هل اغير زيت القير ؟

شيل بقدار علبه ثم زود عليه . بعد فتره  شيل علبتين وزود عليه  وهكذا . الى أن يتم تغييره كاملا . الطريقه هذه مأخوذه من منتدى مكشات . موفق ان شاء الله .

.
نعم زيت القير حساس
عموما انت مشيت فيه 100 الف
والمفروض كل 40 الف يتغير
طيب عندك حل واحد فقط لكن متعبه شوي 
غير زيت و الفلتر وامشي عليه يومين الي 3 ايام بدون زر علي الموتر يعني دعس
ارجع للورشه وغير زيت القير فقط بدون الفلتر الان الفتر جديد
امش علي يومين او ثلاث ايام بدون دعس ممشي عادي
وارجع للورشه وغير الزيت للمره الثالثه والاخيره 
وبأذن الله يظبط معك 
ولكن يتم التغير بعد 40 الف من التغيره الاخيره ...
.

ياحبيبي غير ولاتخاف بس لاتدعس للسياره في القومة خصوصا ولاراح تندم بإذن أغلب اللي يخرب عليهم القير اصلا يكون القير عندهم تعبان من كثر الدعس ويجي يغير الزيت ويخرب ويتوقع ان الزيت هو السبب. ولكن اذا كان القير سليم ماراح يضره التغيير وانت أدرى بسيارتك بالتوفيق 

وفي طريقة ثانية اذا كنت خايف ومجربة  اذا كان زيت القير٤ لتر مثلا غير لترين بدون فلتر لمدة اسبوع وبعدين غيره كامل مع فلتر 

أكثر الناس يشتكي من خراب القير بعد تغيير الزيت والفلتر إذا كانت ماشيه فوق الحد المسموح به والسبب أن القير الجديد في السيارات

الجديده غير القير القديم لأن فيه حساسات ومخ قير وكمبيوتر وإذا تغير عليه الزيت راح تتغير البرمجه على القير والأفضل سحب 1 لتر

كل أسبوع ووضع مكانها 1لتر زيت جديد وتتكرر العمليه 8 مرات أو أكثر وبعدها تغيره كامل مع الفلتر هذا ماقرأته في أكثر المنتديات

وإنتبه من الورش التي همها الوحيد الكسب المادي حتى لو على حساب سيارتك 

كل سياره لها ممشى محدد تغير فيه زيت القير سواء القير العادي او الاوتوماتيك
بعض السيارات كل 60 الف كيلو وبعضها كل 80 الف
اذا عندك الكتالوج اتاكد

وانصحك انك  تعجل تغير الزيت مع الفتر 
وعلى حسب مشيك هادئ او تحرق كل ما كان استخدامك افضل كل ما جمل الزيت معاك

مسألة ان القير يروح عليك اذا غيرته, تصير في سيارات يكون استخدامها سئ ويكون صاحبها ما قد غير زيت وممشى السياره
يكون كثير  

اهلا

انا غيرت زيت القير للكامري طبعا كنت مجبور

لان الصوفه فيها تهريب و بدلتها وعبيته زيت

وما في شي فرق معي 

الان افكر اغير زيت القير للتاهو

ولكن بسحب لتر و اضيف لتر و بعد اسبوعين بسحب لتر واضيف لتر

ادا يستوعب اني اسخب التر الثالث سحبته 

وبعدها اغيره كامل مع الفلتر

عندي لومينا2004 بأغير لها الزيت الحين مع الفلتر الله يستر

للاسف اغلب الناس لا يعلم حقيقة زيت القير

لان زيت القير درجات ومواصفات حسب نوع القير فلا تغير الزيت لدى البنشري لانة لا يعلم الزيت المناسب فلديك احد الخيارين :
1/ تغييرة لدى الوكالة ( وهي مكلفة ومبالغ في سعرها)

2/ تشتري الزيت من الوكالة وتعبية برا ( وهي الافضل في وجهة نظري)

ما انصحك تغيره مره وحده ،، لان القير راح يفرط

افضل شي تسوي مثل ما قال ابو سند وهي اضمن من انك تغيره مره وحده

غير وماجاك بوجهي

يارجال من عرفنا الدنيا وحنا نغير زيت الجير ولاشفنا الا العافيه اهمشي تكون رجلك بارده اول يومين تغيير

لو الزيت القديم محروق وفيه ريحه لا تغيره لانو بتنعدم الكلتشات لو مافي ريحه غيره وانت مغمض مع الفلتر عند ورشه متخصصه مو عند ابو يمن

ي رجال غيرهـ ’ ولد عمي صارت عليه مشكلة ب القير مشى عليه 150.000 الف ولا غيره زيت القير 
الان بدات مشاكل تغير القير بطئ ’ القوة اصصبحت ضعيفة شيك عليه فحص ( قالو لازم تغير قير ) #
غيرهـ ب 6000 الاف ’ وباعع السيارة ) فاقل شي غغير زيت القير كل 50.000 الف مع الفلتر # 

السلام عليكم ورحمة الله
كل عام وانتم بخير حبايبي
ي اخوان انا عندي كيا ريو 2014 واللي حصل اني مشيت عليها أكثر من 80000 بدون تغيير زيت الجربكس وبعدها غيرته عادي جداً ومشيت فيه 40000 كيلو وغيرت الزيت مره ثانيه لكن المره هذي بدت تقطع وتتأخر في تغيير النمر روحت فحصت قال لازم تغير جربوكس لأنه خلاص تالف ياليت اللي يعرف شي عن الموضوع يفيدني
شكراً

السلام عليكم ، شياب معي اوبتيما 2014 ، ماشي الان 100 الف
وكان موعد تغيير الزيت 80 الف ؟
رحت اكثر من واحد يقلي نغيرلك بس ما نضمن لك اذا حصلك مشاكل
ورحت عند واحد ثاني وقالي نفس كلام الشباب احط لك علبتبن وبعد ثلاث ايام كمان علبتين وبعدها باسبوع اغير لك الزيت كله ، يعني لازم اشتري 8 علب
ماني عارف تيش اسوي ومحتار

السلام عليكم يا راعي الاوبتيما بشر وش صار معاك انا دخلت 135 الف ولا غيرته