كيف تتصرف في الحالات التالية

 دق على 112 يجونك حتى لو ما في شكبه  ولا رصيد ولا شريحه

حسب لو عندك أقارب يسعفوونك أفضل ولا حسب الخراب أصلا في الكفر أحيانا ومنها تلبق على جنب وتجنب تلبق على الخط العام لو ان شاء الله يدفك واحد وتتكسر الصدام اللي ورا مو مشكله إأهم شي تبعد على الخط العام إلى الخدمه وتغيير الكفر أو تضرب مشوار لو ما عندك استبنه تركب تكسي وتروح اقرب ورشه يشيك عليها من الكفر والماكينة لو فيها شي .. أتمنى أفدت

ممقن تموت ممقن لا

بسم الله الرحمن الرحيم 

اول شيء لازم يكون معك سلاح وانت مسافر خاصة لو انك مآخذ العائلة معك 

ثانيا ابعد السيارة قدر المستطاع عن حافة الطريق لتجنب المخاطر 

ثالثا تاكد من وجود ارقام وليس رقم من ارقام السطحات المخصصه بهذا الطريق وتستطيع الحصول عليها في محطات اول الطريق

رابعا اتصل على امن الطريق او بالرقم 112 المخصص للطوارئ في اي مكان 

هذا اللي حبيت افيدكم فيه يا اخوان والله لا يورينا اي مكروه ...

بخصوص الرقم112 بعد تجربه لي في البر اذا ماصار فيها ابراج مايدق وانا مجربها

يفترض اللي عنده خبره يسجلها مثل عطل قير او فضيت بطريته بالخلا او قطع عليه بنزين وهكذا
ليستفيد البعض من خبرات البعض بحالة الطوارئ

احـــــــــــــــــــــــــــذر مثبت السرعه لانه يعلق بجميع انواع السيارات.

الحل

اكسر القزاز يفصل المثبت

..
زي ما قالوا الاخوان
وعندي تنبيه بس الي معاه فورد .. وضرب مطب وطفيت السيارة .. هذا حساس كهرب للسيارة كامله . اذا ضربت المطب وطفيت السيارة خلاص ما تشتغل . الحل . تنزل تفتح الشنطة . في الرفرف اليسار . زي الجهاز معلق . فيه زي تحصله طالع الزر يكون الى الاسفل. اذا طلع على مستوآ الجهاز لازم تضغطه . ويبي له قووة . او بخفيف على حسب الموتر تضغطه ترجع تشغل السيارة تشتغل .. هذا الي صار لي حبيت افيدكم فيه

طيب يا اخوان ... اللي معه سوبربان بدون دبل وغرز عليه ومافي أحد يسحبه 

كيف أسوي ؟؟

لأن الحركة صارت معي مرتين بس الحمدلله لقيت أحد يسحبني .. لكن مو كل مرة بحصل أحد يسحبني

ماعندك دبل ياخوي خليك فالشوارع العامة مالك ومال الطعوس لان مافي حل سيارة مافيها دبل اكيد بتغرز الى اذا كانت الرملة خفيفة قبل ماتدخل نسم الكفرات نص عشان يعرض الكفر ويمشي معاك ان شاء الله

نصيحتي لكل الاخوان الي يحبون البر وخصوصا الي يقطعون مسافات طويلة . 
1- تكون مجهز موترك تجهيز تام , ومشيك علية لانه لاقدر الله وتعطلت راح تكون في ورطة كبيره .
2- الماء والتمر , هذي ضروري تكون معك لانها بعد الله غذاء متكامل خصوصا إن التمره الواحده تبقيك 24 س , بعد الله سبحانه .
3 - ماطور الهواء شي ضروري ولايمكن الآستغناء عنه ، لان بعض التغريزات ماينفع بها الدبل الا بتنسيم الكفرات .
4 - ماجلان إو بوصلة , والآن التقنيه ماقصرت كل جوال وفيه هالتنقية وهي مفيده للمسافات والجهات .
5 - تاكد من خزان الوقود , ومن خزان الوقود الاحتياطي . وحاول إن يكون معك خزان إضافي .
6 - تاكد من الاسبير ومن صلاحيتة . 

وفي معلومات بيفيدونك بها الاخوان , ونصيحة يا اخوان إذا آحط طلع تمشية او مقناص لا يكون الاعتماد على سياره وحده 
سيارتين او 3 . افضل كل مازاد عدد السيارات كل ماكان افضل وآآمن , الله يحفظكم

لازم تكون عندك لستة بارقام السطحات وارقام الطوراىء والشرطة ( حطها في درج السيارة ,,, وكذالك اذا كان موترك فيه خدمة مساعدة على الطريق )
2/ اذا ضرب عليك كفر وانت في خط لا تضغط فرامل بقوة على خفيف ورجع نمرتين وخل الموتر يثقل لو وشغل الفليشر والفرامل لا تضغط بقوة بس لمس خفيف جدا عشان ما تفحط او تلف وتسوي مصيبة

من الاشياء المهمة بالنسبة لي اذا كنت مسافر او غيره وماتنزل من السيارة كشاف ضروري سلك اشتراك وموية صحة وماطور هواء وشاحن جوال < مهم جدا> ومحول كهربائي وعدة وطفاية حريق حتى لو السيارة قديمة ما يمنع تاخذ وحدة كلها 25 ريال ورقع للكفرات ممكن تحطها في شنطة ماطور الهواء والعفريته كثير ما يشيكوا عليها ولا يزيتها لازم تتاكدوا منها انا اسافر كثير ولما احصل ناس متعطلين ما اتعداهم اوقف على طول واسوي اللي اقدر عليه اقل شيء لو اعطيهم موية للشرب مره تعطل واحد معه جيب العفريته عنده مصلبه مررره
عشان كذا لاتهملوها وبرضوا كمان حتى لو سيارتك جديدة بعشرة ريال علبتين زيت فرامل وزيت دركسون حطها في الكبووت باي مكان ما بتخسر شيء كلها 10 ريال

بالنسبة للتغريز
إحفر من تحت الكفر المغرز من الخلف والأمام وعبي الحفر حجار وحرك السيارة إلى الأمام أو الخلف