أضف سؤال أو موضوع جديد          

ماهو الأفضل عندما تقوم بتعبئة السيارة بالوقود؟

up 3 down 1
ابوفيصل121 277
قبل 12 سنه



السلام عليكم ورحمة الله...كيف حالكم شباب ان شاء الله طيبين:-
الحين لاجيت تعبي موترك وشو الأفضل تطفي الموتر ولا تخليه شغال 
ناس تقول لا طفي لانه يظر بالمكينة وناس تقول لا عادي من يوم ماعرفت
نفسي وأنا أعبي والموتر شغال ياشباب نبي نعرف مو كلام من الراس
نبي عن تجربة ودراسات وسلامتكم.







إبلاغ إبلاغ



الردود


الافضل ان تطفي المووتر


up 4 down 0
life.is.short 8
قبل 12 سنه



اخوي انا انصحك تطفي السيارة

والسبب ان الوالد موضف ارامكو هي الاعلم بكل ما يخص الوقود
وفي ارامكو يطلبون منك تطفي السيارة قبل لا تعبي وقود


بس ما اعتقد ان تعبئتها راح يضر لان الناس كلها تعبي وهي مشغلة السيارة بس اعتقد الافضل تكون مطفية


up 4 down 0
mat2rain 246
قبل 12 سنه



طفي الموتر أفضل 
ويوم تجي تعبي خليه بشويش خله ع أخف درجة عشان الهواء ما يدخل وما يضرك


up 3 down 2
r2oody -3
قبل 12 سنه



انا بصراحه على حسب اذا مثلا كنت مسافر ولا جاي من طريق طويل بصراحه اخلي السياره شغاله
لكن اذا مثلا توي مشغلها ولا جاي من مشوار صغير اطفيها اشوف انه احسن


up 3 down 0
فهد الريااض 333
قبل 12 سنه



الله يعطيكم العافية شباب ابوحلا أنا أي واحد يرد على موضوعي أعطيه لايك لاتخافون بس بعد انتو لاتنسوني بالايكات.


up 2 down 4
ابوفيصل121 277
قبل 12 سنه



لي 24 سنه اسوق ماخبر اني طفيته الا في حالتين
اني نازل البقاله او التانكي فيه اقل من الربع ومو دايم بعد اذا حر والمكيف شغال ما اطفيه
واذا ماسك خط ما اطفيه فيه ربع فيه ثلث فيه اللي فيه

ارامكو والبلديات تعلق لوحات في المحطات تقول اطفى المحرك
للحرص وللسلامه العامه فقط
لكن مافي دراسه او شي مؤكد يقول ان تعبئه البنزين والسياره في وضع التشغيل يضر

واذا تبي تحافظ على الطرمبه وتعيش معك اطول مده ممكنه في لها عده طرق
والاكيد تعبئه البنزين والسياره تشتغل مو من ضمنها
في امان الله



up 5 down 1
abo kayan-55 652
قبل 12 سنه



عفواً *
تعبئه البنزين والسياره طافيه مو من ضمنها


up 1 down 1
abo kayan-55 652
قبل 12 سنه



يعطيكم العافية شباب ماقصرتوا


up 0 down 0
ابوفيصل121 277
قبل 12 سنه



بالنسبة لي اطفيه لاسباب السلامة ..


up 0 down 0
faxl 248
قبل 12 سنه



طفي السيارة عند تعبئة البنزين

لأن الجو مشبع بالبنزين ولو كان في تهريب كهرباء من أسلاك البواجي راح تولع المطة لا سمح الله

وما في أي ضرر على السيارة سواء شغالة أو طافية


up 0 down 0
أبو عبادة 4853
قبل 12 سنه



المطة = المحطة



up 0 down 0
أبو عبادة 4853
قبل 12 سنه



من تجربه 
كنت اعبي التانكي والمحرك شغال ومرتين ضربت عوامة البنزين والعداد صار يلعب
ومن بعدها ما اعبي الا والمحرك طافي وما تكررت المشكله
ايضا التعبئه والمحرك شغال يخلي الطرمبه تسحب الوسخ الموجود بالتانكي واللي تحرك مع دخول البنزين الجديد وهذا مع الوقت 
يقفل  صفاية البنزين ويوسخ البخاخات


up 0 down 0
dub_r-50 443
قبل 12 سنه



يقولون الافضل تطفي الموتر وتعبي بنزين في اوقات الصباح افضل


up 0 down 0
آبورسيل -5
قبل 12 سنه



يضر السيارة...لأنه يسحب هواء معاه...والاخ dub_r-50 جاوب المطلوب...خصوصا الطرمبه...وهذاني حذرتكم...


up 0 down 0
armycomrade 23
قبل 12 سنه



ي اخوان لحد يقول عادي مايصير لو طفيت السياره بتحافظ عللى العوامه لاتخرب بسرعه واذا خليتها شغال مع الوقت يخرب عليك هذا اذا كان سيارتك قديمه كربيرتر - بخاخ والافضل تطفي الموتر وخصوصا اهل الامريكي القديم


up 0 down 0
كابرس350 م90 -1
قبل 11 سنه و 9 شهر