معاناتي مع الزيت

رايي توديه الوكاله اظمن من هالنصابين والوكابه بتبين لك السبب ومظمونين واتوقع بيعطونك ظمان..

اذا فتحت الكبوت تشوف زيت على أطراف المكينة والجلد ؟

الموتر يدخن أزرق ؟؟

لا مافية في اطرافه زيت بس المكان االييوقف فيه مليان زيت ولا يدخن

شلون المكينه تنقص زيت كثير ويقولك هذا من زيت القير ؟

والله اني احترت منهم كل واحد له راااي

ذكرتني بموظف تربوي ساكن (( فالعيص )) قد احتار فمشكله فسيارته بس انصحك تروح لاكثر من واحد ا ورشه محترمه عشان يكشفون عليها افضل

ابراهيم صبرك شوي فيه ناس تجهل فالسيارات خلنا على الاقل نفيدهم

اخي الكريم ... يفرق معاك لون الزيت .. لو كان الزيت حق القير تحصله احمر ولو كان زيت المكينه تحصل لونه المعتاد ... اذا وقفت سيارتك فترة وخرها شوي وانزل شيك على الزيت الي في الارض وش لونه اما بأصبعك ولا بمنديل فاين وانتهت المشكله وتعرف وقتها الخلل من وين ...

ابراهيم ذي المشكلة عندي من زمان ولاني ملاقي لها حل وقلت استفسر هنا اما اذا كان المنتدى لك فالعذر والسموحة

ابراهيم لك رساله على الخاص واذا نزلت الغربيه ابيك فموضوع ورد على مكالماتي وخل عنك القروشه

والله يخوي محمد انت شفت اللي شافوا سيارتك ماحددوا لك المشكله
وانت الان تبينا نعلمك من وين المشكله وانت ماوضحت لنا التهريب من وين اصلاً
عموماً مكائن الفورتك دائماً تهرب الصوفه الاماميه
اذا ماتبي تغسل المكينة بإمكانك تغير مكان السيارة او تضع كرتون تحت السيارة
وتشيك عليه بعد فتره وتحدد مكان التهريب

ولو ذكرت موقعك
الاعضاء اللي حولك مو مقصرين معاك بوصف ورش وفنيين متخصصين
ممكن يكون اوفر وافضل من الوكيل
في امان الله

حيبي انا معي جمس 02" وكان زيك بالضبط غيرت الصوفة الامامية والخلفية الي عند القير وكلفت 250 ريال شغل يد 
والقطع ناسية بس اظن حول 120 من محل التقوى أم الحمام (بالرياض) والحمد الله راح النقص والبركة الزيت الي في الموقف 
اختفت والحمد الله....

يا الحبيب اول شي تروح تغسل الموتر بستم من تحت ((( ركز معاي ))) تغسل السيارة ديزل ماء صابون ماء
وبعدها روح فحص كمبيوتر يبين عندك وين التهريب هل هو قازقيت كارتيرالمكينه - صوفة خلفية للمكينة وتكون بين القير والمكينه - سيفون زيت المكينه وهاذا يتغير مع تغير الزيت في البنشري- فلا تستعجل سوي زي ماقلت لك من واقع تجربة شخصية وبتوفيق