السوق راكد و أسعار السيارات طايرة
12
4
إضغط هنا للإخفاء
مساكم الله بالخير , قبل فترة رحت أبيع سيارتي لواحد من الربع رحنا لمعرض بالنسيم وتفاجأت بأن المبايعة صارت
ب 200 بعد ما كانت ب 100 المهم سولفت أنا والسوداني عن سبب إرتفاع سعر المبايعة فقال لي بأن السوق راكد
ما في شراء و إن أكثر المعارض بهالفترة شغالين بالمبايعات و سبب ركود السوق على كلامه كثرة العرض للسيارات
و السوق مليان من السيارات الجاية من الخليج و السوق الحرًة إلخ ... و لمًا فريت المعارض أشوف الأسعار ما
لاحظت إنخفاض بالسعر بالعكس الأسعار طايرة و المعارض و الشريطية ما تقدر تفاوضهم بالأسعار الخرافية اللي
حاطينها !!!!! كنت أدور توسان لواحد من الشباب وصاني عليه كان يبي شي مستعمل نظيف لأنه ما يقدر على سعر
الجديد المهم لقيت توسان 2013 ماشي ثلاثين ألف و صاحبه حادهً ب 69 و هو قيمته جديد ب 72 !!!!!!!
و كلمت راعي السيارة و قلت في واحد يبيه ب 57 قال لا ما ينفع نزلتً من سعره واجد و ما يخارج ب 68
موافق أبيع , قلت يابن الحلال لو على 68 نزود 4 آلاف وناخذ جديد أحسن و على أقل يفكه راعيه على إيده
المهم الرجآل ما إقتنع و خليته و دورت برضو و أكثر العارضين سياراتهم على نفس المنوال يبي يبيع سيارته
بمثل قيمة الجديد !!!!!! لذلك أنا أدعوا الاخوان نوقف وقفة جادة و نقاطع المعارض و هالوكالات المخيسة و اللي
يبي سيارة يطلع للخليج صحيح الأسعار متقاربة بس تلقى شي نظيف و سعره حلو و خل هالسيارات تنشب بحلوقهم.
تحياتي: أبو صالح
إبلاغ
الردود
يشتري
وسالت يمني يشتغل بمعرض يقول السوق نايم من ٣ شهور لابيع ولا شرا
وفوق هذا الاسعار نار
لكن باذن الله لو تظل المقاطعة زي ماهي راح تنكسر خشوم هتجار الجشعين وينزلون الاسعار
1
0
مثل سالفة احد الدول ماذكر اسمها .. ارتفع سعر البيض وقاطعوه ورجع السعر وارخص من قبل ومحد شرا
هذي المقاطعه الصحيحه خلت التاجر يندق خشمه وينزل السهر زود عن اول ووقتها خل الشجع ينفعه
شعبنا هنا مثل ماقال اخونا المحترف اذا قاطعت غيرك بيشتري وهذا الحاصل
بسس للمعلوميه ترا السوق مايثبت على حاله يجيه فترات يترتفع فيه الاسعار وينزل وهكذا
1
1
وينزل السعر .. تصحيح اي سهر يبوووي هخهههههههههههه
0
0
0
0
مثل حملة (خلوها تصدي) كان شفنا فرق بالأسعار !!! بس بعض الناس ما يهمه معاه فلوس يشتري و لا يفكر بغيره , تسلم يا الغالي.
0
0
ماركيز 2008 59 تورس 2010 ستاندر بـ70 وفوق والله قعدت اكثر من اسبوع والسيارات كل يوم اشوفها متمسكين بالسعر
بس ان شاء الله تنزل قريب السيارات ، ولو مشى سوقهم بالاجازة بنفس هذي الاسعار راح تطير اسعار السيارات الى شئ خيالي
1
0
0
0
شكلين مابحكي: نحتاج ثقافة المقاطعة و تسلم على المشاركة
ويندوز 8: ما قلت لاحد يمرمط نفسه يا ليت تقرأ الموضوع زين و شاكر لك المشاركة
1
0
سيزو: لو طولت السيارات عندهم مصيرهم يبيعونها لو بخسارة شاكر لك المشاركة
1
0
طبعا يتفااوت ربح الشريطي ع حسب قوة شهرته
نصيحة اذا فرق السيارة المستعملة عن الجديد 15000 وتحت رح طق سيارة جديدة وريح مخك
وابعد عن الشريطية وعالمهم وصجتهم
1
0
ولاكن في تركيز ع الفرص من الشراء لان الي يبغا يبيع سيارته اما مسافر او ووو
وهذ فرصة اقتناص اما البيع بنص الاجازة تقدر تقول يفتح البيع الي بعد الـعـيـــــد وبعدها ترجع الامور لوضعها الطبيعي
0
0
راحت كامري 2006 من واحد من الشباب بـ 26 ألف وهي فل كامل
بينما أشوفها بالموقع هنا بـ 45 ألف وهي والله حتى فتحة مافيها !!
طيب لو بغيت أشتري 2009 كم أدفع؟ 70؟
أنا إنسان محتاج سيارة بشدة، وفلوسي والله على قدي وصبرت 10 سنين لين وصل ورث بيت جدي
وأتفاجأ إني فلوسي رغم اني مخصص حول 25-30 ما تجيب لي رغبتي، إنما تجيب لي كرسيدا وطقتها هههه
1
2
اللي فلوسة ع قد حاله ينزل جدة ويطق له موتر جمركي اشكال وأنواع وع يدك
وخلك من هالشريطية اللي يبغون مكاسب خيالية
تلقى كامري 2006 ب 30 استخدام امريكي بطاقة جمركية
2
0
0
2
0
0
ولاااسف الشريطية ما يرضى بقليل لو تعطيه تسوم سيارته بسعر مناسب بيزعل ويقول السوق مليان او الله يرزقك
0
0
الاخ العزيز انت غفلت عن ذكر الي يعرض سيارته هنا في موقع حراج يبي يبيعها باغلى من سعر الوكالة على سبيل المثال شوف الي عارضين سيارات الجي ام سي والله تخاف اصحاب الوكلات يشوفوا اعلاناتهم لانه اسعارهم بعض الاحيان اغلى من سعر الوكالة
0
0
المهم الرجآل ما إقتنع و خليته و دورت برضو و أكثر العارضين سياراتهم على نفس المنوال يبي يبيع سيارته
بمثل قيمة الجديد !!!!!! تدري ليش يبي يبيعه بهالسعر ؟ لأن فيه ناس ماتفهم وماعندها علم بسعره الجديد ف يغتر بديكور السياره وشكلها ويفكرها صييده ويشتريها دون الرجوع للوكاله والسؤال عن سعرها ومميزاتها
0
0
قبل 11 سنه و 7 شهر