أضف سؤال أو موضوع جديد          

طريق ابها الخميس

up 6 down 4
abct330603 393
قبل 8 سنه و 6 شهر



من لا يشكر الناس لا يشكر الله لقد عانينا في السنوات الماضيه من طريق ابها الخميس من كثرت الاشارات وتوقف السير لكن بفضل الله ثم بفضل جهود الرجل المخلص نحسبه والله حسيبه أمين منطقة عسير المهندس ابراهيم الخليل ورغم كبر سنه الا انه يعمل بإخلاص وتفاني فقد اصبح يهابه المقاولين فقد هددهم بأن اي مشروع متعثر بسبب تقاعس المقاول فسيسحب المشروع منه فورا ومن زار عسير قبل سنوات وسوف يزورها هذا الصيف بإذن الله سيجد الفرق واضحا والان من دوار القصبة سابقا حتى الخميس لا توجد اشارة وأستبدلت بجسور وأنفاق صحيح انه لم ينتهي العمل في كل الجسور والانفاق لكن العمل على قدم وساق /// يا اخواني ابغى اوضح شغلة وهي ان المسؤولين ثلاثة اقسام قسم يأكل اموال المشاريع كلها ولا يرى الواطن اثر لهذه المشاريع وقسم يأكل ولكن هناك أثر لهذه المشاريع وهذه المشاريع تكون على قول المثل ( طبطب وليس يطلع كويس) وهذا القسم اتباعه كثر والقسم الاخير هم الشرفاء من يخافون الله وهم للأسف قله أسأل الله ان يكثرهم( أسأل الله ان يوفقكم يا اعضاء منتدى حراج وان يرزقكم خيري الدنيا والاخره )اخيرا اطلب منكم ان تصلوا على انبي صل الله عليه وسلم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حسبي الله عليهم 


up 1 down 0
السفير ss 459
قبل 8 سنه و 6 شهر



العام عمي راح قعد يومين بأبها على طول رجع يقول زحمة ما تنطاق...ويالله لقى سكن هو وعياله...


up 1 down 0
acura 3755
قبل 8 سنه و 6 شهر



جزاك الله خير..
لكن اسمحلي أختلف معك في عدة نقاط..
-نفق الغروي..جلس ما يقارب 8 سنوات وفي الأخير يطلع بهذي الصورة..أنا توقعت إنه بيطلع نفق مسكت ويستاهل انتظار 8 سنوات..توقعت إنه (يشق الأرض شق)ولا يوقف إلا في أبها..طبعاً هذا غير الأضرار اللي لحقت بأصحاب المحلات..والخسائر
نتيجة مشروعهم الفاشل..

-نفق (عسير مول)انتظار حوالي 6 سنوات..وما أمدانا نفرح فيه إلا وفيه مشروع في المسار المتجه إلى أبها وشفهم مسكرين المسار الأيمن..!!!!يا عيال اللذين ما أمدانا نفرح..؟؟

-الطامة الكبرى المهزلة اللي قاعدة تصير عند إشارة (باحص)سابقاً..يا شيخ أنا ماني سلطان إذا ما مغطوا بأربع أو خمس سنوات..

والصيفية الحين جايتك..وتعال شوف الزحمة والحوادث..

أنا ما كنت أحتاج طريق أبها إلا إذا كنت طالع من الخميس أبغى تنومة..ولكن مع المشاريع الحالية..حولت مع طريق العمارة
يختصر عليك مسافة ماهي بسيطة ويطلعك عند الخزن الاستراتيجي..صح إنه متعب الطريق شوي..لكن رضينا به..

الحين أعادو سفلتة طريق العمارة وبدأو يجددون فيه..لكن برضه الفرحة ما تمت..روح شوف الجبال مقابل شركة الغاز..!!!

يعني ما صار معي إلا إني أطلع لوادي بن هشبل..وأجي مع الجفر..وأطلع في الماوين..طريق بعيييييد..لكن هو أفضل السيئين




اللي يستاهل الشكر من وجهة نظري هو المجلس المروري في خميس مشيط..بكل أمانة صار الآن دخول البلد والخروج منه من أسهل ما يكون..والزحمة اللي كانت في الخالدية نسيناها..وأهم شيء بوفية الشاطئ <<شاهي بخار>_<


شكرا على الموضوع وآسف ع الإطالة


up 12 down 0
sultan-07 2445
قبل 8 سنه و 6 شهر



طريق وادي بن هشبل الحصاد الجفر ميزته طريق مجهول ماعليه زحمه ولا الطريق ماهو ذاك الزود


up 0 down 0
abdulkareem99 1261
قبل 8 سنه و 6 شهر



طيب شنسوي لك جاي تسوي دعايه له ؟ 


up 3 down 4
أستشاري الحب 6468
قبل 8 سنه و 6 شهر



يـٍُ♡ـٍُآ حبايب تكفون اعطوني لايك الادارة (العزيزة) خسفت نقاطي وحظرت عضويتي بدون سبب 
حسبي اللَـٍْْ♡̷̴̬̩̃̊ـٍْْه عليهم 
اللَـٍْْ♡̷̴̬̩̃̊ـٍْْه يجزي كل الي عطاني لايك خير 


up 8 down 2
r2oody -3
قبل 8 سنه و 6 شهر



ممتاز فيه تقدم , شي طيب ...
بالنسبه للي يصيف في الجنوب
اشوف انها غاليه الشقه توصل 500 - 600 وين يبوي
سافر برا احسن لك .. قال ايش قال السياحه الداخليه وهي اغلى من برا
الواحد يصرف فوق الـ 15.000 هو وعياله في اقل من شهر ، ابو النظام المخيس كل يوم يزيد كرهي من نظامنا

تبا للسياحه الداخليه المخيسه ويالبى دول الخارج . بروح اندونيسيا من يخاويني عند البراد والجو الزين


up 4 down 0
عـادل عبدالله 4751
قبل 8 سنه و 6 شهر



ماعرفنا عن ابراهيم الخليل الا طرده للمواطن في مقطع الفيديو , فمااتوقع بأن مسؤول زي كذا بترتفع سمعته شبر عن الارض , زي المسؤولين التقليديين الشيبان اللي بدون تفكير حديث ويمكن الانترنت مايعرفه بعد

شكلك ماتملك سيارة , لانك لو جيت بأفخم سيارة من الخميس الى ابها بتحس كأنك ماشي على البر من تشوهات الزفلت اللي تمدح فيها , وين العقوبات على الجوده , هنا يتميز المسؤول الجيد من الخايس

غير اللي ذكره اخونا سلطان فوق صحيح 100 %

فتبا للتطبيل والمطبلين والمطبل لهم


up 2 down 0
فلوس مافيه 126
قبل 8 سنه و 6 شهر



وباقي ماشفتو مشروع كبري اشارة الجفالي ؟


up 1 down 0
عايض 44
قبل 8 سنه و 6 شهر



اطول مشروع بالتاريخ

مشروع مترو دبي خلص اسرع منه


up 0 down 0
nnna 1028
قبل 8 سنه و 6 شهر



شوف خط الجنوب عقبة شمرخ للحين التحويلات فيها والتعديلات

شوف مشاريع المندق والباحه لازالت قائمه من سنوات شغلهم كسل في كسل

مشاريع بالملائيين قسم بالله لو انا مقاول لاخلصها في اقرب وقت

ضيقوا علينا

كرهت حتى طلعة الجنوب من ضيق الخط والزحمه


الباحه وعسير وجيزان مناطق يجب الالتفات لها واعطاها القليل من الحرص والتنبيه على المقاولين بالسرعه لانجاز مثل تلك المشاريع التي من سنوات لازالت قائمه ولم تنتهي بعد


up 2 down 0
aboamani 1148
قبل 8 سنه و 6 شهر



والله ي جماعة الخير انقلبت بالسياره مع اهلي بالمدينه بسبب مشروع فاشل بوسط الدائري
حسبنا الله ونعم الوكيل


up 0 down 0
ayman-a 328
قبل 8 سنه و 6 شهر