أضف سؤال أو موضوع جديد          

منظف نظام الوقود من ميتسوبيشي وبعض النصائح

up 10 down 2
abo kayan-55 652
قبل 7 سنه و 8 شهر





السلام عليكم و رحمه الله وبركاته

اخواني اسعد الله اوقاتكم بكل خير

هذا منظف ممتاز لنظام الوقود كامل انا استخدمه لي اكثر من سنتين
وجربته على اكثر من سياره لي انا شخصياً غير سيارات الزملاء اللي نصحتهم بإستخدامه
انا قرأت في منشورات بوكاله ميتسوبيشي بإنه يُنصح بإستخدامه كل 10,000 كلم او 15,000 كلم
ماني متذكر بالضبط لكن انا استخدمه كل 9 اشهر تقريباً وقبل تغيير الصفايه
المنظف هذا ممتاز لتنظيف الرواسب اللي داخل التانكي والفحامه الصفايه البخاخات السلندر مجاري وليات البنزين من التانكي لداخل المحرك لآخر شي خروج الهواء من الدبه الاخيره .
وطريقه عمله تنظيف وتزييت بنفس الوقت

ممتاز للي يحس بكتمه اول ما تدعس
اذا فيه تقطيع خفيف لما تدعس بنزين
او تقطيع خفيف وانت واقف تحس السياره مو صافيه واذا دعست عادي
بإختصار كل نظام الوقود بالسياره
تحصله بمحلات قطع الغيار

طريقه استخدامه
تفضي علبتين في تانكي البنزين ويكون البنزين فيه نصف الخزان
والافضل يكون بنزين 95
بعد كذا تمسك خط ولا تعدى 120 لا يطرحك ساهر وتدعي علي
لحد ما يوصل الربع بعدها امورك بالسليم إن شاء الله

ملاحظة
لا تستخدمه اليوم وبكره تجي تقول ما سوا شي هههههههههه
عطوا سداح فرصه وما يصير الا الخير بإذن الله

***************************************************

نصائح كلنا بحاجتها وغير مُكلفه
1- صفايه البنزين الخارجيه الافضل كل 30,000 كلم يتم تغييرها
2- المحافظه على تغيير زيت القير والفلتر للقير التماتيك في وقته
بالنسبة للقير العادي والدفرنسات والكوارين اذا ماتم تغيير الزيت في وقته
الافضل ما تغيره فجأه كامل الزيت ويكون التغيير سحب لتر وزياده لتر جديد وبعد 5000 كلم سحب لترين وزياده لترين زيت جديد وبعد 5000 كلم وهكذا حتى يتم تغيير كامل الزيت مع إضافه دواء الحنه
3- فلتر الزيت لا تستهين بدوره وأهميته ولا تقول مره اغير الفلتر والمره الثانيه لا ما يحتاج
كل 5000 كلم يتم تغيير مع الزيت للحفاظ على المحرك
ونصيحه لا تاخذه من البنشري ولا تصدقه لو قال لك اصلي اصلي
خذ الفلتر بنفسك من الوكيل
4- لا تعتمد على تشييكات الصيانه فقط
شيك بنفسك كل اسبوع اسبوعين على ماء الراديتر
عاير الزيت وتحسس كفاءته من لزوجته عاير هواء الكفرات
5- حط في بالك حتى الفنيين في الوكاله ليسوا مُنزلين من السماء ترا مثلهم مثل اللي يتعلمون في الورش العاديه بل اغلبهم مخالفين لشروط الإقامه لذلك حاول تاخذ فكره عن العطل من اكثر من فني قبل تدخل السياره
ولا تدع ضعاف النفوس يتعلمون بسيارتك .
6- إحرص على استخدام ماء المبرد الاصلي
7- حاول بقدر الإمكان تجنب خرط الهوبات وذلك بتغيير الفحمات او القماشات قبل وقتها بقليل
واول ما تحس بضعفها

هذا والله تعالى اعلم واقدر
تحياتي للجميع














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب كم سعره ؟
سيارتي ماشيه 23.000 الف معقول صار وصخه الصفايه!! احس بدري



up 0 down 0
عـادل عبدالله 4751
قبل 7 سنه و 8 شهر



40 ريال
اغلب السيارات من مديل 2008 حسب كتيب المصنع ينصح بتغيير الصفايه بعد 80 الف
بس اللي كتبوا الكلام هذا ماعندهم محطات مثل محطاتنا



up 3 down 1
abo kayan-55 652
قبل 7 سنه و 8 شهر



وشو الي دوا حنا مع الزيت ؟؟؟


up 3 down 0
ابوعابد_1414 1201
قبل 7 سنه و 8 شهر



انا اخذته زمان من شركة ميستوبيشي بـ 39ريال وعبيته في فورد 97 ومشيت 260 كيلوا ع الفصله النتيجة تغيرت السيارة كثير وصارت تطير مع الدعسه


up 0 down 0
ابو راكان تبوك 956
قبل 7 سنه و 8 شهر



طيب انا سيارتي الكمبريتر معدوم وعادي ماشي فيه نظفته مرتين متفاوته ببخاخ اس اي ديلكو وتحسن عن سابقه ويطلع دخان وانت واقف اسود وتفتف السياره هل اقدر استعمله لو اقدر بكره شريته مع العلم سيارتي كمبريتر ومكينتها1300 ونوعها كورولا94 اذا بيعطيني نتيجه احسن جربته انتظر ردك يالغالي


up 1 down 0
احمد شريف 3169
قبل 7 سنه و 8 شهر



حياكم الله
والموضوع ما طُرح يا اخوان الا نفيد ونستفيد من بعض
من تجارب وشروحات

اخوي ابو عابد_1414
دواء الحنه او مانع الحنه او مانع الإحتكاك
هذا لازم يضاف للزيت الجديد لتفادي الونه او الحنه بالعاميه والشرح يطول
تم اضافه الصور للتوضيح وافضلها من شركه GM بشهادة اهل الإختصاص
الازرق هذا للدفرنس والكوارين
الاصفر للقير العادي


up 0 down 0
abo kayan-55 652
قبل 7 سنه و 8 شهر



احمد شريف
للأمانه ماسبق جربته على الكربريتر
ولازم تغير إصلاح كربريتر وتوزن الشراقه لتفادي التفتفه
مايفيد الـ ايسي ديلكو لوحده



up 0 down 1
abo kayan-55 652
قبل 7 سنه و 8 شهر



انا جربت حق المحطات و اشوفه كويس بعض الشيء بس هذا اول مرخ اشوفه 


up 1 down 0
عبدالاله ابو عبدالله 31
قبل 7 سنه و 8 شهر



هلا أخوي ... مشكور على طرحك هـ الموضوع  انا من زمان شاغل بالي هـ السالفة... عندي استفسار هل ينفع على مكينه
جمس 02"؟ وعلى كلامك انت تقول عبي علبتين على نص تانكي هل افلل بعد ما احطها ولا اضل على النص؟
وجزاك الله خير... واحلى لايك


up 1 down 0
gmcbigblock 620
قبل 7 سنه و 8 شهر



اهلا

نسيبي عنده يوكن 2004 وجربة يقول حس بتغير في سيارته

وانا عندي تاهو 2004 و نصحني استخدمه و لكن سيارتي صافية

لذلك ما جربته


up 1 down 0
عمر الزمان 670
قبل 7 سنه و 8 شهر



اهلاً بالجميع
عبدالإله ابو عبدالله
اذا تقصد اللي من شركه STP
فهذا جيد وقرأت عنه وكثير ذكروه بالمنتديات لكن عن نفسي ماجربته لذلك ماذكرته بالموضوع


جي ام سي بيق بلوك
الافضل ولنتائج افضل تحطه والبنزين يكون على النصف
عشان الطرمبه تكون حاميه وشغاله بنفس الوقت وتمسك خط لحد ما يوصل الربع بعدين عادي لك الخيار

عمر الزمان
ما شاء الله يعطيك خيرها ويكفيك شرها



up 1 down 0
abo kayan-55 652
قبل 7 سنه و 8 شهر



معروف المحلول هاذا افضل محلولين هو وموتر كرفت موجوده بالسوق انا استخدم موتر كرفت 


up 1 down 0
princ 18876
قبل 7 سنه و 8 شهر



اخوي abu kayan-55 تنصحني استخدمه سيارتي لومينا CR8 2009 مكينة ls3 ماشيه 143 الف
ووممكن تقولي كم سعره؟ ويتوفر هالمنظف في محلات قطع ميتسوبيشي؟
وجزاك الله خير ..


up 1 down 0
غربان ودة 673
قبل 7 سنه و 7 شهر



ياهلا والله
سعره وصل 40 ريال
تلاقيه في بعض محلات قطع الغيار وموزعين ميتسوبيشي 100% تحصله عندهم
ممتاز وانصحك فيه عن تجربه لسيارات كثير استخدمته غير سيارات الزملاء اللي شرت عليهم وجربوه
خذ لك علبتين وحطها في التانكي وعب بنزين 95 افضل بـ 10 بـ 15
المهم يكون النصف عشان الطرمبه تشتغل بكامل طاقتها وخذ معاك اثنين من الشباب وامسك الخط
حاول ما ينزل عن الربع وإن شاء الله بتلاحظ الفرق بعد إستخدامه


up 1 down 0
abo kayan-55 652
قبل 7 سنه و 7 شهر



والتانكي فاضي ولا نص


up 0 down 0
ملك الكلمة
قبل 5 شهر