تضليل m3

السلام عليكم ورحمة الله وبركاته




ياشباب سمعو السالفه ذي ويشهد الله علي ان صادق فيها ومو قصدي اني اسيء لسمعه الشركه او اي شي من هذا القبيل وراح اترك لكم المجال تحكمون بنفسكم




اول ما طلعت السياره رحت للتامين التعاونيه وامنت
بعدين جتني رساله تفيد بخصم 35٪ من 3m قلت ممتاز
رحت حق وكالتهم سالته عن سعر التظليل كريستال لاين قالي السعر قبل الخصهم تقريبا في حدود 2400 مو متاكد
بعد الخصم قالي 1900 ريال




قلت له طيب والتغبيره حمايه الوجهيه بكم قالي بعد الخصهم 1800




قلت اوكي بروح محلات ثانيه عندها ثري ام وبسالهم




رحت محلات ثانيه نفس اوتو فال ونفس اوتو شاين




اول ما دخلت اوتو فال قلت له بكم التظليل قالي وش النوع اللي تبي قلت له ابي كريستال لاين ثري ام
قالي على طول 1900 ريال




قلت له طيب انا عندي خصم تعاونيه قالي حبيبي المبلغ هذا مخصوم يعني لك ولغيرك مالنا شغل بالتعاونيه اذا تبي خصم التعاونيه روح للوكاله حقت الشركه ومراح تخصم لك راح تعطيك نفس السعر اللي عطيناك اياه 
قلت له طيب بكم التغبيره حقت حمايه الوجهيه قالي 1800 ريال




قلت اوكي
شكرا ومشيت




بعدين رحت محل اوتو شاين
لقيت عنده ماركات كثيره وقلت له بكم قالي بالظبط نفس اسعار المحل اللي قبله قلت له طيب انا عندي تامين التعاونيه قالي الخصم عند الشركه وراح تعطيك نفس اسعارنا 




قمت يا جماعه شككت في الموضوع
خصوصا ان اوتو شاين قالي بعطيك ضمان عشر سنوات بالاشافه بسوي لك حمايه صدى مجانا




طبعا تعروفون اي واحد مطلع له سياره جديده ووكاله وبهالقيمه قلت يا بن الحلال دامه نفس السعر خلني اروح للوكاله احسن




ورجعت للوكاله وظللت عندهم وسويت التغبيره
وقلت للمسئول ان فيه محلات ثانيه تستخدم نفس منتجاتكم ونفس اسعاركم بعد الخصم قالي انا مالي شغل باي محل ثاني هنا الوكاله




قلت له اوكي




بعدين شفته يسوي حمايه حق سياره ثانيه حمايه بويه لكامل السياره
قلت له بكم تسوي لي حمايه بويه كامل السياره
قالي بعد الخصم 780 ريال




وبمحلات غيره طبعا ب 450 ريال




قلت له طيب ضمان كم قالي سنه
قلت له طيب سوها




اثناء العامل ما يشتغل شفت شي غريب




لقيت عنده علبه مكتوب عليها paint protecter 3m
وما سكتها ويحط بالاسفنجه ويمسح السياره يدويا ويمشها بفوطه يعني العمليه كلها ما تاخذ على السياره ربع ساعه




قلت له بس هاذي الحمايه قالي اي




قلت له انا توقعت بتجيب مكينه او شي ما توقعت ان الشغل يدوي وبسيط لهاذي الدرجه
قالي انت مالك الا الظمان لو جاها شي خلال سنه هاتها ونعيدها لك
قلت له اوكي بكم العلبه هاذي اللي استخدمتوها
قالي هاذي مو للبيع والشركه ما تبيعها
هاذي خاصه وتعتبر من خلطات الشركه السريه اللي ما تبيعها للزبون ولا كان خسرنا




قلت اوكي فيه اي توصيات
قالي اذا جيت تنظف سيارتك استخدم شامبو خاص مع فوطه مايكرو فايبر




قلت اوكي ومشيت




بعدين جيت للانترنت ابي اشوف وين افضل محلات تبيع الشامبو مع الفوط لقيتهم كلهم يمدحون ساكو




قلت حلو




شغلت الوتر ورحت ساكو
ولقيت المفاجأه








شي ما تتوقعونه




لقيت جميع منتجات 3m تباع هناك 




والقهر 




لقيت منتج paint protection 3m
موجود في ساكو
الفرق ان العلبه صغيره وقيمتها ما تتعدى 40 ريال او خلونا نقول 50 بالكثير




والعلبه تكفي من اربع الى خمس سيارات اقل شي




وابو الشباب ماخذ 780 ريال ويقول لي انها ما تباع برى ومدري ايش




غير كذا لقيت عندهم منتجات 3m حق ازاله الخدوش وشامبو وصابون
ولقيت علبه قيمتها ما تتعدى 20 ريال لحمايه الجلد والفرش الداخلي 
وشريتها
و 3m يسويها لك 1200 ريال




نصيحه يا شباب لا تسمعون كلامي وتصدقوني على طول روحو ساكو وتاكدو بانفسكم 





منقول 


وحسبنا الله ونعم الوكيل

انا جربته واشوفه ممتاز

مافي فرق ،، ركب لك تظليل 02 خلفي و01 امامي ،، لا تظلل الزجاج الامامي الكبير لان حتحصلك كرت اصفر عند اقرب نقطة تفتيش هالايام مشددين شوي

في العزل الحراري بالعكس والله انه مفيد جدا واللي جرب
الاثنين يعلمك الفرق

اكيد في فرق

بس بعض المحلات يبالغ بالاسعار

بالنسبة للعازل الحراري  اشوف افضل شي انه تجيبه من النت وتركبه عند المحلات المختصه  وتوفر على نفسك الكثير  ويمكن نصف القيمه 

اخوي ادخل الاعلان هذا 2257943 يمكن يفيدك 

والله للأمانه مضلل سيارتي تاهو من 3 ام تضليل كامل السياره زيرو تو كلفني 2000 اعتقد وشوي

وركبت مع واحد من الاصدقاء مضلل سيارته زيرو تو مثلي ومافيه فرق بين تضليلي وتضليله  الا شيء بسيط وسألته وقال كلفني 150 ريال كوري 

الاختلاف تضليلته فيها بقع خفيفه جدا ما تبان الا إذا دققت ،،،3m ما يطلع بقع
مافيه شعار

غير كذا نفس العزل يمكن يفرق عن ثري ام  20% في عزل الشمس ﻵ اكثر

الشمس ما تعرف 3 إم وإلا غيره. أدفع 2000 على تظليل.

يابن الحلال مالها دخل في عزل الحراره ولا غيره
انا عندي سيارة العائله شبه عازل كاتم وسيارة اخرى عازل خفيف كلها شركات طبعاً
ومافيها هالكلام توقف في الحر الله يعينك
ميزتها وفرقها عن حقين قطع الغيار انو في تضليل الشركات الكبيره
مجال الرؤية افضل

أنا بغيت اظلل عندهم بس يوم شفت سعرها بحدود 2000 ريال قلت اسوي لي مضله داخل البيت وتحمي لي السيارة باكامل

ودي اركب ومتخوف

مركز ستة نقاط للعناية الشاملة للسيارات
Six Points
نقدم لكم أفضل منتجات ذو الجودة العالية




العزل الحراري : مقدم من شركة Express Window Films الامريكية ~




# مواصفات عازل الحراري افلام النانو سيراميك ↙ :




● تعزل درجة حرارة الشمس بنسبة ( 86% ) .
● تعزل الاشعة تحت الحمراء بنسبة ( 98% ) .
● تعزل الاشعة فوق البنفسجية بنسبة ( 99% ) .
● تسمح للضوء المرئي , الشفافية , بنسبة ( 73% ) .




✦✦




# مميزات عازل الحراري افلام النانو سيراميك ↙ :
● تسمح بتشغيل كافة وسائل الاتصال الحديثة .
● تخفض وهج الشمس ومن بهتان الالوان الداخلية .
● غير قابلة للخدش ومقاومة لكسر الزجاج .
● خالي من المعادن والألوان المعاكسة .
● متوفر بألوان : شفافة , متوسطة , داكنة .




✦✦




# خدمة مابعد البيع , ( الضمان ) ↙ :
ضمان عازل الحراري افلام النانو سيراميك ضماناً مفتوحاً وتشمل ↙ :
● تغيير اللون .
● فشل اللآصق .
● التأكسد والتآكل .
☼ ويتيح الضمان تركيب بديل جديد مجانا ☼




✦✦
- للتواصل والاستفسار /
فواز ( 0590077341 )