعرض وقال اعطيني رقم الحساب وعطيته وسحبو علي ... رحت المعرض وحصل ماكنت اخشاه ... الرجال تطاول باللسان وطردني من المكتب ....

ثم راجع المرور وقال لهم حولوها الشرع ماعندي فلوس الحين !!! ... وقام المرور مشكوراً برد كلامه وقاله شرع ولا مو شرع ... سدد الفلوس والمخالفات الى عليك من جراء المماطله وبعدها نفك ترخيصك ورح المحكمه تهاوشو ...


لكن ابي شوركم يااخوان ...

لانه شكله الموضوع مطول

اليوم طلعت الادارة العامة للمرور وابي اقابل المقبل طلع مو موجود بالرياض والنائب حقه استقال ...!!!! اخذو اوراقي وعطوني رقم القيد وقالو لي السبت بيكون المقبل بالرياض ان شاء الله ...

من طلعت من المرور رحت الداخليه وارسلوني على مكتب بحي المروج !!!! والمكتب قالي روح الاماره ... ؟؟

وش شوركم يأخوان اروح الاماره او ارجع ثاني مره للناصريه بس ادخل على مدير المرور بالرياض العقيد على الدبيخي ؟

ماابي الموضوع يطول .... هم لو يقفلون معرضه ساعه وحده والله ان يدفع المبلغ بنفس اليوم ... لكن مني عارف كيف اخليهم يقفلونه او الجهة المسؤله عن هالشي








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انصحك بالاماره...مايضيع لك حق باذن الله 


up 2 down 0
asalami 2110
قبل 5 سنه و 11 شهر



رووووح الإماره وإن شاء الله يصير خير . 
وإذا مافيه فايده ارجع للعقيد , وصدقني موو للدرجه هذي بيخلوون حقك يرووح قدامك عينك ويسكتووون .. 


up 2 down 0
عاشقـ الماركيز {1991} 3500
قبل 5 سنه و 11 شهر



تابع شكواك وان شاء الله ربي يفرجها عليك ويرد لك حقك


وخذ بها قلب المره الجايه لاتأمن حـد ولاتثق في احـد


في ناس ماهمها حلال او حرام اهم شئ تعيش


الله يبلاهم


up 3 down 0
aboamani 1147
قبل 5 سنه و 11 شهر



ذكره بالأخرة وبحساب ربه وان الدنيا زائلة يمكن يتعض


up 1 down 0
بدر الغامدي 88083 4055
قبل 5 سنه و 11 شهر



آخووي يّ ليت تعطينآ آسم آلمعرض علشآن نحذره مستقبلآ ..


up 4 down 0
saeed 7 330
قبل 5 سنه و 11 شهر



والله هاليومين ودك يطلعون نظام كل واحد ياخذ حقه بيده لان الشرطه وما الشرطه والله ما يحركون الشعره خطاب رايح خطاب جاي
ونت تبهذل يوميا رايح جاي تراجع وقبيلك فالها تحت المكيف ويسرح ويمرح ولا احد يقول له شي



up 1 down 0
الكاتم 1 149
قبل 5 سنه و 11 شهر



حسبي الله عليه الله يعينك يااخوي ويرد لك حقك


up 0 down 0
abo fahhad 53
قبل 5 سنه و 11 شهر



الله المنتقم  وأنا أخوك صور ورقت المباعيه واحتفظ بواحده لك انت لا تعطيها احد 
والمفروض ان تأخذ سند بقيمه المبلغ لأكن حصل ماحصل 
وهو ليه مايبي يعطيك المبلغ وش السبب 
ورح للإمارة وبرقت المباعيه وعلمهم السالفة وبأذن الله تبي تأخذ حقك عند إخوان نوره 
واطلب دخولك عند الامير هو القادر بعد الله بكسر ظهور هذا العينات الخبيثة في المجتمع 


up 1 down 0
مانع المانع 68
قبل 5 سنه و 11 شهر