أضف سؤال أو موضوع جديد          

ياللي تقفل بسيارتك على الناس دقايق من وقتك لا تكرمت

up 25 down 7



مساكم الله بالخير اليوم جايب لكم موضوع منقول عن (الإغلاق على الناس بالسيارة) وهو موضوع مهم جداً

الله يسعد أوقاتكم بكل خير حبايبي و اخواني , حاب أناقشكم اليوم بموضوع مزعج جداً !!!!! و كثر فعله في الآونة الأخيرة من الكبير و الصغير
وهو الإقفال على الناس بالسيارة !!!! والفعل هذا للأسف لا يصدر إلا من الشخص الغير مسؤول , طبعاً أنا ما أتكلم عن اللي يسكر على السيارات
لمدة دقيقة أو أقل !!! ينزل مستعجل عشان يجيب (بكت) من البقالة أو ياخذ طلب من مطعم إلخ ... أغلبنا تقريباً يمارس هالشي لكن أنا أتكلم عن
بعض الناس الله يهديهم يروح يقفل على السيارة لمدة ربع ساعة نص ساعة إلخ ... ما هو من حقك تلزم الناس ينتظرونك لين تخلص أشغالك عشان
حضرة جنابك متكاسل تمشي 20 أو 30 متر !!!! وش المشكلة إذا وقفتً سيارتك بعيد و أخذت لك رياضة و إحترمت نفسك و تجنبت دعاوي الناس؟
والله يا اخوان الفعل هذا للأسف أصبح أكثر من ظاهرة !!!! من الصغير و الكبير و حتى (السواقين) تعودوا و صاروا مثلنا يجي يسكر عليك و بعد
ما يخلص (ماليش سديق واجد زهمة) !!!! و المشكلة اللي أعظم منها لمًا يطلع اللي يسكر عليك يتوجه لسيارته بكل هدوء بدون حتى لا يسلمً عليك
ويعتذر منك !!! لازم يكون عندنا ثقافة بمثل هالأمور أنت ما ترضى أحد يسكر عليك و يعطلك طيب ليش ترضاها لغيرك ؟ إفرض إن في أحد سكر
عليك و إضطريت إنك تبي تمشي ضروري !!!! وش تسوي ؟ بتاخذ تاكسي ؟ لذلك أنا أنصح نفسي و اخواني بعدم الإقفال بالسيارة على سيارات
الآخرين (فما لا ترضاه لا نفسك يجب أن لا ترضاه لغيرك) أبحكي لكم قصة حصلت لي في رمضان المنصرم كنت أصلي التروايح بأحد الجوامع 
العامرة بالمصلين و المزدحمة جداً لجمال صوت الإمام (الله يجزاه خير) و لكن كانت مشكلة هالجامع وجوده في شوارع ضيقة و قلة المواقف 
الخاصة بالمسجد !!! طبعاً أنا جاي من قبل صلاة العشاء وماخذ موقف قريب من المسجد و كانت النية إني أصلي العشاء و التروايح كاملة و لكن
قدرً الله و إتصلت علي أختي في أثناء صلاة التراويح وبعد التسليمة الثانية من التراويح إتصلت عليها وقالت لي إني لازم أجيها بأسرع وقت بنتها
تعبانة و طبعاً زوجها مسافر ما في إلا أنا لازم أمرها , المهم رحت لم السيارة و حصلت واحد مسكر علي (الله يجزاه خير) جاي المسجد ويبي
يكسب أجر (سُنة) و هو فاعل (مُحرم) بتعطيله الناس !!! دخلت المسجد و بعد ما خلص الإمام من التسليمة الثالثة توجهت لمه و قلت له يعلن عن 
السيارة و رقم اللوحة اللي مقفلة علي , و بعد ما طلعت و يجيني مراهق مُتدين إعتذر و تأسف و أنا تقبلت أسفه لأنه ما تأخر علي كثير !!! 
ونصحته و قلت له: ما يجوز تسوي فعل حرام عشان تكسب أجر سُنة , الخلاصة من الكلام يا اخواني لا تقفلون على أحد و تحرجون أنفسكم
مع الناس عشان الواحد ما يمشي كم خطوة !!! بالعكس أنت فكر من نواحي كثيرة إذا بعدت سيارتك و ما سكرت على الناس:




1/ رياضة ع السريع !!!!




2/ تسلم من دعاوي الناس !!!!




3/ عدم مخالفتك من قبل المرور !!!

تحياتي: أبو صالح







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عيب عيب عيب مايستحي الي يقفل على الناس سيارتهم انسان ماعنده احساس ولا احترام للناس

غيره انا مستعد اعطي واحد جاي يطلب الفزعة في السيارة اي شي

لكن لو واحد مسكر علي او غيري لازم اسوي سالفة معاه واخليه يعصب واسبب له مشكله

لانه انسان نكرة اوالله لو لخليه يكره الساعة الي قفل علي فيها او غيري


up 1 down 0
رايق السيارات 591
قبل 5 سنه و 11 شهر



تعال شف شارع الاربعين امام محلات الاتصالات

يوقفون عشرين متر عن المحلات!!ويخلون مسار واحد بس يمشي ودي اجيب شيول وادعس كل مواترهم

ناس ماتربت على احترام حقوق الاخرين


up 0 down 0
اودي666 197
قبل 5 سنه و 11 شهر