أضف سؤال أو موضوع جديد          

تأثيرتغيير مقاس الكفرات والجنوط على عداد السرعة .. ساهر

up 16 down 5
speed for ever 3705
قبل 6 سنه و 5 شهر




السلام عليكم ورحمة الله وبركاته

اليوم راح أتكلم عن تغيير مقاس الكفرات والجنوط ( عن مقاس الشد بلد )

قبل ما كان فيه أي مشاكل من ناحية تغيير مقاس الكفرات والجنوط ؛ ولا كنا نهتم بعداد السرعه بدقة بالغه ( مثل الوقت الحالي بسبب ساهر حسبي الله على اللي جابه )

مثلا لو كبرت وعرضت الكفرات .. لو فرضا عداد السياره يقولك أنك تمشي 90 .. ممكن تكون سرعتك 95 أو 100 أو أكثر ( كل ما زاد الفرق عن مقاس كفرات وجنوط الشد بلد ؛ يزيد التأثير )

والمشكله أنك بتتوهق مع ساهر

فمثلا أنا ركبت مقاس أعرض شوي 215 بدل مقاس الشد بلد 205 .. لأني ما لقيت مقاس الشد بلد بمحلات كفرات أبو يمن وكنت مستعجل وبفك كفراتي وبعطيها واحد محتاجها مبنشر < أعرفه

لكن المشكله بساهر .. ندمت أني ركبت كفرات أعرض

صرت اذا السرعة المحدده بالخط 70 امشي 60 أو 65 ويدي على قلبي اقول الله يستر لا يصورني ساهر
يعني بصراحه قلق

وأنا ما كتبت الموضوع هذا إلا عشان أفيدكم وعشان ما تتوهقون بمخالفات ساهر والتدبيل

وفيه موقع رائع يقارن لك تأثير تغيير مقاس كفرات الشد بلد بـ مقاسات أخرى
http://www.1010tires.com/Tools/Tire-Size-Calculator

على اليسار بتلقى
Stock Tire Size on Vehicle
هذي معناتها مقاس كفرات الشد بلد
وفيها خانات لإختيار المقاس .. دخل نفس مقاس كفرات الشد بلد بالضبط

ثم رح للمربع جهة اليمين مكتوب Compare Tire Sizes

( دخّل أو أختر المقاسات اللي بتقارنها ) بمقاس الشد بلد

وإذا أنتهيت .. دخل الرقم السري المكتوب بمربع صغير .. ثم أضغط على Compare tire sizes

وراح يقارن لك مقدار التأثير وكل شيء

أنا مثلا سيارتي ستاندر قير عادي جنوطها 15 ومقاس كفراتها 205\65\15 ؛ ومشتريها مستعمله من زمان وعليها جنوط الفل كامل 16 و مقاس كفرات الفل كامل 205\60\16 < المالك السابق للسياره مركبها

وبعد ما كرفت الكفرات 3 سنوات ويمكن أكثر .. يوم جيت اغير الكفرات أظطريت أني أركب مقاس أكبر 215 لأن أبو يمن ما عنده 205 ... وما راح اعيد السالفه تلقونها بأعلى الموضوع

المهم بعد حساب تأثير تغيير المقاس بالموقع اللي قلتلكم عليه

هذي النتيجه بالصور










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طبعا اللي ناوي يغير جنوطه وكفراته
أنصح يركب نفس مقاس كفرات الشد بلد

وإذا ناوي يغير الجنوط ويكبرها
يركب ( جنوط + كفرات ) نفس مقاس الفل كامل بالضبط

والإختلاف بعداد السرعه اتوقع راح يكون قليل وبسيط جدا
عكس المقاسات الأخرى


up 2 down 1
speed for ever 3705
قبل 6 سنه و 5 شهر



بالنسبه لسيارتي :

بعد التغيير من مقاس جنوط 15 وكفرات 205\65\16
إلى مقاس جنوط الفل كامل 16 مع كفرات 205\60\16
الفرق كان بسيط تقريبا 1 كيلومتر
يعني اذا كنت أمشي مثلا 60 سرعتي الحقيقيه تقريبا 61

لكن بعد التغيير لكفرات أعرض شوي 215\60\16 .. صار الإختلاف بالسرعه
يعني اذا كنت أمشي مثلا 60 سرعتي الحقيقيه تقريبا 63

كل ما زاد الإختلاف بالمقاس = يزيد فرق عداد السرعه عن العداد الحقيقي

وكأني سمعت بالأنترنت ان فيه طريقه لبرمجة كمبيوتر السياره على مقاس الكفرات الجديده < لكن غير متأكد منها

واللي ما يعرف مقاس كفرات وجنوط الشد بلد ؛ يشيك على الكتالوج أو يفتح باب السواق وراح يلقى ستكر أو حديده مكتوب فيها مقاس الكفرات والجنوط وضغط هواء الكفرات

أنتبهو من ساهر


up 1 down 1
speed for ever 3705
قبل 6 سنه و 5 شهر



جزاك الله خير وشكراً على تنبيهك


up 0 down 0
نـواف المطيري 49
قبل 6 سنه و 5 شهر




اللي يحط ديسلايك ويمشي ومزعجني بالديسلايكات
أقسم بالله أنك منت رجال ؛ ومريض ومتخلف

ولا همتني الديسلايكات لكن حبيت أقول رأيي عنك

ليش ما تواجه وتقول رأيك وأيش سبب حقدك علي وسبب الديسلايك
وإلا مستحي وخايف ولا لك وجه

يعني بصراحه شيء غريب تتعب عشان تفيد خيرك وتبي مصلحتهم .. ويجون بعض النفسيات و يعطونك ديسلايك

يعني واحد يتعب ويكتب موضوع عشان يفيدك وتعطيه ديسلايك والله أنك ما تستحي ولا أنت كفو أحد يفيدك

بصراحه منتدى حراج خرب كله ديسلايكات ولافيه تقدير للمجهود ولا شيء .. وكله مشاكل للأسف

لو يلغون النقاط والديسلايكات .. بتنحل كل مشاكل المنتدى




up 7 down 5
speed for ever 3705
قبل 6 سنه و 5 شهر



نواف المطيري

آمين وياك إن شاء الله
عفواً




up 1 down 0
speed for ever 3705
قبل 6 سنه و 5 شهر



جزاك الله خير

لايك على الموضوع الرائع


up 0 down 0
أبو عبادة 4803
قبل 6 سنه و 5 شهر



حبيت اوضح انت الخلل عندك ممكن من العداد وليس من الكفرات اول شي لنه انت الي غيرته عرض الكفر وليس الارتفاع والجنط هو هو ماغيرته كيف تغيرت السرعه الا انه عندك مشكله بالقراءه مو درجة انه اغير مقاس الجنط بتتغير السرعه مره اذا ببتغير ممكن واحد انا سيارتي جنوط بلدها 16 225-60-16 غيرتها لجنوط17-235-55-17 لاحض نزلت الارتفاع للكفر على كلامك المفروض امشي 100 يكون العداد 90 اذا زي ماتقول انت لكن السرعه نفسها مثلا ساهر يصور 100 امشي 108 لو مشيت 110 صورني وقد اخذت مخالفه بنفس السرعه ممكن يكون فرق لما جنط 16 وتركب جنط 24 بيفرق ممكن اما جنط 17 او اي مقاس واغير الكفر ماراح يفرق ولا تلخبط تعشيقات القير لنه السيارات الجديده تبديلات القير مربوطه بالعداد والتسارع


up 3 down 0
princ 18864
قبل 6 سنه و 5 شهر



موضوع رائع يا سبيد بس انا كنت اعرف العكس ان السرعه تقل شوي ولاحظت هالشي بعد ماركبت كفرات اكبر من 205 - -60-16 الى 225--60- 16
القومه اثقل والسيارة اثقل والدركسون اثقل وشفت موقع ثاني من فترة يقول تنقص السرعه بحدود 3 km 

عالعموم مشكور 


up 0 down 0
d_alla 588
قبل 6 سنه و 5 شهر



تغيير الجنط ممكن يكون لة تاثير لكن عرض الكفر ما توقع له اثر


up 0 down 0
شليطيح 5020
قبل 6 سنه و 5 شهر



انا المقاس الاصلي 195 ومركب 205 وامشي بالسرعه النظاميه ولا عمره صورني ((وانا بالسرعه المحددة))


up 0 down 0
ما بنكسر صابر 2689
قبل 6 سنه و 5 شهر



بغض النظر عن المتغيرات في الحجم : عداد السرعة يقيس السرعة الحالية.

يعني لو قرأ العداد 60 فالسيارة بالفعل تمشي 60

...................

طيب من الناحية الفيزيائية:

كل ما زاد عرض الكفر ... زادت مقاومته للهواء ===>> وبذلك يزيد الجهد على المكينة والقير.


up 2 down 0
فانتازي 1794
قبل 6 سنه و 5 شهر



اخوي الغالي
انا عندي جي بي اس بالسياره مكتوب السرعه 117 وانا ماشي 120
انا اقول الجي بي اس صحيح ويعطيك بالضبط لانه متصل بالقمر الصناعي

مقاس الجنوط بسيارتي 215/45/17 اتوقع عرض الكفر ماله دخل
اتوقع ارتفاع الجنط ومقاسه هو اللي يأثر لكنه فرق بسيط مثل اللي حصل معي .


up 0 down 0
شكلين مآبحكي 4749
قبل 6 سنه و 5 شهر



زيااااادة عرض الكفر لزيااادة كمية المطاط ع الارض وزيادة الثبات والتماسك


والا كان مثلا الفراري أو الفروملا1 ركبو كفر نحيف عشان مايكون في جهد ع المحـــــــــــرك وكان ركبو جنط اكبر 24 عشان زيادة السرعــــــــــة


up 1 down 0
aziz..747.. 2423
قبل 6 سنه و 5 شهر



أخوي الغالي شكلين مابحكي ...

قياس السرعة الحالية الصحيح يعتمد على دقة عداد السرعة
فإذا كان العداد غير سليم وفيه نسبة خطأ كبيرة فهذا يشذ عن القاعدة.

حجم الكفر ليس له تأثير كبير بقدر عرض الكفر

اذا كان الحجم كبير يكون فيه زيادة طفيفة في الوزن الاجمالي للسيارة من حيث الجنوط والكفرات.
وفيها جهد بسيط جدا على المكينة والقير.

لا تنسى ان جزء كبير من الجنط والكفر مهما كان حجمه كبير مع (العرض الطبيعي) فإنه مختبىء خلف
الرفرف وتعرضه لمقاومة الهواء عادية.

لكن مع (العرض الزائد) للكفر تزيد مقاومة الهواء من اربع مناطق بالسيارة ومع زيادة السرعة يزيد
الجهد على المكينة والقير في محاولة لبلوغ السرعة المطلوبة ( وهالجهد راح يكون ملحوظ عند التدقيق قبل وبعد
على عداد الضغط اللي هو عدد دورات المحرك ).


up 0 down 0
فانتازي 1794
قبل 6 سنه و 5 شهر



اخوي شكلين الجي بي اس اغلبها مايكون قراءه بالتمام لابد ينقص مابين 3 الي 5 عن السرعه المحدده في العداد 


up 0 down 0
princ 18864
قبل 6 سنه و 5 شهر



جزاك الله خير وشكراً على تنبيهك


up 0 down 0
إبراهيم - أبو خليل 32
قبل 6 سنه و شهر



انا اتحدى اذا كان عداد السرعه دقيق  لاني مجرب اغلب السيارات وعداداتها تقدم من 5 الى 8 هذا بالسيارات الحديثه

اما السيارات القديمه تقدم الى 10  

واللي يقول ان الجي بي اس يأخر معليش مع احترامي لك معلومتك غلط الجي بي اس دقيق  وجربته انا اكثر من مره على

ساهر وهو مطابق لحسابات ساهر  يعني اذا السرعه محدده على 70  فساهر معروف انه يعطي الى 78 كحد اعلى لتجاوز السرعه

وبعدها يلقط  وانا مجرب الجي بي اس وفعلا ساهر يلقط على 78  والعداد عندي على 85 

هذي الفكره الخاطئه عند الناس ان عدد السياره دقيق والصحيح انه يقدم 

ماعدا بعض السيارات مثل الكابرس والفكتوريا  والمرسيدس  اما اغلب السيارات اليابانيه والكوريه وبعض الامريكيه

فيها نسبه تقديم

واللي يبي يغير كفرات اعرض وارفع  راح يكون عنده السرعه ادق من اول وتصل الى السرعه الحقيقيه على الواقع

وبالتوفيق

كلامي كله مبني على تجارب مو قالي او اخذتها من احد




up 0 down 0
الوافي 1392 117
قبل 5 سنه و 7 شهر



ماهي الاضرار على السيارة من ناحية الرساوة والثبات لو زدت الدعسة مثلا من 55 إلى 60


up 0 down 0
huossin
قبل 3 سنه و شهر