جنط مقاس 18 على جيلي ec718 كيف تجربتك

لاتركب واشتري راحتك ..حاول تكتم شهوتك هذي

الله يجزاك خير مجرب انت قد غيرت جنوط 

جنط 16 و 17 يمكن تكون مناسبه
لكن 18 ماتوقع يناسبها

انا يمكن اركب 16 ('!')

اخوي هي الجنوط حقة الوكالة ايش حجمها 

و عطني ارقام الكفرات بعد

كيف صرفيتها للبنزين وهل تقبل 91 اخضر

السيارة مكينة صغيرة يالله بها تمشي بالجنط الي فيها تركب لها جنط مقاس 18 صدقني ماعاد تتحرك وعزمها يضعف

ياشباب مشكورين بس الي يشارك اتمنا يشارك وعنده خيره فالأمور هاذي  
وللمعلوميه وزن الجنط فالعاده يكون اخف من جنط الوكاله مع الاكفرات الي يقول مايمشي 
وشكرا 
ارجع وقول اتمنا الي يفيدني يكون معه نفس الموتر او عنده خبره كافيه يقدر يفيدني بأقناع 

لازم رفع مقاس الجنط يكون مدروس نصيحه لاتلعب بالامور هذي
يزيد صرفية البنزين وتصير قاسيه وتناقز بالطريق وبعد فتره تسمع اصوات بسبب القساوه
لان اي مطب يهز السياره بقوه من القساوه . ابعد كل البعد
وللمعلوميه جنط 18 كفراته غاليه يعني كفر صيني مشي حالك لايقل عن 400 ريال
اجل لو بتركب نوعيه ممتازه بيطلع 600 - 700 ريال للكفر الواحد ، خلك على مجنونك

هههههههههههههههه لبى قلبك بس والله شي بالراس وودي اطيحه بس كانه بيقعد يحك علي لا حملت الموتر ولا على الملاف فني مايسوا اطيحه بيغثني 

الكفرات قبل شوي شفت جوديير مقاس ٢٠ ب٧٥٠ ريال الواحد

من ناحية المقاس
انتبه تتعدى مقاس الوكالة بدرجتين 
فقط 
لان الكمبيوتر مو مبرمج على الجنط الكبير
راح يكون اختلاف في قراءة الكيلو متر مع زيادة
طفيفه في الاستهلاك كون المكينة يتطلبها زيادة عزم خفيف
عشان تدور الكفرات والمعروف
كلما زادت اتساع الدائرة زادت القوة المبذولة لتحريكها

فقياسا على المكينة تقدر تركب الجنط المناسب
الجيلي اذا مكينتها ٢٠٠٠ ركب ١٧ ويكون اصلي
اما اذا اصغر من ٢٠٠٠ لاتركب اكثر من ١٦ 

ياشباب الله يعطيكم العافيه بس انا ابغا احد يفيدني فموضوع التجربه مايهمني العزم 
يهمني انو اقدر الف الطاره على الأخر ولا تحك معي ثاني شي احمل الموتر ويركب معي ناس ما يحك هذا اهم شي عندي
 مشكور اخوي راعي كفرات قودير مقاس الوكاله 16 ونا بركب 18 فقط ومايهم موضوع الكفرات 

انا جربت بسيارة اصغر من الجيلي وركبت عليها جنط 18 ... مازدا 323 موديل 2001 ركبت عليها جنط 18 .... بس لازم تركب كفر جداً نحيف عشان ماتحك وانا غلطت غلطه بس كنت مطفر ايامها لاوظيفة ولاشي ... قصيت اليايات والمفروض اركب يايات رياضية عشان ارفعها إذا طلعو معاي الشباب... كنت اقدر الف الطارة واسافر عليها وكل شي والمنظر كان خيال.. إذا عندك سؤال اسدحة عادي

حلو كلامك طيب ياي الوكاله ماعندي نيه اسوي فيه شي ينفع ولا لازم اغيره 
اهم شي انو ايذا ركبته على ياي الوكاله وركبو الشباب مايحك 
لأنه ان صار بيحك اكنسل المشروع لأني راعي سفر ويركبون معي اخوياي 
ماأبي لا ركب معي احد حك مقدر استفيد من الموتر علا شان جنط 

دامك راعي سفر لا تركب جنووط ،، خلها شد بلد عشان ترتاح بالخطوط ،، انا كنت مركب على الجيلي جنط ١٧ منظره حلو ويعطي شكل للسياره وما يحك بس قاسي ،، يعني عيون البس ،، تحسها عندك في الغماره ههههههه