تنصوحني ب ضمان الوكالة

الوكاله طال عمرك نهب فلوس على الفاضي يعني تخيل تشييك عادي يكلفك حدود ال 300 ريال !! يعني لو تروح برا الوكاله مع تغيير الزيت وتشييك عند البناشر مايكلفك 150 ريال ,, نصيحتي لك ابتعد عن الوكاله الا في الامور الصعبه فقط ..

يعني مثﻻ بل فحص العادي وتغيير الزيت والسيفون ...الخ ابعد عن الوكالة طيب وش قصدك بل امور الصعبه مثل ؟

مثل تغيير كلتش لان له وزنيه معينه لو ماضبطها واحد فنان راح يحترق عليك الكلتش وماراح تستفيد او تغيير سير التايمن لان له وزنيه معينه بعضهم مايضبطها ويصير عزم السياره دايخ 

طيب رايك ب وكﻻء جي ام سي الجميح وغيره ﻻني ناوي على السييرا وابيها تطول معي

اما بقية الاشياء مثل تغيير الزيت والسيفون هذي سوها برا الوكاله , الا اذا عندك فلوس زايده رح للوكاله وخلهم كل تشييك ينظفون جيوبك من الدراهم :)

والله يابو حمد انا ماقد تعاملت مع وكيل جي ام سي انا اتكلم عن الوكالات بشكل عام لكن السييرا موتر جبار ماعليه كلام ,, وان شاء الله غيري يفيدك بخصوص صيانتهم , والله يبارك لك فيه مقدما 

ﻻ بالله مامعي فلوس زايدة خخخخخخخخخخ

ماقصرت ابو سعود وجزاك الله خير على اﻻسلوب 

عامة الشعب الوكالة بالنسبة لهم نصب و احتيال و يظل أفضل من الوكالة ما في و السبب أن العمال لديهم يعرفون السيارات و مدربين و هكذا أما نظام الورش أي سيارة افتح الكبوت أشوف أعرف لها أو لا

العفو يابو حمد وحاضرين باللي نقدر عليه ..

المشكلة ياوندوز ان العمال ماعندهم اخﻻص بل عمل والفحص غالي وصعبه ادفع غالي لشغل فاشل

شف وانا اخوك شيك عندهم الالف والخمسه الاف واسحب عليهم والزيت اشتره من الوكاله وغيره عند بترومين او مكان تثق فيه وتوكل على الله وماعليك خلاف باذن الله 

وخل هالوكلاء النصابين وابعد عنهم

واذا تبي تشيك على عضلات الموتر وال اخره عندك محل العضيب ممتاز جدا جدا او اليرموك خلهم يشيكون عليه من الى واذا انت خبره في المواتر بتعرف ان الموتر زين والا موب زين من سواقتك له واذا انت غيرت الالف والخمسه الاف عند الوكاله وقالوا والله الموتر سليم ومابه خلاف 

ابد توكل على الله وخذ موترك وشيك عليه بنفسك 

لو لاحظت عليه شيء وده للعضيب وان ما اقتنعت وده للوكاله بس لا تشيك كل مره عندهم لانهم نصابين وبينهبون دراهمك على غير سنع 

اتمنى اني اكون افدتك كثير 

فمان الله ........ ابو نواف

جزاك الله خير ابو نواف بس انا سمعت انك ﻻوصلت خمسة اﻻف وغيرت الزيت وغيره ..بمكان غير الوكاله يروح الضمان عليك هل هذا الكﻻم صحيح؟.

انا باقي علي 1000كيلو وادخله صيانة الخمس الاف
وش تنصحوني بيه 
استمر معهم ولا اسحب عليهم .وعلى كلام ابو أحمد هل يروح علي الضمان لو انقطعت عنهم 
والله ماستفدنا شي على كذا 

ياشباب يرحملي والديكم الي جرب وكالة الجميح يفيدنا