بخصوص تجديد الرخصة

اول شيء انشيء لك حساب عن طريق هذا الموقع واتبع الخطوات
http://www.moi.gov.sa/wps/portal/!ut/p/b1/04_SjzQ0tjQ1MzQwMTTVj9CPykssy0xPLMnMz0vMAfGjzOKdDAxcLZ0MHQ0MQkxdDDw9PDz9Q8wDDAwMDPWDE4v0c6McFQEAiKLV/?CSRT=29060536982635543
انا ما جربتها لأني جددتها قبل نظامهم هذا

انا قبل فتره وانا طالع من البريد شفت الموظف طفشان لحاله يغني
قلت خلني اسأله عن تجديد الرخصه يوم انه فاضي
قالي صوره الهويه + الرخصه (صوره والاصل) + وصل عمليه التسديد + مبلغ رمزي والله ماتذكر كم
طبعاً هذا الكلام قديم اول ما اشغلونا بالاعلانات في البريد عن تجديد الرخص والاستماره
والافضل تسأل اقرب فرع بريد لك يفيدونك تعرف كل يوم يطلع نظام

زي ما قال اخوي ابو كيان مرفقات وياخذون 25 ريال بس ﻻزم يكون عندك صندوق بريدي عندهم اتوقع واذا ماعندك شوف احد تعرفه عنده بريد واهم شئ ماعليك مخالفات 

رحت اجدد رخصتي شفت ابتسامه العسكري وترددت وبغيت ارجع ويوم سئلته يقول لي رح سو تحليل طبي كشف طبي وبعدها تعال لنا 

ويوم رحت بنك الدم قال وين النموذج حق المرور قلت محد عطاني ورجعت خذته ورجعت لبنك الدم قلت ابي فحص توني جايك قال وين الصور رح تصور 

امبيري وصل اتششششششششش ولعنت العسكري يلي ما عطاني الطلبات حسبي الله عليه وما جددت والحين رخصتي منتيه لها سته شهور بسبب هلعسكري 

المفروض تجديد الرخصة عن طريق الانترنت تسدد الرسوم وتسوي موعد بالمرور وتروح تستلمها وسلام عليكم ،، ماله داعي التعقيد وفحص دم وتصوير وقرف في هالجو الحار

بلا بريد وبلا فحص خذ الكلام اللي يجمد على الشارب رسوم التجديد 80 سنتين 200 خمس سنوات 400 عشر سنوات
(اذ بطاقة الهوية الوطنية جديدة ام شريحة ) سدد الرسوم عن طريق الهاتف المصرفي ومر المرور وانت واقف عطهم القديمة بالكثير 5 دقائق و انت خالص منهم