أضف سؤال أو موضوع جديد          

الحل عند الله بس أبي نصيحتكم

up 8 down 2
دحيم٧٧٧ 2205
قبل 9 سنه و 6 شهر



السلام عليكم ورحمة الله وبركاته : 

الصراحة من زمان مررره مانزلت موضوع للمنتدى قلت ان شاء الله مشتاقين لي 

إدري ان كلكم نايمين بعد الاختبار وكلنا با الهوى سوى 

المهم : 

من زمان كنت أبي أعلمكم معلومه وانتم ماتحسون فيها 

الأيام الي راحت صارت لي شلة من النوع السرابيت بختصار 

وأنا كنت قبل ما اخاويهم كنت راكد وعاقل وسواقي هادية 

بعد ما بديت اطلع معهم مشاوير ٣٠ كيلو ٤٠ كيلو وهو على الفصله ١٩٠ 

وبعدها بديت أمرهم بموتري علما سيارتي ماعندها إلا ٢٤٠ بس انا ما همني الي يقول  اسرع 

المهم بديت اقتدي فيهم بغير شعور 

بديت امشي ٢٢٠ رايح جاي حتى سيارتي كنت أخاف عليها من الحكحكه في المطبات 

بديت أشيل المطب صغير ولا كبير 

كلها هاذا لاشعوري 

لي تقريبا أسبوعين على ها الوضع وأنا كذا 

علما ياشباب قبل كذا ماكنت اسرع ١٢٠ حدي 

وش أسوي ياشباب انصحوني جزاكم الله خير ...! 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اسحب عليهم وانتهت السالفه كنت مثلك♡♡♡♡♡♥


up 2 down 2
ابو نمر07 480
قبل 9 سنه و 6 شهر



مو شرط تسحب عليهم ليه ماتخليهم يقتدون منك 
ليه مو انت اللي تغيرهم للافضل خلك مثل ماكنت وهم اللي بيتغيرون


up 9 down 0
نـواف المطيري 49
قبل 9 سنه و 6 شهر



الحل و أنا أخوك تروح مستشفى الشميسي قسم الطوارئ و تشوف المُصابين من حوادث السيارات !!!! مرة كنت رايح أسوي أشعة

و دخلت من الباب حق الطوارئ شفت مناظر أقل وصف أقدر أعبر عنها (مُقززة) يالله لا تعاقبنا , شفت واحد شالعين القزازة الأمامية

حقة سيارته و مدخلينه هو والقزازة عشان يفصلونها عن جبهته !!!!! والله بعدها جلست مع نفسي و فكرت كيف البني آدم ضعيف

وهو لمًا يكون راكب سيارته و طاير يحس ما في شي يقدر يوقفه ؟ عالعموم أخوي أتمنى منك تدخل أحد المستشفيات و تشوف

الناس المُقعدة و المتكسرة عشان تحس إن ربي مكرمك و أنعامه تزيد عليك و أنت ما تحس فيها , موفق يا حبيبي و إنتبه لنفسك.


up 9 down 1



ابعد عن رفقاء السوى صدقني ترى بكرة بيدخلونك في مشاكل ومصايب ابعد عنهم

وريح بالك


up 1 down 1
رايق السيارات 588
قبل 9 سنه و 6 شهر



يرحم والديك تكفي افتك شرهم ترا والله ماوراهم الا (((( الظياع )))) اسالني حركت في داخلي اشياء كثيرة وكلام كثير مدفون


up 2 down 1
maldkheel 521
قبل 9 سنه و 6 شهر



الصاحب ساحب وإذا اخوياك مالهم بطريق الضياع ومحترمين ومايعيبهم الا السرعه فهذا شي مقدور عليه لاتسرع
اما اذا هم ماشين بطريق ضياع فأبعد عنهم والله والله يبعد عنا وعنكم اصحاب السوء ويهدينا الى طاعته




up 1 down 0
1976 227
قبل 9 سنه و 6 شهر



اول شي ابدا بنفسك 
وغير من سلوكياتك واعقد العزم على التغيير 

وبعدين التفت لاخوياك وحاول تنصحهم واذا ما شفت منهم فايدة اسحب نفسك 


up 0 down 0
naac 2 2722
قبل 9 سنه و 6 شهر



اخوي موضوعك يد على ان فيك خير كثير الحين انت كبير وفاهم يعني مايقدر احد يلعب عليك والله عطانا عقل نعرف الخير من الشر بالله السرعه وش تستفيد منها والله لو تشوف الحوادث بسبب السرعه لتتمنى نرجع ايام الحمير والخيول احمد ربك والحق نفسك قبل لايفوت الفوت انا قريبي جاه شلل رباعي كل اليدين والرجول وطايح الحسن بسبب سرعه وفي وقت مطر يعني بالله عليك ماتاخذ عبرة من كذا انا والله لامشيت حدي 140 ويدي على قلبي كيف ميتين موت مستعجل هذا ولا يسوي كذا الا اللي عقله ناقص


up 1 down 0
عاالي الهمة 65
قبل 9 سنه و 6 شهر



شوف انتا ماشالله عليك وازعك الديني كويس وعاقل وطيب . انا كنت زيك قبل 6 سنوات والحمدلله انتبهت لنفسي وعرفت ان الي امشي معاهم ماوراهم الا المشاكل . لانو معاك فلة وونسة وضحك وبتقول لنفسك لو اخسرهم محد بيكون معايا ؟ لا غلطان اسحب على ابو امهم وصارحهم قلهم انتو كيت كيت كيت وانا مابمشي في ذا الطريق صدقني صدقني والله رفاق السوء ضرووني ولاحد نفعني ورفيق الفلة والونسة والهجولة صدقني هي تجي كلها ورا بعض سرعة وبعدين تكحيل وبعدين سرقة ووراعين والخ . شوف باختصار المعصية مثل البحر اذا دخلت فيها تغرق وانتا مو حاس فخليك قوي وقلهم يعطيكم العافية . ولاحد يجيك بالعاطفة ساقوها مليون غيرهم اسمع رأي ورأي الاخوان الي فوق وجزاك الله خير


up 3 down 0
ابو امااني 2067
قبل 9 سنه و 6 شهر



اعتقد الشباب عطوك الزبدة واغلبهم مرو بنفس الظروف


بس ترى النتائج تختلف من سيء لأسوء



ونت حر بنفسك ومالك وشبابك


up 0 down 0
_بتال_ -46
قبل 9 سنه و 6 شهر



والله اخوياي يسرعون ودايم وقوف غلط وعليهم مخالفات وحالتهم حاله !!

ومن زمان امشي معهم والله ماتأثرت فيهم بالعكس ورب الكعبه اني مافكرت ولاطقيت خبر

دايم اسمعهم ، اشطف + اسقط + دز + لاتوقف للدوريه + وحد فلان واطلع رصيف ومدري ايش حاجات واجد

وان طلعوا معي محد يتكلم يدرون اني راكد ومحب الامور ذي .. للذلك خلك مثلي وتفنن بالبرود ولاعليك منهم مره

انا ماراح اقول اني العاقل واني انا اللي مافيه مثلي !

بصراحه احيان تجيني حالات واعترف اسرع واتهور شوي ونادر جدا ، يعني مسكات على قولهم لازم تجيك حاله

لكن مو كل يوم لدرجة ان سيارتي اعدمها واخذ مطبه صرف والسبب اخوياي ومن تصرفاتهم ؟ لاسلامات !!!

والله لو تسافر برا وتشوف العالم كيف ماشيه بالنظام وقتها عقلك راح يترجم لك بذاتك ان السعوديه

دوله همجيه وبها فوضى عارمه يارجل اعوذ بالله . شكرا



up 3 down 0
عـادل عبدالله 4751
قبل 9 سنه و 6 شهر



قبل سنه طلع من عندنا مصاب في حادث شباب في ال24 سنه والسبب حادث وكان مسرع وللاسف طلع من المستشفى مشلول رباعيا الله يكون بعونه ... يعني خسر مستقبله وحياته للابد بسبب السرعه وانا شفته قدامي حزنت عليه ووقتها ماينفع الندم فحاول تنتبه على نفسك ترى كلها 15 دقيقه ماتفرق لو اسرعت


جزاكم الله خير 

والصراحة ردودكم مقنعة وأنا مطلوب مني أغير سلوكي هاذا 

وقال الله تعالى ( ان الله لايغير ما بقوم حتى يغيروا ما بأنفسهم ) 


up 0 down 0
دحيم٧٧٧ 2205
قبل 9 سنه و 6 شهر



عزيزي الله يحفظك ويحفظ كل مسلم اولآ بالبدايه احب اقولك اول شي متى تحس بقدر سيارتك وقدرها عندك؟!! إذا نويت تسافر عليها وتمسك خط طويل صدقني هذا اول شي..بعدين ياخي السرعه والرجه ومن الاسرع والمهايط صدقني راح تندم عليه وتضحك بعدين لا تقدمت بالسن ونضجت اكثر..وإذا الله ستر عليك مره لاتحط ببالك انه بيدوم هالشي ناهيك عن الامور الثانيه اللي ذكروها الشباب ((انا مريت بهالمرحله والكلام اللذي ذكرت لك كله والحمد الله واشكره اللي عداني الشر))