اللي سبق إشترى سيارة من موقع حراج أو غيره يتفضل
5
0
إضغط هنا للإخفاء
مساكم الله بالخير , كنت أتباحث أنا و أحد الزملاء بحكم عمله في السيارات وكان يشتكي من قلة البيع و الشراء
في الوقت الحالي بالمعارض , ويعتقد هو من وجهة نظره إن البيع و الشراء الآن ناجح في مواقع بيع السيارات
مثل: (سعودي سيل , حراج , مستعمل إلخ ...) و ما توجه كثير من المعارض للإعلان عن سيارتها عبر المواقع
الإلكترونية إلا دليل كبير على نجاحها !!!! في الحقيقة أنا ما أفضلً الشراء عبر المواقع الإلكترونية بكثرة
وخصوصاً السيارة لعدة أسباب منها , مهما كانت الصور الموضوعة للسيارة إحترافية و واضحة ما تغنيك عن
الشوف والحوف زي ما يقولون ههههههههههه , كثير من الناس يشوف سيارة تعجبه بالموقع و لمًا يروح يعاينها
تكون مختلفة تماماً عما كان يتصورها !!!! مثل بعضهم يحط صور قديمة للسيارة أو يحط صور مشابهه شغل
تدليس على الناس و العياذ بالله , كثير من الناس يشتكون من عدم جدية المُعلنين و هذي مُلاحظة بكثرة و قد حصلت
لي أنا شخصياً مع أحد المُعلنين عرض سيارته مع مواصفاتها و وضع حد لها , إتصلت عليه وقلت له: شريت بحدك
قال بالحقيقة في أحد المُتصلين زاد السعر عن الحد اللي حطيته , >> أتوقع إنه هوًن لأن سيارته تسوى أكثر بشوي
من الحد اللي كان حاطه , المهم قلت له: الله يبارك لك بحلالك كانك بعت بحدك فأنا شراي ولا عاد دق علي من
يومها ههههههه , المهم أنا حاط هالموضوع أبي من الأعضاء يتفاعلون و يذكر لنا اللي قد شرا من الموقع و هل
كان الشراء موفق , و هل الشراء من الموقع أفضل من التدوير في المعارض ؟ بين الزحمة و الغثا و الحر !!!
تحياتي: أبو صالح
إبلاغ
الردود
لاني صاحب خبره وأعرف
ولا أحد يشتري سياره ما شافها أبدا أبدا
بالنسبه اللي يبون سياره من الرياض وهم خارج الرياض هذا رقم الاعلان ويكفيك عن كل شي 2149101
0
0
قبل 11 سنه و 5 شهر