سؤال لاصحاب الخبرة ودي اشتري سيارة من خارج المملكة

اذا ماعندك خبرة قوية في المواتر وماتعرف احد هناك يساعدك فأقول لك اقضب ارضك احسن لك 

باختصار يشوفونك سعودي يطيرون السعر اغلى من عندنا
توني الان واصل من دبي 
اقسم بالله ان اسعار سياراتنا ارحم 

انا اتكلم عن الشراء بمجرد رؤية الصور هل تنصحوني وهل يلزمني رسوم اذا وصلت السيارة وكيفية نقلها باسمي اما من ناحية الاسعار يوجد فرق بنفس السيارة 15 الف تقريبا اقل من اسعارنا هذا ماوجدتة اسعدكم الله

اذا بتشتري من بائع عادي فنصيحتي لك انك تشتري من هنا لأن الاسعار هناك اغلى من عندنا 
اذا بتشتري من معرض الاسعار تتفاوت ولكن تضل مرتفعه بس راح تحصل شي نظيف وممتاز 

فيه خيار انك تشتري من مواقع مزادات مثل كوبارت
عندهم سيارات تأجير وسيارات أقصاد مسحوبه وسيارات شركات
تكون نظيفه وسليمه وسعرها نازل ومريح جداً وبعضها جديده
وعندهم وسطاء تقدر من خلالهم تشتري السيارة ويوفرون لك الشحن اذا حبيت تشحن عن طريقهم للسعودية 

طبعا كوبارت فيه سيارات مصدومه وغرقانه وعطلانه كثيره
وفيه ايضا سليم ونظيف وجدييييد

انت ابحث ودقق في الصور والمعلومات ولا تنسى تشيك على تقرير الاوتوشك 
وانا شريت من كوبارت سياره قبل فتره وشحنتها وكل شغلي تم وانا جالس بالبيت 


راجع موضوعي هذا بيفيدك وبتحصل فيه معلومات كامله عن الطريقة وكيفية التسديد ونقل الملكية :

http://ford.montada.haraj.com.sa/16888/%D8%AA%D8%AC%D8%B1%D8%A8%D8%A9-%D8%A7%D9%84%D8%B4%D8%B1%D8%A7%D8%A1-%D9%85%D9%86-%D8%A7%D9%85%D8%B1%D9%8A%D9%83%D8%A7-%D8%A8%D8%AF%D9%88%D9%86-%D9%88%D8%B3%D9%8A%D8%B7-/

موفق

وفقك الله والجميع انا كنت بشتري من احدهم في دبي وارسل لي كم صورة ووضح لي عيب بسيط في السيارة واتفقنا على المبلغ وشامل الشحن طبعا وفرقت معاي تقريبا 15 الف بعدين كنسلت وقلت استشير اول ف ابي نصايحكم والطريقة لما هو يرسلها من هناك .حفظكم الله

انتبه سيارات دبي اغلبها سالفج ومصلحه وتدخل للسعودية عن طريق الامارات بتسجيل اماراتي لان الامارات تسمح بدخول
السيارات المصدومه والغرقانه والتكاسي 

ومادامه جابها للامارات وسجلها بلوحات اماراتية وبعدين صدرها للسعودية تدخل زي السلام عليكم بسجل جديد 
فعشان كذا انتبه بارك الله فيك 

بالنسبة للجمرك هو 5% من قيمة السيارة 
طريقة حسبتها : 

  المجموع الكلى (قيمة السيارة) X النسبة المئوية
 ــــــــــــــــــــــــــــــــــــــــــــــــــــــــــــــــــــــــــــــ
                        100


اذا كنت بتشتري بنفسك هذا افضل 
أو دور لك موتر هنا نظيف على نظرك لأن الوسطاء في الغالب غير صادقين للاسف

نصيحتي لك انك تروح لمؤسسات الاستيراد وان شاء الله ما يقصرون معك

تعرف احد في جدة؟ وكم نسبتهم؟

يالطيب اذا كانت السياره امريكيه واصله الامارات روح افحصها بنفسك

واللي يقول اشترى من مزادات فهي حظ ونصيب شريت جيب اف جي موديل 2007 وخسارتي فيها 17000 الف يوم وصل عندي طلع الوجه مرشوش ومغير باتيواني وشريت شي نظيف وطلع لي الكبوت مرشوش وبعته بخساره وشريت لي سياره فيه صدمه بسيطه يوم وصلت الامارات ما اشتغلت وطلع الخراب من المكينه وبرضو شريت لي سياره وطلعت بدي بلد بس عيبها الكرونه خربانه فيه ونه طبعا وشريت فكتوريا 2011 فيه رفرف وطلع الجنب الايسر كله محكوك فلا تعتمد على الصور وكلها كانت عن طريق الوسيط ياخذ الفايده من 3000الى 5000ريال اما اذا تبيها استخدام فتكون نظيفه جدا والشغله معاد مثل اول طبعا السيارات اللي جبتها كلها من السنه ذي وطلعت من الشغله كلها بخساره

نصيحتي لك لا تعتمد على الصور مهما كان السعر حدد نوع السياره اللي تبيها و ابحث عنها او توجه بنفسك للأمارات واشترها من هناك للعلم مو كل شي بالأمارات رخيص السيارات انواع وكل دوله فيها نوع معيين سعره اقل من السعوديه